207.வாலவயதாகி

“

207

இராமேசுரம்

      தானதன தானதன தானதன தானதன

       தானதன தானதன தானதன தானதன

       தானதன் தானதன தானதன தானதன   தனதான

வாலவய தாகியழ காகிமத னாகிபணி

   வாணிபமொ டாடிமரு ளாடிவிளை யாடிவிழல்

   வாழ்வுசத மாகிவலு வாகிமட கூடமொடு      பொருள்தேடி

வாசபுழு கேடுமல ரோடுமன மாகிமகிழ்

   வாசனைக ளாதியிட லாகிமய லாகிவிலை

   மாதர்களை மேவியவ ராசைதனி லேசுழல   சிலநாள்போய்த்

தோல்திரைக ளாகிநரை யாகிகுரு டாகியிரு

   கால்கள்தடு மாறிசெவி மாறிபசு பாசபதி

   சூழ்கதிகள் மாறிசுக மாறிதடி யோடுதிரி                 யுறுநாளிற்

சூலைசொறி யீளைவலி வாதமொடு நீரிழிவு

   சோகைகள் மாலைசுர மோடுபிணி தூறிருமல்

   சூழலுற மூலகசு மாலமெனெ நாறியுட               லழிவேனோ

நாலுமுக னாதியரி யோமெனஅ தாரமுரை

   யாதபிர மாவைவிழ மோதிபொரு ளோதுகென

   நாலுசிர மோடுசிகை தூளிபட தாளமிடு                  மிளையோனே

நாறிதழி வேணிசிவ ரூபகலி யாணிமுத

   லீணமக வானைமகிழ் தோழவன மீதுசெறி

   ஞானகுற மாதைதினை காவில்மண மேவுபுகழ்         மயில்வீரா

ஓலமிடு தாடகைசு வாகுவள ரேழுமரம்

   வாலியொடு நீலிபக னோடொருவி ராதனெழ

   மோதகட லோடுவிறல் ராவணகு ழாமமரில்                 பொடியாக

ஓகைதழல் வாளிவிடு மூரிதநு நேமிவளை

   பாணிதிரு மார்பனரி கேசன்மரு காஎனவே

   யோதமறை ராமெசுர மேவுகும ராவுமரர்                    பெருமாளே

பதம் பிரித்தல்

வால வயதாகி அழகாகி மதனாகி பணி

வாணிபமோடு ஆடி மருளாடி விளையாடி விழல்

வாழ்வு சதமாகி வலுவாகி மட கூடமோடு பொருள் தேடி

வால வயது ஆகி = கட்டிளமை வயதை அடைந்து அழகாகி = அழகு நிரம்பப் பெற்று மதனாகி = மன்மதன் போல் விளங்கி பணி வாணிபமொடு ஆடி = (ஊதியம் தரும் பல) வாணிபப் பணிகளை மேற்கொண்டு நடத்தி மருள் ஆடி = மயக்க அறிவைப் பெற்று விளையாடி = காம விளையாட்டுக்கள் ஆடி விழல் வாழ்வு = பயனற்ற வாழ்க்கையையே. சதமாகி = நிலையானது என்று கருதி வலுவாகி = அதிலேயே மனம் உறுதி பெற்று மட கூடமோடு = மாட கூடம் கொண்ட செல்வனாய் பொருள் தேடி = பொருளைத் தேடி.

வாசனை புழுகு ஏடு மலரோடு மனமாகி மகிழ்

வாசனைகள் ஆதி இடல் ஆகி மயலாகி விலை

மாதர்களை மேவி அவர் ஆசை தனில் சுழல சில நாள் போய்

வாச புழுகு = நறு மணம் உள்ள புனுகு ஏடு மலரோடு = இதழ்களோடு கூடிய மலர்களில் மனமாகி = மனத்தைச் செலுத்தியவனாக மகிழ் = மிகிழ்ச்சியுடன் வாசனைகள் ஆதி வாசனைப் பொருள்கள் முதலியவற்றை இடலாகி = அணிந்தவனாய் மயலாகி = காமப் பற்றைக் கொண்டு விலை மாதர்களை மேவி = பொது மகளிரை விரும்பி அவர் ஆசை தனிலே = அவர்கள் மீது மோகம் கொண்டு சுழல = (அவர்கள் பின்) சுழல சில நாள் போய் = (அங்ஙனம்) சில நாட்கள் கழிய.

தோல் திரைகள் ஆகி நரையாகி குருடாகி இரு

கால்கள் தடுமாறி செவி மாறி பசு பாச பதி

சூழ் கதிகள் மாறி சுகம் மாறி தடியோடு திரி உறு நாளில்

தோல் திரைகளாகி = உடலில் தோல் சுருங்கலுற்று நரையாகி = மயிர் வெண்ணிறம் பூண்டு குருடாகி = கண்கள் பார்வை இழந்து இரு கால்கள் தடுமாறி = இரண்டு கால்களும் தடுமாற்றம் அடைந்து. செவி மாறி = காதுகள் கேட்கும் தொழில் அற்று பசு பாச பதி = உயிர், தளை, கடவுள் என்னும் முதற் பொருள்களைப் பற்றிய சூழ் கதிகள் = அறிவு யாவும் மாறி = மறைதலுற்று சுகம் மாறி = சுகமெல்லாம் கெட்டு தடியோடு = (கையில்) தடி ஏந்தி திரியுறு நாளில் = திரிகின்ற முதுமைப் பருவத்தில்.

சூலை சொறி ஈளை வலி வாதமோடு நீரிழிவு

சோகைகள் மாலை சுரமோடு பிணி தூறிருமல்

சூழல் உற மூல கசுமாலம் என நாறி உடல் எழுவேனோ

சூலை = சூலை நோய் சொறி = சொறி நோய். ஈளை = கோழை வலி வாதமோடு = இழுப்பு, வாயு மிகுதலால் வரும் பிணிகள் நீரிழிவு = நீரிழிவு. சோகைகள் = இரத்தமின்மையால் வரும் சோகை மாலை = கண்ட மாலை சுரமோடு சூழ் = வெப்பு இவைகளுடன் சேர்ந்துள்ள தூறிருமல் = கிளைத்தெழுகின்ற இருமல் சூழல் உற = இவை எல்லாம் சூழ்ந்து பற்றி மூல = அடிக்காரணமாகிய கசுமாலம் என = ஆபாசம் என்னும்படியான நாறி உடல் = இந்த உடல் துர் நாற்றம் அடைந்து. அழிவேனோ = மடிந்து போவேனோ?

நாலுமுகம் ஆதி அரி ஓம் என ஆதாரம் உரையாத

பிரமாவை விழ மோதி பொருள் ஓதுக என

நாலு சிரமோடு சிகை தூளிபட தாளம் இடு இளையோனே

நாலு முகன் = நான்கு முகங்களைக் கொண்டவனும் ஆதி அரி ஓம்  என ஆதாரம் =யாவற்றுக்கும் ஆதாரமான பொருளைஉரையாத பிரமாவை = சொல்லத் தெரியாதவனுமாகிய பிரமனை விழ  மோதி = விழும்படித் தாக்கி பொருள் ஓதுக என = சரியான பொருளைச் சொல்லுக என்று நாலு சிரமோடு = அவனுடைய நான்கு முகங்களுடன் சிகை தூளி பட = குடுமியும் சிதறுண்டு அலைய தாளம் இடு இளையோனே = தாளமிடுவது போல் குட்டிய இளையவனே.

நாறு இதழி வேணி சிவ ரூபக கல்யாணி முதல்

ஈண மகவானை மகிழ் தோழ வனம் மீது செறி

ஞான குற மாதை தினை காவில் புகழ் மயில் வீரா

நாறு இதழி = நறு மணம் வீசும் கொன்றையை அணிந்த. வேணி = சடையை உடைய. சிவ ரூப = சிவபெருமானுடைய பாகத்தில் அமைந்துள்ள கலியாணி = பார்வதி முதல் ஈண = முதலில் ஈன்ற மகவு யானை = குழந்தையாகிய கணபதி மகிழ் = மகிழும் தோழ = சகோதர நண்பனே வனம் மீது செறி = (வள்ளி மலைக்) காட்டில் பொருந்தி இருந்த ஞான குற மாதை = ஞானக் குற மாதாகிய வள்ளியை தினை காவில் = தினைப் புனச் சோலையில் மணம் மேவும் = மணம் பூண்ட புகழ் மயில் வீரா = புகழைக் கொண்ட மயில் வீரனே.

ஓலம் இடு தாடகை சுவாகு வளர் ஏழு மரம்

வாலியோடு நீலி பகனோடு ஒரு விராதன் எழும்

ஓத கடலோடு விறல் ராவண குழாம் அமரில் பொடியாக

ஓலம் இடு தாடகை = கூச்சலிட்டு வந்த தாடகை. சுவாகு = சுவாகு வளர் ஏழு மரம் = வளர்ந்திருந்த மரா மரங்கள் ஏழு வாலியோடு = வாலி மற்றும் நீலி பகனோடு = நீலி, பகன். ஒரு = ஒப்பற்ற விராதன் = விராதன் எழு = எழுந்து மோத கடலோடு = அலைகள் விசும் கடல் இவைகளுடன் விறல் = வலிமை வாய்ந்த. ராவணன் குழாம் = இராவணனுடைய கூட்டம். அமரில் பொடியாக = போரில் இறந்து பொடிபட்டழிய.

ஓகை தழல் வாளிவிடு மூரி தநு நேமி வளை

பாணி திரு மார்பன் அரி கேசன் மருகா எனவே

ஓத மறை ராமேசுர மேவும் குமரா அமரர் பெருமாளே.

ஓகை = களிப்புடன் தழல் வாளி விடு = நெருப்பு அம்பை வீசும் கையை உடையவன் மூரி தநு = வலிமை வாய்ந்த வில் நேமி = சக்கரம் வளை = சங்கு. பாணி = (இவைகளைக்) கையில் ஏந்தியவன். திரு மார்பன் = இலக்குமியை மார்பில் உடையவன் அரி = அரி. கேசன் = கேசவன் (ஆகிய திருமாலின்). மருகா = மருகனே எனவே = என்று மறை ஓத = வேதங்கள் ஓதிப் புகழும் ராமேசுரம் மேவும் குமரா = இராமேசுரத்தில் வீற்றிருக்கும் குமரனே அமரர் பெருமாளே = தேவர்கள்  பெருமாளே.

சுருக்க உரை

கட்டிளமை வயதை அடைந்து, மன்மதன் போல் அழகு உடையவனாகி, பல வாணிபத் தொழில்களை மேற்கொண்டு, பொருள் தேடி, மயக்க அறிவைப் பெற்று, விலை மாதர்களுடன் வீண் காலம் கழித்து, பயனற்ற வாழ்க்கையை விரும்பி, அங்ஙனமே பல நாள் கழிய, உடலில் தோல் சுருங்கி, மயிர் நரைத்து, கால்கள் தடுமாறி, கண்கள் குடுடாகி, காது செவிடாகி, பசு, பதி, பாசம் என்னும் அறிவு வழிகள் யாவையும் மறைதலுற்று, பல வகையான பிணிகளால் பீடிக்கப்பட்டு, உடல் துர்நாற்றம் அடைந்து, நான் இறந்து படுவேனோ?

நான்கு முகங்களைக் கொண்ட பிரமன் எல்லாவற்றுகும் ஆதாரமாயுள்ள அரி ஓம் என்னும் சொல்லுக்குப் பொருள் கூற முடியாமல் விழிக்க, அவனுடைய தலையில் அழுந்தக் குட்டிய இளையோனே. கொன்றையைச் சடையில் தரித்த சிவபெருமானின் இடப் பாகத்தில் உறையும் பார்வதி பெற்ற மூத்த பிள்ளையாகிய கணபதி மகிழும் சகோதர நண்பனே. வள்ளி மலைக் காட்டில் தினைப் புனம் காத்த வள்ளியை மணம் புரிந்த மயில் வீரனே. கூச்சலிட்டு வந்த தாடகை மற்றும் பல இராவணனின் கூட்டங்களைப் போரில் அழித்தவனும், கையில் வில், சக்கரம், சங்கு இவைகளை ஏந்தியவனும், இலக்குமி வாசம் செய்யும் மார்பனும் ஆகிய திருமாலின் மருகனே. வேதங்கள் ஓதிப் புகழும் ராமேசுரத்தில் வீற்றிருக்கும் குமரனே. தேவர் பெருமாளே. தீ நெறியில் ஈடுபட்டு, உடல் கெட்டு நான் அழியலாமோ?

1. தடியொடு திருயுறு நாளிற்....

தடி கொண்டு குரங்கெனவே நடந்து சொல்

...திருப்புகழ்,காராட.

2. ஆதாரம் உரையாத பிரமாவை....

மறையன்றலை யுடையும்படி நடனங்கொளு மாழைக் கதிர்வேலா

                                                                 ...  - திருப்புகழ், முகசந்தி

தூமறைக் கெலாம் ஆதியும் அந்தமும் சொல்லும்

ஓமெனப்படும் ஓரெழுத் துண்மையை உணரான்

மாமலர்ப் பெருங் கடவுளும் மயங்கினான்                   ...கந்த புராணம்

3. தாடகை சுவாகு.....

வெடுத்த தாடகை சினத்தை யோர்கணை

 விடுத்து யாகமும் நடத்தி யேயொரு

  மிகுத்த வார்சிலை முறித்தா மாயவன் மருகோனே

...திருப்புகழ் தொடுத்தவாளெ.

வேள்விச் சாலைய ளித்தல்பொ ருட்டெதிர்

காதத் தாடகை யைக்கொல்க்ரு பைக்கடல் மருகோனே.

               .    .திருப்புகழ் வேலைப்போல்

4. ஏழு மரம்.....

வடிவுடைய மானு மிகல்கர னுந்திக

ழெழுவகை மராமரமு நிகரொன்றுமில்

வலியதிறல் வாலி யுரமுநெ டுங்கட லவையேழும்

             ....திருப்புகழ், விடமும்வடி

5. பகன்..

கண்ணனைக் கொல்ல கம்சனால் அனுப்பப்பட்ட கொக்கு உருக் கொண்ட அரக்கன். இவன் கண்ணனால் வாய் பிளவுண்டு இறந்தான்.

பள்ளத்தில் மேயும் பறவை யுருக் கொண்டு

கள்ள அசுரன் வருவானைத் தான்கண்டு

புள்ளிது என்று பொதுக்கோ வாய்கீண்டிட்ட  பிள்ளை..  

                                                                                       .பெரியாழ்வார்

6. கடலோடு....

பரவை பரவை கொல் பரவை வண அரி

பரவு மிமையவர் பெருமாளே                   ...     .திருப்புகழ், குழலடவி.

விளக்கக் குறிப்புகள்

விராதன்... இவன் வீணை வாசிக்கும் தும்புரு என்னும் கந்தருவன். ரம்பையுடன் காம விகாரத்தால் ஊடல் கொள்ள குபேரன் இவனை அரக்கனாகும்படி சபித்தான்

” tag:

207

இராமேசுரம்

      தானதன தானதன தானதன தானதன

       தானதன தானதன தானதன தானதன

       தானதன் தானதன தானதன தானதன   தனதான

வாலவய தாகியழ காகிமத னாகிபணி

   வாணிபமொ டாடிமரு ளாடிவிளை யாடிவிழல்

   வாழ்வுசத மாகிவலு வாகிமட கூடமொடு      பொருள்தேடி

வாசபுழு கேடுமல ரோடுமன மாகிமகிழ்

   வாசனைக ளாதியிட லாகிமய லாகிவிலை

   மாதர்களை மேவியவ ராசைதனி லேசுழல   சிலநாள்போய்த்

தோல்திரைக ளாகிநரை யாகிகுரு டாகியிரு

   கால்கள்தடு மாறிசெவி மாறிபசு பாசபதி

   சூழ்கதிகள் மாறிசுக மாறிதடி யோடுதிரி                 யுறுநாளிற்

சூலைசொறி யீளைவலி வாதமொடு நீரிழிவு

   சோகைகள் மாலைசுர மோடுபிணி தூறிருமல்

   சூழலுற மூலகசு மாலமெனெ நாறியுட               லழிவேனோ

நாலுமுக னாதியரி யோமெனஅ தாரமுரை

   யாதபிர மாவைவிழ மோதிபொரு ளோதுகென

   நாலுசிர மோடுசிகை தூளிபட தாளமிடு                  மிளையோனே

நாறிதழி வேணிசிவ ரூபகலி யாணிமுத

   லீணமக வானைமகிழ் தோழவன மீதுசெறி

   ஞானகுற மாதைதினை காவில்மண மேவுபுகழ்         மயில்வீரா

ஓலமிடு தாடகைசு வாகுவள ரேழுமரம்

   வாலியொடு நீலிபக னோடொருவி ராதனெழ

   மோதகட லோடுவிறல் ராவணகு ழாமமரில்                 பொடியாக

ஓகைதழல் வாளிவிடு மூரிதநு நேமிவளை

   பாணிதிரு மார்பனரி கேசன்மரு காஎனவே

   யோதமறை ராமெசுர மேவுகும ராவுமரர்                    பெருமாளே

பதம் பிரித்தல்

வால வயதாகி அழகாகி மதனாகி பணி

வாணிபமோடு ஆடி மருளாடி விளையாடி விழல்

வாழ்வு சதமாகி வலுவாகி மட கூடமோடு பொருள் தேடி

வால வயது ஆகி = கட்டிளமை வயதை அடைந்து அழகாகி = அழகு நிரம்பப் பெற்று மதனாகி = மன்மதன் போல் விளங்கி பணி வாணிபமொடு ஆடி = (ஊதியம் தரும் பல) வாணிபப் பணிகளை மேற்கொண்டு நடத்தி மருள் ஆடி = மயக்க அறிவைப் பெற்று விளையாடி = காம விளையாட்டுக்கள் ஆடி விழல் வாழ்வு = பயனற்ற வாழ்க்கையையே. சதமாகி = நிலையானது என்று கருதி வலுவாகி = அதிலேயே மனம் உறுதி பெற்று மட கூடமோடு = மாட கூடம் கொண்ட செல்வனாய் பொருள் தேடி = பொருளைத் தேடி.

வாசனை புழுகு ஏடு மலரோடு மனமாகி மகிழ்

வாசனைகள் ஆதி இடல் ஆகி மயலாகி விலை

மாதர்களை மேவி அவர் ஆசை தனில் சுழல சில நாள் போய்

வாச புழுகு = நறு மணம் உள்ள புனுகு ஏடு மலரோடு = இதழ்களோடு கூடிய மலர்களில் மனமாகி = மனத்தைச் செலுத்தியவனாக மகிழ் = மிகிழ்ச்சியுடன் வாசனைகள் ஆதி வாசனைப் பொருள்கள் முதலியவற்றை இடலாகி = அணிந்தவனாய் மயலாகி = காமப் பற்றைக் கொண்டு விலை மாதர்களை மேவி = பொது மகளிரை விரும்பி அவர் ஆசை தனிலே = அவர்கள் மீது மோகம் கொண்டு சுழல = (அவர்கள் பின்) சுழல சில நாள் போய் = (அங்ஙனம்) சில நாட்கள் கழிய.

தோல் திரைகள் ஆகி நரையாகி குருடாகி இரு

கால்கள் தடுமாறி செவி மாறி பசு பாச பதி

சூழ் கதிகள் மாறி சுகம் மாறி தடியோடு திரி உறு நாளில்

தோல் திரைகளாகி = உடலில் தோல் சுருங்கலுற்று நரையாகி = மயிர் வெண்ணிறம் பூண்டு குருடாகி = கண்கள் பார்வை இழந்து இரு கால்கள் தடுமாறி = இரண்டு கால்களும் தடுமாற்றம் அடைந்து. செவி மாறி = காதுகள் கேட்கும் தொழில் அற்று பசு பாச பதி = உயிர், தளை, கடவுள் என்னும் முதற் பொருள்களைப் பற்றிய சூழ் கதிகள் = அறிவு யாவும் மாறி = மறைதலுற்று சுகம் மாறி = சுகமெல்லாம் கெட்டு தடியோடு = (கையில்) தடி ஏந்தி திரியுறு நாளில் = திரிகின்ற முதுமைப் பருவத்தில்.

சூலை சொறி ஈளை வலி வாதமோடு நீரிழிவு

சோகைகள் மாலை சுரமோடு பிணி தூறிருமல்

சூழல் உற மூல கசுமாலம் என நாறி உடல் எழுவேனோ

சூலை = சூலை நோய் சொறி = சொறி நோய். ஈளை = கோழை வலி வாதமோடு = இழுப்பு, வாயு மிகுதலால் வரும் பிணிகள் நீரிழிவு = நீரிழிவு. சோகைகள் = இரத்தமின்மையால் வரும் சோகை மாலை = கண்ட மாலை சுரமோடு சூழ் = வெப்பு இவைகளுடன் சேர்ந்துள்ள தூறிருமல் = கிளைத்தெழுகின்ற இருமல் சூழல் உற = இவை எல்லாம் சூழ்ந்து பற்றி மூல = அடிக்காரணமாகிய கசுமாலம் என = ஆபாசம் என்னும்படியான நாறி உடல் = இந்த உடல் துர் நாற்றம் அடைந்து. அழிவேனோ = மடிந்து போவேனோ?

நாலுமுகம் ஆதி அரி ஓம் என ஆதாரம் உரையாத

பிரமாவை விழ மோதி பொருள் ஓதுக என

நாலு சிரமோடு சிகை தூளிபட தாளம் இடு இளையோனே

நாலு முகன் = நான்கு முகங்களைக் கொண்டவனும் ஆதி அரி ஓம்  என ஆதாரம் =யாவற்றுக்கும் ஆதாரமான பொருளைஉரையாத பிரமாவை = சொல்லத் தெரியாதவனுமாகிய பிரமனை விழ  மோதி = விழும்படித் தாக்கி பொருள் ஓதுக என = சரியான பொருளைச் சொல்லுக என்று நாலு சிரமோடு = அவனுடைய நான்கு முகங்களுடன் சிகை தூளி பட = குடுமியும் சிதறுண்டு அலைய தாளம் இடு இளையோனே = தாளமிடுவது போல் குட்டிய இளையவனே.

நாறு இதழி வேணி சிவ ரூபக கல்யாணி முதல்

ஈண மகவானை மகிழ் தோழ வனம் மீது செறி

ஞான குற மாதை தினை காவில் புகழ் மயில் வீரா

நாறு இதழி = நறு மணம் வீசும் கொன்றையை அணிந்த. வேணி = சடையை உடைய. சிவ ரூப = சிவபெருமானுடைய பாகத்தில் அமைந்துள்ள கலியாணி = பார்வதி முதல் ஈண = முதலில் ஈன்ற மகவு யானை = குழந்தையாகிய கணபதி மகிழ் = மகிழும் தோழ = சகோதர நண்பனே வனம் மீது செறி = (வள்ளி மலைக்) காட்டில் பொருந்தி இருந்த ஞான குற மாதை = ஞானக் குற மாதாகிய வள்ளியை தினை காவில் = தினைப் புனச் சோலையில் மணம் மேவும் = மணம் பூண்ட புகழ் மயில் வீரா = புகழைக் கொண்ட மயில் வீரனே.

ஓலம் இடு தாடகை சுவாகு வளர் ஏழு மரம்

வாலியோடு நீலி பகனோடு ஒரு விராதன் எழும்

ஓத கடலோடு விறல் ராவண குழாம் அமரில் பொடியாக

ஓலம் இடு தாடகை = கூச்சலிட்டு வந்த தாடகை. சுவாகு = சுவாகு வளர் ஏழு மரம் = வளர்ந்திருந்த மரா மரங்கள் ஏழு வாலியோடு = வாலி மற்றும் நீலி பகனோடு = நீலி, பகன். ஒரு = ஒப்பற்ற விராதன் = விராதன் எழு = எழுந்து மோத கடலோடு = அலைகள் விசும் கடல் இவைகளுடன் விறல் = வலிமை வாய்ந்த. ராவணன் குழாம் = இராவணனுடைய கூட்டம். அமரில் பொடியாக = போரில் இறந்து பொடிபட்டழிய.

ஓகை தழல் வாளிவிடு மூரி தநு நேமி வளை

பாணி திரு மார்பன் அரி கேசன் மருகா எனவே

ஓத மறை ராமேசுர மேவும் குமரா அமரர் பெருமாளே.

ஓகை = களிப்புடன் தழல் வாளி விடு = நெருப்பு அம்பை வீசும் கையை உடையவன் மூரி தநு = வலிமை வாய்ந்த வில் நேமி = சக்கரம் வளை = சங்கு. பாணி = (இவைகளைக்) கையில் ஏந்தியவன். திரு மார்பன் = இலக்குமியை மார்பில் உடையவன் அரி = அரி. கேசன் = கேசவன் (ஆகிய திருமாலின்). மருகா = மருகனே எனவே = என்று மறை ஓத = வேதங்கள் ஓதிப் புகழும் ராமேசுரம் மேவும் குமரா = இராமேசுரத்தில் வீற்றிருக்கும் குமரனே அமரர் பெருமாளே = தேவர்கள்  பெருமாளே.

சுருக்க உரை

கட்டிளமை வயதை அடைந்து, மன்மதன் போல் அழகு உடையவனாகி, பல வாணிபத் தொழில்களை மேற்கொண்டு, பொருள் தேடி, மயக்க அறிவைப் பெற்று, விலை மாதர்களுடன் வீண் காலம் கழித்து, பயனற்ற வாழ்க்கையை விரும்பி, அங்ஙனமே பல நாள் கழிய, உடலில் தோல் சுருங்கி, மயிர் நரைத்து, கால்கள் தடுமாறி, கண்கள் குடுடாகி, காது செவிடாகி, பசு, பதி, பாசம் என்னும் அறிவு வழிகள் யாவையும் மறைதலுற்று, பல வகையான பிணிகளால் பீடிக்கப்பட்டு, உடல் துர்நாற்றம் அடைந்து, நான் இறந்து படுவேனோ?

நான்கு முகங்களைக் கொண்ட பிரமன் எல்லாவற்றுகும் ஆதாரமாயுள்ள அரி ஓம் என்னும் சொல்லுக்குப் பொருள் கூற முடியாமல் விழிக்க, அவனுடைய தலையில் அழுந்தக் குட்டிய இளையோனே. கொன்றையைச் சடையில் தரித்த சிவபெருமானின் இடப் பாகத்தில் உறையும் பார்வதி பெற்ற மூத்த பிள்ளையாகிய கணபதி மகிழும் சகோதர நண்பனே. வள்ளி மலைக் காட்டில் தினைப் புனம் காத்த வள்ளியை மணம் புரிந்த மயில் வீரனே. கூச்சலிட்டு வந்த தாடகை மற்றும் பல இராவணனின் கூட்டங்களைப் போரில் அழித்தவனும், கையில் வில், சக்கரம், சங்கு இவைகளை ஏந்தியவனும், இலக்குமி வாசம் செய்யும் மார்பனும் ஆகிய திருமாலின் மருகனே. வேதங்கள் ஓதிப் புகழும் ராமேசுரத்தில் வீற்றிருக்கும் குமரனே. தேவர் பெருமாளே. தீ நெறியில் ஈடுபட்டு, உடல் கெட்டு நான் அழியலாமோ?

1. தடியொடு திருயுறு நாளிற்....

தடி கொண்டு குரங்கெனவே நடந்து சொல்

...திருப்புகழ்,காராட.

2. ஆதாரம் உரையாத பிரமாவை....

மறையன்றலை யுடையும்படி நடனங்கொளு மாழைக் கதிர்வேலா

                                                                 ...  - திருப்புகழ், முகசந்தி

தூமறைக் கெலாம் ஆதியும் அந்தமும் சொல்லும்

ஓமெனப்படும் ஓரெழுத் துண்மையை உணரான்

மாமலர்ப் பெருங் கடவுளும் மயங்கினான்                   ...கந்த புராணம்

3. தாடகை சுவாகு.....

வெடுத்த தாடகை சினத்தை யோர்கணை

 விடுத்து யாகமும் நடத்தி யேயொரு

  மிகுத்த வார்சிலை முறித்தா மாயவன் மருகோனே

...திருப்புகழ் தொடுத்தவாளெ.

வேள்விச் சாலைய ளித்தல்பொ ருட்டெதிர்

காதத் தாடகை யைக்கொல்க்ரு பைக்கடல் மருகோனே.

               .    .திருப்புகழ் வேலைப்போல்

4. ஏழு மரம்.....

வடிவுடைய மானு மிகல்கர னுந்திக

ழெழுவகை மராமரமு நிகரொன்றுமில்

வலியதிறல் வாலி யுரமுநெ டுங்கட லவையேழும்

             ....திருப்புகழ், விடமும்வடி

5. பகன்..

கண்ணனைக் கொல்ல கம்சனால் அனுப்பப்பட்ட கொக்கு உருக் கொண்ட அரக்கன். இவன் கண்ணனால் வாய் பிளவுண்டு இறந்தான்.

பள்ளத்தில் மேயும் பறவை யுருக் கொண்டு

கள்ள அசுரன் வருவானைத் தான்கண்டு

புள்ளிது என்று பொதுக்கோ வாய்கீண்டிட்ட  பிள்ளை..  

                                                                                       .பெரியாழ்வார்

6. கடலோடு....

பரவை பரவை கொல் பரவை வண அரி

பரவு மிமையவர் பெருமாளே                   ...     .திருப்புகழ், குழலடவி.

விளக்கக் குறிப்புகள்

விராதன்... இவன் வீணை வாசிக்கும் தும்புரு என்னும் கந்தருவன். ரம்பையுடன் காம விகாரத்தால் ஊடல் கொள்ள குபேரன் இவனை அரக்கனாகும்படி சபித்தான்

206.வாட்பட

“

206

ஆய்க்குடி

தென் காசிக்கு அருகில் உள்ளது

பரமேட்டியை காவல் இடும் ஆய்க்குடி காவல

         

           தாத்தனத் தானதன தாத்தனத் தானதன

           தாத்தனத் தானதன              தனதான

வாட்படச் சேனைபட வோட்டியொட் டாரையிறு

   மாப்புடைத் தாளரசர்                     பெருவாழ்வும்

மாத்திரை போதிலிடு காட்டினிற் போமெனஇல்

   வாழ்க்கைவிட் டேறுமடி                  யவர்போலக்

கோட்படப் பாதமலர் பார்த்திளைப் பாறவினை

   கோத்தமெய்க் கோலமுடன்                வெகுரூபக்

கோப்புடைத் தாகியல மாப்பினிற் பாரிவரு

   கூத்தினைப் பூரையிட                    அமையாதோ

தாட்படக் கோபவிஷ பாப்பினிற் பாலன்மிசை

   சாய்த்தொடுப் பாரவுநிள்                   கழல்தாவிச்

சாற்றுமக் கோரவுரு கூற்றுதைத் தார்மவுலி

   தாழ்க்கவஜ் ராயுதனு                      மிமையோரும்

ஆட்படச் சாமபர மேட்டியைக் காவலிடு

   மாய்க்குடி காவலவு                           ததிமீதே

ஆர்க்குமத் தானவரை வேர்கரத் தால்வரையை

   ஆர்ப்பெழச் சாடவல                      பெருமாளே

-    206 ஆய்க்குடி

பதம் பிரித்து உரை

வாள் பட சேனை பட ஓட்டி ஒட்டாரை இறுமாப்பு

உடை தாள் அரசர் பெரு வாழ்வும்

வாள் பட = வாள் வீச்சு படுவதால் சேனை பட = படைகள் அழியும்படி ஓட்டரை ஓட்டி = (பகைவர்களை) விரட்டி ஓட்டி இறுமாப்பு உடைத்த =  செருக்கு அடைந்துள்ள தாள் = முயற்சியை உடைய அரசர் = அரசர்களின் பெரு வாழ்வும் = சிறந்த வாழ்வும்.

மாத்திரை போதில் இடு காட்டினில் போம் என இல்

வாழ்க்கை விட்டு ஏறும் அடியவர் போல

மாத்திரைப் போதில் = ஒரு நொடிப் பொழுதில் இடு காட்டினில் = சுடு காட்டில் போம் என = அழிந்து போகும் என்று இல் வாழ்க்கை = இல்லற வாழ்க்கையை விட்டு ஏறும் = துறந்து கரை ஏறும் அடியவர் போல = அடியார்களைப் போல.

கோள் பட பாத மலர் பார்த்து இளைப்பு ஆற வினை

கோத்த மெய் கோலமுடன் வெகு ரூப

கோள் பட =  ஒரு துணிவான முடிவை மேற்கொள்ளவும் பாத மலர் பார்த்து = திருவடி மலரைக் கண்டு இளைப்பாற = இளைப்பாறவும் வினை = வினையால் கோத்த = ஏற்படுகின்ற மெய்க் கோலமுடன் =  உடல் என்னும் பல உருவங்களாகிய.

கோப்பு உடைத்தாகி அலமாப்பினில் பாரி வரும்

கூத்தினை பூரை இட அமையாதோ

கோப்பு உடைத்தாகி =  அலங்காரங்கலைப் பெற்று அலமாப்பினில் =  துன்பங்களில் பாரி வரும் =  வளர்ந்து வரும் கூத்தினை = ஆட்டத்தில் பூரை =  (இனியேனும் இந்தப்) பயனற்றவனை இட = நீ தள்ளுதல் அமையாதோ = ஒரு முடிவு பெறாதோ?

தாள் பட கோப விஷ பாப்பினில் பாலன் மிசை

சாய் தொடுப்பு அரவு நீள் கழல் தாவி

தாள் பட = கால் பட்டால் கோப = கோபித்துச் சீறும் விஷப் பாம்பினில் = பாம்பு போல பாலன் மிசை =  பாலனாகிய மார்க்கண்டன் மீது சாய் = குறிக் கொண்டு தொடு பாரவு = தொடர்தல் மிக்கவுடன் நீள் = (தமது) நீண்ட கழல் தாவி = திருவடியை நீட்டி.

சாற்றும் அக் கோர உரு கூற்று உதைத்தார் மவுலி

தாழ்க வஜ்ர ஆயுதனும் இமையோரும்

சாற்றும் = (உன்னை விடேன் பார் என்று) பேசிய அக் கோர உரு கூற்று = அந்தக் கோர ரூபம் உள்ள யமனை உதைத்தார் = உதைத்த சிவ பெருமான் மவுலி = (தமது) முடியை தாழ்க்க = தாழ்க்கவும் வஜ்ர ஆயுதனும் = குலிசாயுதத்தை ஏந்திய இந்திரனும். இமையோரும் = தேவர்களும்.

ஆள் பட சாமம் பரமேட்டியை காவல் இடும்

ஆய்க்குடி காவல உததி மீதே

ஆள் பட = ஆட்பட்டு நிற்கவும். சாமம் = பொன்னிறமுடைய பர மேட்டியை = பிரமனை காவல் இடும் = சிறையிட்ட. ஆய்க்குடிக் காவல = ஆய்க்குடி என்னும் தலத்தில் வீற்றிருக்கும் அரசே உததி மீதே = கடலின் மேல்.

ஆர்க்கும் அ தானவரை வேல் கரத்தால் வரையை

ஆர்ப்பு எழ சாட வல்ல பெருமாளே.

ஆர்க்கும் = போர் புரிந்த. அத் தானவரை = அந்தச் சூரன் முதலான அசுரர்களை வேல் கரத்தால் = கையில் இருக்கும் வேலாயுதத்தால் வரையை = (அந்த அசுரர்கள் இருந்த) எழு கிரியையும். ஆர்ப்பு எழ = பேரொலி உண்டாகும்படி. சாட வல்ல பெருமாளே = அழிக்க வல்ல பெருமாளே

சுருக்க உரை

வாள் வீச்சால் சேனைகளை அழியும்படி ஓட்டி வெருட்டி, இறுமாப்பு மிக்க அரசர்களின் பெரிய வாழ்வும், ஒரு நொடிப் பொழுதில் சுடு காட்டுக்குப் போகும் என்று உணர்ந்து, இல்லற வாழ்க்கையைத் துறந்த அடியார்களைப் போல, ஒரு துணிவான முடிவை மேற் கொள்ளவும், உனது திருவடி மலரைக் கண்டு இளைப்பாறவும், வினையால் ஏற்படும் உடல் பல உருவங்களாகத் தோன்றி, அலங்காரங்களைப் பெற்று, துன்பங்கள் வளர்ந்து வரும் நாடகத்தில், இனியும் இந்தப் பயனற்றவனை நீ தள்ளுதல் ஒரு முடிவு பெறாதோ?

கால் பட்டால் கோபித்துச் சீறும் பாம்பைப் போல், மார்க்கண்டனாகிய பாலகன் மீது யமன் தொடர்ந்தவுடன், தமது திருவடியை நீட்டி அவனை உதைத்த சிவபெருமான் தமது முடியைத் தாழ்த்தவும், இந்திரனும், மற்ற தேவர்களும் ஆட்பட்டு நிற்கவும், பிரமனைச் சிறையிலிட்ட ஆய்க்குடி என்னும் தலத்தில் வீற்றிருக்கும் அரசே, கடலில் போர் புரிந்த அசுரர்களையும் வேலாயுதத்தால் அழித்து, அவர்கள் இருந்த எழுகிரிகளையும் அழிக்க வல்ல பெருமாளே, இந்தப் பயனற்றவனை இனியும் உலக நாடகத்தில் வீழ்த்தி விடுதல் ஒரு முடிவுக்கு வராதோ?

விளக்கக் குறிப்புகள்

1. அரசர் பெரு வாழ்வும் மாத்திரைப் போதில் இடு காட்டினில்...

இனிதிறு மாந்து வாழு மிருவினை நீண்ட காய

 மொருபிடி சாம்ப லாகி விடலாமோ...           திருப்புகழ்,தினமணிசார்.

2. பாலன் மிசை சாய்த்தொடுப் பாரவு நின் கழல் தாவி....

மார்க்கண்டனுக்கு விதித்திருந்த பதினாறு ஆண்டுகள் முடிந்து என்று அவன் உயிரைக்

கவரக் காலன் வந்த போது அவர் சிவ பூசையில் செய்து கொண்டிருந்தார். அப்போது

சிவ பூசை செய்வதையும் மதியாமல் காலன் பாசத்தை வீசினான். இறைவன்

எழுந்தாருளி காலனக் காலால் உதைத்து அவனை வீழ்த்தினார்.

பதிமூன்றும் சிதைத்தான் வாமச் சேவடி தன்னால் சிறிதுந்தி உதைத்தான் கூற்றான் விண்முகில் போல் மண்ணுற வீழ்ந்தான்                                                                            - கந்த புராணம்

மறலியி னாட்ட மறசர ணீட்டி..               திருப்புகழ், பாட்டிலுருகிலை

பல நூற்றாண்டுகளுக்கு முன்பு, தற்போது கோயில் அமைந்திருக்கும் பகுதிக்கு கிழக்கே மல்லிபுரம் எனும் பகுதியில் குளம் ஒன்று இருந்தது. ஒரு சமயம் அக்குளத்தை மக்கள் தூர்வாறியபோது, அதனடியில் பெட்டியில் வைக்கப்பட்ட நிலையில் அழகிய சுப்பிரமணியர் சிலை ஒன்று கிடைத்தது. அச்சிலையை எடுத்துக்கொண்ட பக்தர் ஒருவர் தமது வீட்டின் பின்புறத்தில் இருந்த ஆட்டுத் தொழுவத்தில் வைத்து பூஜை செய்துவந்தார். ஒர்நாள் அவரது கனவில் தோன்றிய பாலசுப்பிரமணியர், அரசும், வேம்பும் இணைந்திருந்த இடத்தில் தன்னைப் பிரதிஷ்டை செய்து அவ்விடத்தில் ஆலயம் எழுப்பி வழிபடும்படி கூறினார். சுப்பிரமணியர் கூறியதைப்போன்ற இடம் தனக்கு தெரியாது என அவர் கூறவே, அவரது தொழுவத்தில் இருக்கும் செம்மறி ஆடு சென்று நிற்கும் இடத்தில் தன்னை பிரதிஷ்டை செய்யும்படி கூறி அருளினார். அதன்படி, இவ்விடத்தில் ஆடு நிற்கவே சிறிய அளவில் பாலசுப்பிரமணியருக்கு ஆலயம் எழுப்பி வழிபாட்டிற்கு கொண்டு வரப்பட்டது. சைவ, வைணவ ஒற்றுமை கருதி இராமபக்தர்களும் இத்தலத்து முருகனை வணங்க ஆரம்பித்தனர். எனவே இங்குள்ள பாலசுப்பிரமணியர் “ஹரிராமசுப்பிரமணியர்” என்ற பெயரிலும் அழைக்கப்படுகிறார்.

மூலவர் பாலசுப்பிரமணியர், இடப்புறம் திரும்பிய  மயில் வாகனத்தின் மீது குழந்தை வடிவில் அமர்ந்த கோலத்தில் உள்ளார். இங்கு சிவன், சக்தி, சூரியன், விஷ்ணு, கணபதி ஆகிய பஞ்ச தேவதையர்கள் குடியிருக்கும் அரசு, வேம்பு, மாவிளக்கு, மாதுளை, கறிவேப்பிலை எனும் பஞ்ச விருட்சங்கள் இக்கோயிலில் உள்ளன.

” tag:

206

ஆய்க்குடி

தென் காசிக்கு அருகில் உள்ளது

பரமேட்டியை காவல் இடும் ஆய்க்குடி காவல

         

           தாத்தனத் தானதன தாத்தனத் தானதன

           தாத்தனத் தானதன              தனதான

வாட்படச் சேனைபட வோட்டியொட் டாரையிறு

   மாப்புடைத் தாளரசர்                     பெருவாழ்வும்

மாத்திரை போதிலிடு காட்டினிற் போமெனஇல்

   வாழ்க்கைவிட் டேறுமடி                  யவர்போலக்

கோட்படப் பாதமலர் பார்த்திளைப் பாறவினை

   கோத்தமெய்க் கோலமுடன்                வெகுரூபக்

கோப்புடைத் தாகியல மாப்பினிற் பாரிவரு

   கூத்தினைப் பூரையிட                    அமையாதோ

தாட்படக் கோபவிஷ பாப்பினிற் பாலன்மிசை

   சாய்த்தொடுப் பாரவுநிள்                   கழல்தாவிச்

சாற்றுமக் கோரவுரு கூற்றுதைத் தார்மவுலி

   தாழ்க்கவஜ் ராயுதனு                      மிமையோரும்

ஆட்படச் சாமபர மேட்டியைக் காவலிடு

   மாய்க்குடி காவலவு                           ததிமீதே

ஆர்க்குமத் தானவரை வேர்கரத் தால்வரையை

   ஆர்ப்பெழச் சாடவல                      பெருமாளே

-    206 ஆய்க்குடி

பதம் பிரித்து உரை

வாள் பட சேனை பட ஓட்டி ஒட்டாரை இறுமாப்பு

உடை தாள் அரசர் பெரு வாழ்வும்

வாள் பட = வாள் வீச்சு படுவதால் சேனை பட = படைகள் அழியும்படி ஓட்டரை ஓட்டி = (பகைவர்களை) விரட்டி ஓட்டி இறுமாப்பு உடைத்த =  செருக்கு அடைந்துள்ள தாள் = முயற்சியை உடைய அரசர் = அரசர்களின் பெரு வாழ்வும் = சிறந்த வாழ்வும்.

மாத்திரை போதில் இடு காட்டினில் போம் என இல்

வாழ்க்கை விட்டு ஏறும் அடியவர் போல

மாத்திரைப் போதில் = ஒரு நொடிப் பொழுதில் இடு காட்டினில் = சுடு காட்டில் போம் என = அழிந்து போகும் என்று இல் வாழ்க்கை = இல்லற வாழ்க்கையை விட்டு ஏறும் = துறந்து கரை ஏறும் அடியவர் போல = அடியார்களைப் போல.

கோள் பட பாத மலர் பார்த்து இளைப்பு ஆற வினை

கோத்த மெய் கோலமுடன் வெகு ரூப

கோள் பட =  ஒரு துணிவான முடிவை மேற்கொள்ளவும் பாத மலர் பார்த்து = திருவடி மலரைக் கண்டு இளைப்பாற = இளைப்பாறவும் வினை = வினையால் கோத்த = ஏற்படுகின்ற மெய்க் கோலமுடன் =  உடல் என்னும் பல உருவங்களாகிய.

கோப்பு உடைத்தாகி அலமாப்பினில் பாரி வரும்

கூத்தினை பூரை இட அமையாதோ

கோப்பு உடைத்தாகி =  அலங்காரங்கலைப் பெற்று அலமாப்பினில் =  துன்பங்களில் பாரி வரும் =  வளர்ந்து வரும் கூத்தினை = ஆட்டத்தில் பூரை =  (இனியேனும் இந்தப்) பயனற்றவனை இட = நீ தள்ளுதல் அமையாதோ = ஒரு முடிவு பெறாதோ?

தாள் பட கோப விஷ பாப்பினில் பாலன் மிசை

சாய் தொடுப்பு அரவு நீள் கழல் தாவி

தாள் பட = கால் பட்டால் கோப = கோபித்துச் சீறும் விஷப் பாம்பினில் = பாம்பு போல பாலன் மிசை =  பாலனாகிய மார்க்கண்டன் மீது சாய் = குறிக் கொண்டு தொடு பாரவு = தொடர்தல் மிக்கவுடன் நீள் = (தமது) நீண்ட கழல் தாவி = திருவடியை நீட்டி.

சாற்றும் அக் கோர உரு கூற்று உதைத்தார் மவுலி

தாழ்க வஜ்ர ஆயுதனும் இமையோரும்

சாற்றும் = (உன்னை விடேன் பார் என்று) பேசிய அக் கோர உரு கூற்று = அந்தக் கோர ரூபம் உள்ள யமனை உதைத்தார் = உதைத்த சிவ பெருமான் மவுலி = (தமது) முடியை தாழ்க்க = தாழ்க்கவும் வஜ்ர ஆயுதனும் = குலிசாயுதத்தை ஏந்திய இந்திரனும். இமையோரும் = தேவர்களும்.

ஆள் பட சாமம் பரமேட்டியை காவல் இடும்

ஆய்க்குடி காவல உததி மீதே

ஆள் பட = ஆட்பட்டு நிற்கவும். சாமம் = பொன்னிறமுடைய பர மேட்டியை = பிரமனை காவல் இடும் = சிறையிட்ட. ஆய்க்குடிக் காவல = ஆய்க்குடி என்னும் தலத்தில் வீற்றிருக்கும் அரசே உததி மீதே = கடலின் மேல்.

ஆர்க்கும் அ தானவரை வேல் கரத்தால் வரையை

ஆர்ப்பு எழ சாட வல்ல பெருமாளே.

ஆர்க்கும் = போர் புரிந்த. அத் தானவரை = அந்தச் சூரன் முதலான அசுரர்களை வேல் கரத்தால் = கையில் இருக்கும் வேலாயுதத்தால் வரையை = (அந்த அசுரர்கள் இருந்த) எழு கிரியையும். ஆர்ப்பு எழ = பேரொலி உண்டாகும்படி. சாட வல்ல பெருமாளே = அழிக்க வல்ல பெருமாளே

சுருக்க உரை

வாள் வீச்சால் சேனைகளை அழியும்படி ஓட்டி வெருட்டி, இறுமாப்பு மிக்க அரசர்களின் பெரிய வாழ்வும், ஒரு நொடிப் பொழுதில் சுடு காட்டுக்குப் போகும் என்று உணர்ந்து, இல்லற வாழ்க்கையைத் துறந்த அடியார்களைப் போல, ஒரு துணிவான முடிவை மேற் கொள்ளவும், உனது திருவடி மலரைக் கண்டு இளைப்பாறவும், வினையால் ஏற்படும் உடல் பல உருவங்களாகத் தோன்றி, அலங்காரங்களைப் பெற்று, துன்பங்கள் வளர்ந்து வரும் நாடகத்தில், இனியும் இந்தப் பயனற்றவனை நீ தள்ளுதல் ஒரு முடிவு பெறாதோ?

கால் பட்டால் கோபித்துச் சீறும் பாம்பைப் போல், மார்க்கண்டனாகிய பாலகன் மீது யமன் தொடர்ந்தவுடன், தமது திருவடியை நீட்டி அவனை உதைத்த சிவபெருமான் தமது முடியைத் தாழ்த்தவும், இந்திரனும், மற்ற தேவர்களும் ஆட்பட்டு நிற்கவும், பிரமனைச் சிறையிலிட்ட ஆய்க்குடி என்னும் தலத்தில் வீற்றிருக்கும் அரசே, கடலில் போர் புரிந்த அசுரர்களையும் வேலாயுதத்தால் அழித்து, அவர்கள் இருந்த எழுகிரிகளையும் அழிக்க வல்ல பெருமாளே, இந்தப் பயனற்றவனை இனியும் உலக நாடகத்தில் வீழ்த்தி விடுதல் ஒரு முடிவுக்கு வராதோ?

விளக்கக் குறிப்புகள்

1. அரசர் பெரு வாழ்வும் மாத்திரைப் போதில் இடு காட்டினில்...

இனிதிறு மாந்து வாழு மிருவினை நீண்ட காய

 மொருபிடி சாம்ப லாகி விடலாமோ...           திருப்புகழ்,தினமணிசார்.

2. பாலன் மிசை சாய்த்தொடுப் பாரவு நின் கழல் தாவி....

மார்க்கண்டனுக்கு விதித்திருந்த பதினாறு ஆண்டுகள் முடிந்து என்று அவன் உயிரைக்

கவரக் காலன் வந்த போது அவர் சிவ பூசையில் செய்து கொண்டிருந்தார். அப்போது

சிவ பூசை செய்வதையும் மதியாமல் காலன் பாசத்தை வீசினான். இறைவன்

எழுந்தாருளி காலனக் காலால் உதைத்து அவனை வீழ்த்தினார்.

பதிமூன்றும் சிதைத்தான் வாமச் சேவடி தன்னால் சிறிதுந்தி உதைத்தான் கூற்றான் விண்முகில் போல் மண்ணுற வீழ்ந்தான்                                                                            - கந்த புராணம்

மறலியி னாட்ட மறசர ணீட்டி..               திருப்புகழ், பாட்டிலுருகிலை

பல நூற்றாண்டுகளுக்கு முன்பு, தற்போது கோயில் அமைந்திருக்கும் பகுதிக்கு கிழக்கே மல்லிபுரம் எனும் பகுதியில் குளம் ஒன்று இருந்தது. ஒரு சமயம் அக்குளத்தை மக்கள் தூர்வாறியபோது, அதனடியில் பெட்டியில் வைக்கப்பட்ட நிலையில் அழகிய சுப்பிரமணியர் சிலை ஒன்று கிடைத்தது. அச்சிலையை எடுத்துக்கொண்ட பக்தர் ஒருவர் தமது வீட்டின் பின்புறத்தில் இருந்த ஆட்டுத் தொழுவத்தில் வைத்து பூஜை செய்துவந்தார். ஒர்நாள் அவரது கனவில் தோன்றிய பாலசுப்பிரமணியர், அரசும், வேம்பும் இணைந்திருந்த இடத்தில் தன்னைப் பிரதிஷ்டை செய்து அவ்விடத்தில் ஆலயம் எழுப்பி வழிபடும்படி கூறினார். சுப்பிரமணியர் கூறியதைப்போன்ற இடம் தனக்கு தெரியாது என அவர் கூறவே, அவரது தொழுவத்தில் இருக்கும் செம்மறி ஆடு சென்று நிற்கும் இடத்தில் தன்னை பிரதிஷ்டை செய்யும்படி கூறி அருளினார். அதன்படி, இவ்விடத்தில் ஆடு நிற்கவே சிறிய அளவில் பாலசுப்பிரமணியருக்கு ஆலயம் எழுப்பி வழிபாட்டிற்கு கொண்டு வரப்பட்டது. சைவ, வைணவ ஒற்றுமை கருதி இராமபக்தர்களும் இத்தலத்து முருகனை வணங்க ஆரம்பித்தனர். எனவே இங்குள்ள பாலசுப்பிரமணியர் “ஹரிராமசுப்பிரமணியர்” என்ற பெயரிலும் அழைக்கப்படுகிறார்.

மூலவர் பாலசுப்பிரமணியர், இடப்புறம் திரும்பிய  மயில் வாகனத்தின் மீது குழந்தை வடிவில் அமர்ந்த கோலத்தில் உள்ளார். இங்கு சிவன், சக்தி, சூரியன், விஷ்ணு, கணபதி ஆகிய பஞ்ச தேவதையர்கள் குடியிருக்கும் அரசு, வேம்பு, மாவிளக்கு, மாதுளை, கறிவேப்பிலை எனும் பஞ்ச விருட்சங்கள் இக்கோயிலில் உள்ளன.