294.ஆனைமுகவற்கு

“

294

மதுரை

                 தானதன தத்த தானதன தத்த

                    தானதன தத்த                  தனதான

 

ஆனைமுக வற்கு நேரிளைய பத்த

       ஆறுமுக வித்த                      கமரேசா

 ஆதியர னுக்கும் வேதமுதல் வற்கும்

     ஆரணமு ரைத்த                     குருநாதா

 தானவர்கு லத்தை வாள்கொடுது ணித்த

     சால்சதுர்மி குத்த                  திறல்வீரா

 தாளிணைக ளுற்று மேவியப தத்தில்

     வாழ்வொடுநி றக்க              அருள்வாயே

வானெழுபு விக்கு மாலுமய னுக்கும்

     யாவரொரு வர்க்கு                   மறியாத

மாமதுரை சொக்கர் மாதுமைக ளிக்க

     மாமயில்ந டத்து                 முருகோனே

 தேனெழுபு னத்தில் மான்விழிகு றத்தி

     சேரமரு வுற்ற                   திரள்தோளா

தேவர்கள்க ருத்தில் மேவியப யத்தை

     வேல்கொடுத ணித்த            பெருமாளே

 

பதம் பிரித்தல்

ஆனை முகவற்கு நேர் இளைய பத்த

ஆறு முக வித்தக அமரேசா

ஆனை முகவற்கு - யானை முகம் கொண்ட விநாகருக்கு நேர் இளைய - நேராகப் பின் தோன்றிய இளையவரான பத்த - அன்பனே வித்தக - ஞானியே அமரேசா - தேவர்களுக்கு அரசாம் தலைவனே

ஆதி அயனுக்கும் வேத முதல்வற்கும்

ஆரணம் உரைத்த குரு நாதா

ஆதி அரனுக்கும் - முதல்வராகிய சிவபெருமானுக்கும் வேத முதல்வர் - வேதத் தலைவனான பிரமனுக்கும் ஆரணம் - வேதப் பொருளை உரைத்த- உபதேசித்தருளிய குரு நாதா - குரு நாதரே

தானவர் குலத்தை வாள் கொடு துணித்த

சால் சதுர் மிகுத்த திறல் வீரா

தானவர் குலத்தை - அசுரர்கள் குலத்தை வாள் கொடு துணித்த - வாள் கொண்டு வெட்டி அழித்த சதுர்சால் மிகுத்த - சாமர்த்தியம் நிறைந்த திறல் வீரா - வல்லமை வாய்ந்த வீரனே

தாள் இணைகள் உற்று மேவிய பதத்தில்

வாழ்வொடு சிறக்க அருள்வாயே

தாள் இணைகள் உற்று - உனது இரண்டு திருவடிகளையும் தியானித்து மேவிய பதத்தில் - பொருந்துதலைக் கொண்ட பதவியில் வாழ்வொடு சிறக்க - நல்ல வாழ்வுடன் நான் விளங்கும்படி அருள்வாயே - அருள் புரிவாயாக

வான் எழு புவிக்கு(ம்) மால் அயனுக்கும்

யாவர் ஒருவர்க்கும் அறியாத

வான் எழு புவிக்கும் - விண்ணுலகம் முதலான எழு வகைப் பட்ட உலகத்தினர்க்கும் யாவர் ஒருவர்க்கும் அறியாத - வேறு எவர்க்கும் அறிய முடியாத

மா மதுரை சொக்கர் மாது உமை களிக்க

மா மயில் நடத்தும் முருகோனே

மா மதுரை சொக்கர் - சிறந்த மதுரை நகரில் வாழும் சொக்கேசரும் மாது உமை களிக்க - மாதாகிய பார்வதியும் மகிழ்வுறும்படி மா மயில் நடத்தும் முருகேனே - அழகிய மயிலைச் செலுத்தி நடத்தும் முருகனே

தேன் எழு புனத்தில் மான் விழி குறத்தி

சேர மருவு உற்ற திரள் தோளா

தேன் எழு புனத்தில் - தேன் உண்டாகும் வள்ளி மலைக் காட்டில் மான் விழிக் குறத்தி - மான் போன்ற கண்களை உடைய குறப் பெண்ணாகிய வள்ளியை சேர மருவு உற்ற - உன்னைச் சேரும்படி அவளிடம் அணுகிய திரள் தோளா - திரண்ட தோளை உடையவனே 

தேவர்கள் கருத்தில் மேவிய பயத்தை

வேல் கொடு தணித்த பெருமாளே

தேவர்கள் கருத்தில் - தேவர்களுடைய மனதில் மேவிய பயத்தை - (சூரனால் ஏற்பட்ட) பயத்தை வேல் கொடு தனித்த பெருமாளே - வேலாயுதத்தால் நீக்கிய பெருமாளே

சுருக்க உரை

விநாயகருக்கு இளையவரே, சிவபெருமானுக்கும் பிரமனுக்கும் வேதப் பொருளை உபதேசித்த குரு நாதா, அசுரர் குலத்தை அழித்த வீரா, உன் திருவடிகளைத் தியானித்து, நான் நல் வாழ்வுடன் விளங்க அருள் புரிவாய்.

எவராலும் அறிய ஒண்ணாத மதுரை வாழ் சொக்கரும், உமையும் மகிழும்படி அழகிய மயிலைச் செலுத்தும் முருகனே வள்ளியைத் தழுவும் வலிய தோள்களை உடையவனே தேவர்கள் பயத்தை வேல் கொண்டு நீக்கிய பொருமாளே

விளக்கக் குறிப்புகள்

1 வான் எழு புவிக்கு

மேலுலகம் ஏழு கீழுலகம் ஏழு

2 ஆதியரனுக்கும் வேத முதல்வற்கும்

ஓதுவித்த நாதர் கற்க வோதுவித்த முனிநாண

ஓரெத்தி லாறெழுத்தை யோது வித்த பெருமாளே --- திருப்புகழ்,. வேதவெற்பி

ஆதி கற்பகவிநாய கற்குபிற

கானபொற்சரவ ணாப ரப்பிரம

னாதி யுற்றபொருள் ஓது வித்தமைய றிந்தகோவே 

                                                            —திருப்புகழ்,வாதபித்தமொடு

                        

” tag:

294

மதுரை

                 தானதன தத்த தானதன தத்த

                    தானதன தத்த                  தனதான

 

ஆனைமுக வற்கு நேரிளைய பத்த

       ஆறுமுக வித்த                      கமரேசா

 ஆதியர னுக்கும் வேதமுதல் வற்கும்

     ஆரணமு ரைத்த                     குருநாதா

 தானவர்கு லத்தை வாள்கொடுது ணித்த

     சால்சதுர்மி குத்த                  திறல்வீரா

 தாளிணைக ளுற்று மேவியப தத்தில்

     வாழ்வொடுநி றக்க              அருள்வாயே

வானெழுபு விக்கு மாலுமய னுக்கும்

     யாவரொரு வர்க்கு                   மறியாத

மாமதுரை சொக்கர் மாதுமைக ளிக்க

     மாமயில்ந டத்து                 முருகோனே

 தேனெழுபு னத்தில் மான்விழிகு றத்தி

     சேரமரு வுற்ற                   திரள்தோளா

தேவர்கள்க ருத்தில் மேவியப யத்தை

     வேல்கொடுத ணித்த            பெருமாளே

 

பதம் பிரித்தல்

ஆனை முகவற்கு நேர் இளைய பத்த

ஆறு முக வித்தக அமரேசா

ஆனை முகவற்கு - யானை முகம் கொண்ட விநாகருக்கு நேர் இளைய - நேராகப் பின் தோன்றிய இளையவரான பத்த - அன்பனே வித்தக - ஞானியே அமரேசா - தேவர்களுக்கு அரசாம் தலைவனே

ஆதி அயனுக்கும் வேத முதல்வற்கும்

ஆரணம் உரைத்த குரு நாதா

ஆதி அரனுக்கும் - முதல்வராகிய சிவபெருமானுக்கும் வேத முதல்வர் - வேதத் தலைவனான பிரமனுக்கும் ஆரணம் - வேதப் பொருளை உரைத்த- உபதேசித்தருளிய குரு நாதா - குரு நாதரே

தானவர் குலத்தை வாள் கொடு துணித்த

சால் சதுர் மிகுத்த திறல் வீரா

தானவர் குலத்தை - அசுரர்கள் குலத்தை வாள் கொடு துணித்த - வாள் கொண்டு வெட்டி அழித்த சதுர்சால் மிகுத்த - சாமர்த்தியம் நிறைந்த திறல் வீரா - வல்லமை வாய்ந்த வீரனே

தாள் இணைகள் உற்று மேவிய பதத்தில்

வாழ்வொடு சிறக்க அருள்வாயே

தாள் இணைகள் உற்று - உனது இரண்டு திருவடிகளையும் தியானித்து மேவிய பதத்தில் - பொருந்துதலைக் கொண்ட பதவியில் வாழ்வொடு சிறக்க - நல்ல வாழ்வுடன் நான் விளங்கும்படி அருள்வாயே - அருள் புரிவாயாக

வான் எழு புவிக்கு(ம்) மால் அயனுக்கும்

யாவர் ஒருவர்க்கும் அறியாத

வான் எழு புவிக்கும் - விண்ணுலகம் முதலான எழு வகைப் பட்ட உலகத்தினர்க்கும் யாவர் ஒருவர்க்கும் அறியாத - வேறு எவர்க்கும் அறிய முடியாத

மா மதுரை சொக்கர் மாது உமை களிக்க

மா மயில் நடத்தும் முருகோனே

மா மதுரை சொக்கர் - சிறந்த மதுரை நகரில் வாழும் சொக்கேசரும் மாது உமை களிக்க - மாதாகிய பார்வதியும் மகிழ்வுறும்படி மா மயில் நடத்தும் முருகேனே - அழகிய மயிலைச் செலுத்தி நடத்தும் முருகனே

தேன் எழு புனத்தில் மான் விழி குறத்தி

சேர மருவு உற்ற திரள் தோளா

தேன் எழு புனத்தில் - தேன் உண்டாகும் வள்ளி மலைக் காட்டில் மான் விழிக் குறத்தி - மான் போன்ற கண்களை உடைய குறப் பெண்ணாகிய வள்ளியை சேர மருவு உற்ற - உன்னைச் சேரும்படி அவளிடம் அணுகிய திரள் தோளா - திரண்ட தோளை உடையவனே 

தேவர்கள் கருத்தில் மேவிய பயத்தை

வேல் கொடு தணித்த பெருமாளே

தேவர்கள் கருத்தில் - தேவர்களுடைய மனதில் மேவிய பயத்தை - (சூரனால் ஏற்பட்ட) பயத்தை வேல் கொடு தனித்த பெருமாளே - வேலாயுதத்தால் நீக்கிய பெருமாளே

சுருக்க உரை

விநாயகருக்கு இளையவரே, சிவபெருமானுக்கும் பிரமனுக்கும் வேதப் பொருளை உபதேசித்த குரு நாதா, அசுரர் குலத்தை அழித்த வீரா, உன் திருவடிகளைத் தியானித்து, நான் நல் வாழ்வுடன் விளங்க அருள் புரிவாய்.

எவராலும் அறிய ஒண்ணாத மதுரை வாழ் சொக்கரும், உமையும் மகிழும்படி அழகிய மயிலைச் செலுத்தும் முருகனே வள்ளியைத் தழுவும் வலிய தோள்களை உடையவனே தேவர்கள் பயத்தை வேல் கொண்டு நீக்கிய பொருமாளே

விளக்கக் குறிப்புகள்

1 வான் எழு புவிக்கு

மேலுலகம் ஏழு கீழுலகம் ஏழு

2 ஆதியரனுக்கும் வேத முதல்வற்கும்

ஓதுவித்த நாதர் கற்க வோதுவித்த முனிநாண

ஓரெத்தி லாறெழுத்தை யோது வித்த பெருமாளே --- திருப்புகழ்,. வேதவெற்பி

ஆதி கற்பகவிநாய கற்குபிற

கானபொற்சரவ ணாப ரப்பிரம

னாதி யுற்றபொருள் ஓது வித்தமைய றிந்தகோவே 

                                                            —திருப்புகழ்,வாதபித்தமொடு

                        

282.ஆறு மாறு மஞ்சு மஞ்சும்

“

282

தேவனூர்

செஞ்சி- சேத்துப்பட்டு வழி.

இந்தத் திருப்புகழ் பரம்பொருளை உணரக் கூடிய மார்க்கத்தை அழகாகக் கூறுகிறது.

           தான தான தந்த தந்த தான தான தந்த தந்த

           தான தான தந்த தந்த                   தனதான

 

ஆறு மாறு மஞ்சு மஞ்சும் ஆறு மாறு மஞ்சு மஞ்சும்

    ஆறு மாறு மஞ்சு மஞ்சும்                           அறுநாலும்

ஆறு மாய சஞ்ச லங்கள் வேற தாவி ளங்கு கின்ற

   ஆர ணாக மங்க டந்த                                 கலையான

ஈறு கூற ரும்பெ ருஞ்சு வாமி யாயி ருந்த நன்றி

   யேது வேறி யம்ப லின்றி                        யொருதானாய்

யாவு மாய்ம னங்க டந்த மோன வீட டைந்தொ ருங்கி

   யான வாவ டங்க என்று                          பெறுவேனோ

மாறு கூறி வந்தெ திர்ந்த சூரர் சேனை மங்க வந்த

   வாரி மேல்வெ குண்ட சண்ட                         விததாரை

வாகை வேல கொன்றை தும்பை மாலை கூவி ளங்கொ ழுந்து

    வால சோம னஞ்சு பொங்கு                            பகுவாய

சீறு மாசு ணங்க ரந்தை ஆறு வேணி கொண்ட நம்பர்

    தேசி காக டம்ப லங்கல்                         புனைவோனே

தேவர் யாவ ருந்தி ரண்டு பாரின் மீது வந்தி றைஞ்சு

    தேவ னூர்வி ளங்க வந்த                          பெருமாளே.

பதம் பிரித்து உரை

 

ஆறும் ஆறும் அஞ்சும் அஞ்சும் ஆறும் ஆறும் அஞ்சும் அஞ்சும்

ஆறும் ஆறும் அஞ்சும் அஞ்சும் அறு(ம்) நாலும்

ஆறும் ஆறும் (6+ 6- 12) அஞ்சும் அஞ்சும் (5+5-10) ஆறும் ஆறும் (6+ 6 - 12) அஞ்சும் அஞ்சும் ஆய (5+5-10) ஆறும் ஆறும் (6+ 6- 12) அஞ்சும் அஞ்சும் (5+5-10) அறு நாலும் ( 6X4 - 24)

ஆறும் ஆய சஞ்சலங்கள் வேறு அதா விளங்குகின்ற

ஆரணம் ஆகமம் கடந்த கலையான

ஆறும்(6)  ஆய - 12 +10 + 12 +10 +12 + 10 + 24 + 6 ) தொண்ணூற்று ஆறு ஆன சஞ்சலங்கள் - (துன்பத்துக்குக் காரணமான) தத்துவங்களுக்கும். வேறு அதா விளங்குகின்ற - வேறாக விளங்குகின்றதும் ஆரணம ஆகமம் கடந்த - வேதம் ஆகமம் இவைகளைக் கடந்த கலையான - உபதேச கலையாகிய.

ஈறு கூற அரும் பெரும் சுவாமியாய் இருந்த நன்றி

ஏது வேறு இயம்பல் இன்றி ஒரு தானாய்

ஈறு - சித்தாந்தம். கூற அரும் சொல்லுதற்கு அருமையான. பெரும் - பெரிய சுவாமியாய் இருந்த - தெய்வ நிலையாய் இருந்ததுமான நன்றி - நன்மைப் பொருளை ஏது வேறு இயம்பலன்றி - மூலகாரணம் வேறு சொல்லுவதற்கு இல்லாமல் ஒரு - ஒப்பற்ற. தானாய் - தனிப் பொருளாய்.

யாவுமாய் மனம் கடந்த மோன வீடு அடைந்து ஒருங்கி

யான் அவா அடங்க என்று பெறுவேனோ

யாவுமாய் - எல்லாமாய் விளங்கி. மனம் கடந்த - மனதுக்கு அப்பாற்பட்ட. மோன வீடு அடைந்து - மோன இன்ப வீட்டை அடைந்து. ஒருங்கி - மனம் ஒருமைப்பட்டு ஒடுங்கி. அவா - ஆசை எல்லாம். அடங்க - அடங்கும் படியான நிலையை என்று பெறுவேனோ - எப்பொழுது பெறுவேனோ?

மாறு கூறி வந்து எதிர்ந்த சூரன் சேனை மங்க வந்த

வாரி மேல் வெகுண்ட சண்ட வித தாரை

மாறு கூறி வந்து - பகைமையைச் சொல்லி வந்து. எதிர்ந்த சூரர் - எதிர்த்து வந்த அசுரர்களின் சேனை - படை மங்க வந்த - மங்கி அழிய வாரி மேல் வெகுண்ட – தோணிகள் மிதக்கும் கடலைக் கோபித்தும். சண்டவித - விரைவு, கோபம் இவை வாய்ந்ததும். தாரை - கூர்மையானதும் ஆகிய

வாகை வேல கொன்றை தும்பை மாலை கூ விளம் கொழுந்து

வால சோமன் அஞ்சு பொங்கு பகு வாய

வாகை வேல –வெற்றி கொண்ட வேலை ஈந்தியவனே கொன்றை தும்பை மாலை - கொன்றை, தும்பை இவற்றாலான மாலைகள். கூவிளம் - வில்வக் கொழுந்து வால சோம - இளம் பிறைச் சந்திரன் பகு வாய் - பிளப்பு வயையுடைய

சீறு மாசுணம் கரந்தை ஆறு வேணி கொண்ட நம்பர்

தேசிகா கடம்பு அலங்கல் புனைவோனே

சீறும் மாசுணம் - சீறிக் கோபிக்கும் பாம்பு(பயையும்) கரந்தை - திரு நீற்றுப் பச்சை. ஆறு - கங்கை ஆறு. வேணி - சடை. கொண்ட நம்பர் - இவற்றைக் கொண்ட சிவ பெருமானுக்கு. தேசிகா- குரு மூர்த்தியே கடம்பு அலங்கல் - கடம்ப மாலையை. புனைவோனே - அணிபவனே

தேவர் யாவரும் திரண்டு பாரின் மீது வந்து இறைஞ்சு

தேவனூர் விளங்க வந்த பெருமாளே.

தேவர் யாரும் திரண்டு - தேவர்கள் யாவரும் ஒன்று கூடி. பாரின் மீது - பூமியில். வந்து இறைஞ்சும் - வந்து வணங்கும். தேவனூர் விளங்க வந்த பெருமாளே - தேவனூர் விளங்க வந்த பெருமாளே.

சுருக்க உரை

தொண்ணூற்று ஆறு தத்துவங்களுக்கும் வேறாக விளங்குவதும், வேதம் ஆகமம் இவைகளுக்கு அப்பாற் பட்டதும், சொல்லுதற்கு அரிதாக உண்மையான மூல காரணம் வேறு இல்லாமல் ஒப்பற்ற தனியாக நின்று, எல்லாமாய் விளங்குவதுமான, மனம் கடந்த மோன இன்ப வீட்டை அடைந்து, மனம் ஒடுங்கி, என்ஆசைகள் எல்லாம் அடங்கும்படியான நிலையை நான் என்று பெறுவேனோ?

பகைவர்களாகிய அசுரர்கள் சேனைகள் மடிந்து அழிய கூர்மையான வேலை எய்தியவனே, கொன்றை, தும்பை மாலைகளையும், பாம்பு, கங்கை ஆகியவற்றையும் சடையில் தரித்த சிவபெருமானுக்குக் குரு மூர்த்தியே, தேவர்கள் வணங்கும் பெருமாளே. என் ஆசைகள் அடங்குவது எப்போது?   

விளக்கக் குறிப்புகள்

கலையான ஈறு கூற அரும்....

கலையான ஈறு ..... உபதேச கலையாகிய சித்தாந்தம்.

தொண்ணூற்று ஆறு தத்துவங்கள்.....

மூலப் பொருள்கள் - 36. (அசுத்த தத்துவம் 24. சுத்தா சுத்த தத்துவம் 7.

சுத்த தத்துவம் 5.)

புற நிலைக் கருவி - 60 ( பருதிவியின் கூறு 5, அப்புவின் கூறு 5, தேயுவின்கூறு 5, வாயுவின் கூறு 5, ஆகாயத்தின் கூறு 5, வாயு 10, நாடி 10, வசனாதி 5, வாக்கு 4, குணம் 3, அகங்காரத் திரயம் 3).

அவா அடங்க.....

அஞ்ஞானமும், அது பற்றி யானென மதிக்கும் அகங்காரமும், அது பற்றி எனக்கிது வேண்டும் என்னும் அவாவும், அது பற்றி அப் பொருட்கட் செல்லும் ஆசையும், அது பற்றி அதன் மறு தலைகட் செல்லும் கோபமும் வட நூலார் குற்றம் ஐந்தென்றார் - வ.சு.செங்கல்வராயப்பிளை.

முதலில் ஜடப்பொருளான இவ்வுடலின் தோற்றத்திற்கான தத்துவங்களை விளக்குகிறது. அவை எண்ணிக்கையில் தொண்ணூற்றாறாக உள்ளன.

அவைகளில் ஐந்து கர்மேந்த்ரியங்களும், ஐந்து ஞானேந்த்ரியங்களும், மனம், புத்தி, சித்தம் மற்றும் அந்தக்கரணம் இவற்றில் மிக முக்கியமானவை.

இவைகளிலும் மிகவும் முக்கியமானது மனமாகும். அதனுடைய ஆளுமையால் மனிதன் எவ்வளவு பாவ புண்ணியங்களுக்கு உள்ளாகிறான். பாவபுண்ணியங்களுக்கு இட்டுச் செல்லும் ஆசைகளினின்றும் விடு படுவது தான் ஒரு சாதகனின் குறிக்கோளாக இருக்க வேண்டும். அவனுடைய அவா அடங்க்க வேண்டும். அதுவே விவேக வைராக்யம் என்பது. மனம் அடங்கினால் மோனம் அல்லது மௌனம் மனத்தை வியாபிக்கும். பின்னர் முக்தி என்னும் நிலை சித்திக்கும்.  இதையே  மனம் கடந்த மோன வீடு அடைந்து ஒருங்கி

யான் அவா அடங்க என்று பெறுவேனோ எங்கிறார் அருணகிரிநாதர்.

பாடலை கேட்க இங்கே தட்டவும்

” tag:

282

தேவனூர்

செஞ்சி- சேத்துப்பட்டு வழி.

இந்தத் திருப்புகழ் பரம்பொருளை உணரக் கூடிய மார்க்கத்தை அழகாகக் கூறுகிறது.

           தான தான தந்த தந்த தான தான தந்த தந்த

           தான தான தந்த தந்த                   தனதான

 

ஆறு மாறு மஞ்சு மஞ்சும் ஆறு மாறு மஞ்சு மஞ்சும்

    ஆறு மாறு மஞ்சு மஞ்சும்                           அறுநாலும்

ஆறு மாய சஞ்ச லங்கள் வேற தாவி ளங்கு கின்ற

   ஆர ணாக மங்க டந்த                                 கலையான

ஈறு கூற ரும்பெ ருஞ்சு வாமி யாயி ருந்த நன்றி

   யேது வேறி யம்ப லின்றி                        யொருதானாய்

யாவு மாய்ம னங்க டந்த மோன வீட டைந்தொ ருங்கி

   யான வாவ டங்க என்று                          பெறுவேனோ

மாறு கூறி வந்தெ திர்ந்த சூரர் சேனை மங்க வந்த

   வாரி மேல்வெ குண்ட சண்ட                         விததாரை

வாகை வேல கொன்றை தும்பை மாலை கூவி ளங்கொ ழுந்து

    வால சோம னஞ்சு பொங்கு                            பகுவாய

சீறு மாசு ணங்க ரந்தை ஆறு வேணி கொண்ட நம்பர்

    தேசி காக டம்ப லங்கல்                         புனைவோனே

தேவர் யாவ ருந்தி ரண்டு பாரின் மீது வந்தி றைஞ்சு

    தேவ னூர்வி ளங்க வந்த                          பெருமாளே.

பதம் பிரித்து உரை

 

ஆறும் ஆறும் அஞ்சும் அஞ்சும் ஆறும் ஆறும் அஞ்சும் அஞ்சும்

ஆறும் ஆறும் அஞ்சும் அஞ்சும் அறு(ம்) நாலும்

ஆறும் ஆறும் (6+ 6- 12) அஞ்சும் அஞ்சும் (5+5-10) ஆறும் ஆறும் (6+ 6 - 12) அஞ்சும் அஞ்சும் ஆய (5+5-10) ஆறும் ஆறும் (6+ 6- 12) அஞ்சும் அஞ்சும் (5+5-10) அறு நாலும் ( 6X4 - 24)

ஆறும் ஆய சஞ்சலங்கள் வேறு அதா விளங்குகின்ற

ஆரணம் ஆகமம் கடந்த கலையான

ஆறும்(6)  ஆய - 12 +10 + 12 +10 +12 + 10 + 24 + 6 ) தொண்ணூற்று ஆறு ஆன சஞ்சலங்கள் - (துன்பத்துக்குக் காரணமான) தத்துவங்களுக்கும். வேறு அதா விளங்குகின்ற - வேறாக விளங்குகின்றதும் ஆரணம ஆகமம் கடந்த - வேதம் ஆகமம் இவைகளைக் கடந்த கலையான - உபதேச கலையாகிய.

ஈறு கூற அரும் பெரும் சுவாமியாய் இருந்த நன்றி

ஏது வேறு இயம்பல் இன்றி ஒரு தானாய்

ஈறு - சித்தாந்தம். கூற அரும் சொல்லுதற்கு அருமையான. பெரும் - பெரிய சுவாமியாய் இருந்த - தெய்வ நிலையாய் இருந்ததுமான நன்றி - நன்மைப் பொருளை ஏது வேறு இயம்பலன்றி - மூலகாரணம் வேறு சொல்லுவதற்கு இல்லாமல் ஒரு - ஒப்பற்ற. தானாய் - தனிப் பொருளாய்.

யாவுமாய் மனம் கடந்த மோன வீடு அடைந்து ஒருங்கி

யான் அவா அடங்க என்று பெறுவேனோ

யாவுமாய் - எல்லாமாய் விளங்கி. மனம் கடந்த - மனதுக்கு அப்பாற்பட்ட. மோன வீடு அடைந்து - மோன இன்ப வீட்டை அடைந்து. ஒருங்கி - மனம் ஒருமைப்பட்டு ஒடுங்கி. அவா - ஆசை எல்லாம். அடங்க - அடங்கும் படியான நிலையை என்று பெறுவேனோ - எப்பொழுது பெறுவேனோ?

மாறு கூறி வந்து எதிர்ந்த சூரன் சேனை மங்க வந்த

வாரி மேல் வெகுண்ட சண்ட வித தாரை

மாறு கூறி வந்து - பகைமையைச் சொல்லி வந்து. எதிர்ந்த சூரர் - எதிர்த்து வந்த அசுரர்களின் சேனை - படை மங்க வந்த - மங்கி அழிய வாரி மேல் வெகுண்ட – தோணிகள் மிதக்கும் கடலைக் கோபித்தும். சண்டவித - விரைவு, கோபம் இவை வாய்ந்ததும். தாரை - கூர்மையானதும் ஆகிய

வாகை வேல கொன்றை தும்பை மாலை கூ விளம் கொழுந்து

வால சோமன் அஞ்சு பொங்கு பகு வாய

வாகை வேல –வெற்றி கொண்ட வேலை ஈந்தியவனே கொன்றை தும்பை மாலை - கொன்றை, தும்பை இவற்றாலான மாலைகள். கூவிளம் - வில்வக் கொழுந்து வால சோம - இளம் பிறைச் சந்திரன் பகு வாய் - பிளப்பு வயையுடைய

சீறு மாசுணம் கரந்தை ஆறு வேணி கொண்ட நம்பர்

தேசிகா கடம்பு அலங்கல் புனைவோனே

சீறும் மாசுணம் - சீறிக் கோபிக்கும் பாம்பு(பயையும்) கரந்தை - திரு நீற்றுப் பச்சை. ஆறு - கங்கை ஆறு. வேணி - சடை. கொண்ட நம்பர் - இவற்றைக் கொண்ட சிவ பெருமானுக்கு. தேசிகா- குரு மூர்த்தியே கடம்பு அலங்கல் - கடம்ப மாலையை. புனைவோனே - அணிபவனே

தேவர் யாவரும் திரண்டு பாரின் மீது வந்து இறைஞ்சு

தேவனூர் விளங்க வந்த பெருமாளே.

தேவர் யாரும் திரண்டு - தேவர்கள் யாவரும் ஒன்று கூடி. பாரின் மீது - பூமியில். வந்து இறைஞ்சும் - வந்து வணங்கும். தேவனூர் விளங்க வந்த பெருமாளே - தேவனூர் விளங்க வந்த பெருமாளே.

சுருக்க உரை

தொண்ணூற்று ஆறு தத்துவங்களுக்கும் வேறாக விளங்குவதும், வேதம் ஆகமம் இவைகளுக்கு அப்பாற் பட்டதும், சொல்லுதற்கு அரிதாக உண்மையான மூல காரணம் வேறு இல்லாமல் ஒப்பற்ற தனியாக நின்று, எல்லாமாய் விளங்குவதுமான, மனம் கடந்த மோன இன்ப வீட்டை அடைந்து, மனம் ஒடுங்கி, என்ஆசைகள் எல்லாம் அடங்கும்படியான நிலையை நான் என்று பெறுவேனோ?

பகைவர்களாகிய அசுரர்கள் சேனைகள் மடிந்து அழிய கூர்மையான வேலை எய்தியவனே, கொன்றை, தும்பை மாலைகளையும், பாம்பு, கங்கை ஆகியவற்றையும் சடையில் தரித்த சிவபெருமானுக்குக் குரு மூர்த்தியே, தேவர்கள் வணங்கும் பெருமாளே. என் ஆசைகள் அடங்குவது எப்போது?   

விளக்கக் குறிப்புகள்

கலையான ஈறு கூற அரும்....

கலையான ஈறு ..... உபதேச கலையாகிய சித்தாந்தம்.

தொண்ணூற்று ஆறு தத்துவங்கள்.....

மூலப் பொருள்கள் - 36. (அசுத்த தத்துவம் 24. சுத்தா சுத்த தத்துவம் 7.

சுத்த தத்துவம் 5.)

புற நிலைக் கருவி - 60 ( பருதிவியின் கூறு 5, அப்புவின் கூறு 5, தேயுவின்கூறு 5, வாயுவின் கூறு 5, ஆகாயத்தின் கூறு 5, வாயு 10, நாடி 10, வசனாதி 5, வாக்கு 4, குணம் 3, அகங்காரத் திரயம் 3).

அவா அடங்க.....

அஞ்ஞானமும், அது பற்றி யானென மதிக்கும் அகங்காரமும், அது பற்றி எனக்கிது வேண்டும் என்னும் அவாவும், அது பற்றி அப் பொருட்கட் செல்லும் ஆசையும், அது பற்றி அதன் மறு தலைகட் செல்லும் கோபமும் வட நூலார் குற்றம் ஐந்தென்றார் - வ.சு.செங்கல்வராயப்பிளை.

முதலில் ஜடப்பொருளான இவ்வுடலின் தோற்றத்திற்கான தத்துவங்களை விளக்குகிறது. அவை எண்ணிக்கையில் தொண்ணூற்றாறாக உள்ளன.

அவைகளில் ஐந்து கர்மேந்த்ரியங்களும், ஐந்து ஞானேந்த்ரியங்களும், மனம், புத்தி, சித்தம் மற்றும் அந்தக்கரணம் இவற்றில் மிக முக்கியமானவை.

இவைகளிலும் மிகவும் முக்கியமானது மனமாகும். அதனுடைய ஆளுமையால் மனிதன் எவ்வளவு பாவ புண்ணியங்களுக்கு உள்ளாகிறான். பாவபுண்ணியங்களுக்கு இட்டுச் செல்லும் ஆசைகளினின்றும் விடு படுவது தான் ஒரு சாதகனின் குறிக்கோளாக இருக்க வேண்டும். அவனுடைய அவா அடங்க்க வேண்டும். அதுவே விவேக வைராக்யம் என்பது. மனம் அடங்கினால் மோனம் அல்லது மௌனம் மனத்தை வியாபிக்கும். பின்னர் முக்தி என்னும் நிலை சித்திக்கும்.  இதையே  மனம் கடந்த மோன வீடு அடைந்து ஒருங்கி

யான் அவா அடங்க என்று பெறுவேனோ எங்கிறார் அருணகிரிநாதர்.

பாடலை கேட்க இங்கே தட்டவும்