F

படிப்போர்

Showing posts with label தணிகை.. Show all posts
Showing posts with label தணிகை.. Show all posts

Friday, 5 October 2012

121.எத்தனைகலாதி

“

எத்தனைக லாதி சித்தங் கெத்தனைவி யாதி பித்தங்
   கெத்தனைச ராச ரத்தின்                                    செடமான
எத்தனைவி டாவெ ருட்டங் கெத்தனைவ லாண்மை பற்றங்
   கெத்தனைகொ லுனை நிமித்தம்                       பசியாறல்
பித்தனைய னான கட்டுண் டிப்படிகெ டாமல் முத்தம்
   பெற்றிடநி னாச னத்தின்                                  செயலான
பெற்றியுமொ ராது நிற்குந் தத்தகுரு தார நிற்கும்
   பெத்தமுமொ ராது நிற்குங்                            கழல்தாராய்
தத்தனத னாத னத்தந் தத்தனத னாத னத்தந்
   தத்தனத னாத னத்தந்                                         தகுதீதோ
தக்குகுகு டுடு டுட்டுண் டிக்குகுகு டீகு தத்தந்
   தத்தனத னாத னுர்த்துமஞ்                                     சதபேரி
சித்தர்கள்நி டாதர் வெற்பின் கொற்றவர்சு வாமி பத்தர்
   திக்குகளொர் நாலி ரட்டின்                                 கிரிசூழச்
செக்கணரி மாக னைக்குஞ் சித்தணிகை வாழ்சி வப்பின்
   செக்கர்நிற மாயி ருக்கும்                               பெருமாளே.

-121 திருத்தணிகை

பதம் பிரித்து உரை

எத்தனை கலாதி சித்து அங்கு எத்தனை வியாதி பித்தம்
அங்கு எத்தனை சராசரத்தில் செடமான

எத்தனை கலாதி = எத்தனை கலகச் சண்டைகள் சித்து அங்கு = அங்கு (எத்தனை) மாய வித்தைகள் எத்தனை வியாதி பித்து அங்கு = அங்கு எத்தனை நோய், பைத்தியச் செயல்கள் எத்தனை சராசரத் தில் = இயங்கு திணை, நிலைத் திணைகளைக் கொண்ட இவ்வுலகில் செடமான= எடுத்த உடல்கள் எத்தனை.

எத்தனை விடா வெருட்டு அங்கு எத்தனை வல் ஆண்மை பற்று அங்கு எத்தனை கொல் ஊனை நித்தம் பசி ஆறல்

எத்தனை விடா = எத்தனை நீங்காத வெருட்டு அங்கு = அச்சம் உறுத்தும் செயல்கள் எத்தனை எத்தனை வல் ஆண்மை = எத்தனை பேராற்றலான செயல்கள் பற்று ஆங்கு எத்தனை= எத்தனை ஆசைகள் கொல் ஊனை = மாமிசத்தை உண்டு நித்தம் பசி ஆறல் = தினமும் பசியைப் போக்கும் செயல்கள் (எத்தனை) (இவைகளுக்கு எல்லாம் ஆளான நான்).

பித்து அனையன் நான் அகட்டு உண்டு இப்படி கெடாமல் முத்தம்
பெற்றிட நின(து) சனத்தின் செயலான

பித்து அனையன் நான் = பித்துப் பிடித்தவன் போன்ற நான் அகட்டு உண்டு = வயிற்றில் உண்டு இப்படிக் கெடாமல் = இங்ஙனம் கெட்டுப் போகாமல் முத்தம் பெற்றிட = முத்தி (பிறவியினின்று விடுதலை) பெற நின சனத்தின் செயலான = உனது பத்த அடியார் கூட்டத்தின் செயல்களான.

பெற்றியும் ஓராது நிற்கும் தத்த குரு தாரம் நிற்கும்
பெத்தமும் ஓராது நிற்கும் கழல் தாராய்

பெற்றியும் = தன்மையையும் ஓராது நிற்கும்= (யாரும்) உணர்தற்கரிதாக நிற்பதும் தத்த = பரவிப் பிரகாசிக்கின்ற குரு = ஒளிமயமாக தாரம் நிற்கும் = பிரணவப் பொருளாய் நிற்பதும் பெத்தமும் ஓராது = பாசபந்தத்தால் அறிதற்கரிதாய் நிற்பதுமான கழல் தாராய் = திருவடியைத் தந்து அருளுக.

தத்தனத ...........................................உர்த்தும் சத பேரி

தத்தன....சத பேரி = தத்தன தனா என்று ஒலிக்கும் நூற்றுக் கணக்கான முரசு வாத்தியங்கள் ஒலியுடன்.

சித்தர்கள் நிடாதர் வெற்பின் கொற்றவர் சுவாமி பத்தர்
திக்குகள் ஓர் நாலிரட்டில் கிரி சூழ

சித்தர்கள் = சித்தர்களும் வெற்பின் நிடாதர் = மலை வேடர்களும் கொற்றவர் = அரசர்களும் சுவாமி பத்தர் = உனது அடியார்களும் திக்குகள் ஓர் நாலிரட்டின் = எட்டுத் திசைகளிலும் கிரி சூழ = மலையை வலம் வர.

செக்கண் அரிமா கனைக்கும் சித் தணிகை வாழ் சிவப்பின்
செக்கர் நிறமாய் இருக்கும் பெருமாளே.

செக் கண் = சிவந்த கண்களையுடைய அரிமா = சிங்கம். கனைக்கும் = ஒலி செய்யும். சித் தணிகை = ஞானத் தணிகை மலையில் வாழ் = வாழ்கின்ற.  சிவப்பின் செக்கர் = மிகச் சிவந்த. நிறமாயிருக்கும் பெருமாளே = நிறத்துடன் சிறந்து விளங்கும் பெருமாளே.

சுருக்க உரை

எத்தனை சண்டைகள், மாய வித்தைகள், நோய்கள், பைத்தியச் செயல்கள், இந்த உலகில் எடுத்த உடல்கள், வீரச் செயல்கள், ஆசைகள், ஊனைத் தின்று பசியைப் போக்கும் செயல்கள், இவைகளுக்கு ஆளான நான் பிறவியிலிருந்து விடுபட, அடியார்களின் செயல்களான தன்மையையும், மக்கள் முயற்சியால் அறியப்படாமல் நிற்பதும், பிரணவப் பொருளாக நிற்பதும், பாச பந்தத்தால் அறிதற்கரிதாக நிற்பதுமான உன் திருவடிகளைத் தந்தருளுக.

பேரொலியுடன் முரசுகள் ஒலிக்க, சித்தர்களும், வேடர்களும், மன்னர்களும், அடியார்களும் வலம் வர, ஞானத் தணிகை மலையில் வீற்றிருக்கும் பெருமாளே, உன் கழல்களைத் தாராய்.

ஒப்புக:
1. தாரம்.....
பிரணவம்.
 தாரத்தி னுள்ளே தயங்கிய சோதியை
பாரத்தி னுள்ளே பரந்துள் எழுந்திட     ---                                                      திருமந்திரம்
2. சிவப்பின் செக்கர் நிறம்...
 செய்யன் சிவந்த ஆடையன்               ...                  திருமுருகாற்றுப்படை, திருவேரகம் 

பெத்தமும் ஓராது நிற்கும் கழல் தாராய்




” tag:

எத்தனைக லாதி சித்தங் கெத்தனைவி யாதி பித்தங்
   கெத்தனைச ராச ரத்தின்                                    செடமான
எத்தனைவி டாவெ ருட்டங் கெத்தனைவ லாண்மை பற்றங்
   கெத்தனைகொ லுனை நிமித்தம்                       பசியாறல்
பித்தனைய னான கட்டுண் டிப்படிகெ டாமல் முத்தம்
   பெற்றிடநி னாச னத்தின்                                  செயலான
பெற்றியுமொ ராது நிற்குந் தத்தகுரு தார நிற்கும்
   பெத்தமுமொ ராது நிற்குங்                            கழல்தாராய்
தத்தனத னாத னத்தந் தத்தனத னாத னத்தந்
   தத்தனத னாத னத்தந்                                         தகுதீதோ
தக்குகுகு டுடு டுட்டுண் டிக்குகுகு டீகு தத்தந்
   தத்தனத னாத னுர்த்துமஞ்                                     சதபேரி
சித்தர்கள்நி டாதர் வெற்பின் கொற்றவர்சு வாமி பத்தர்
   திக்குகளொர் நாலி ரட்டின்                                 கிரிசூழச்
செக்கணரி மாக னைக்குஞ் சித்தணிகை வாழ்சி வப்பின்
   செக்கர்நிற மாயி ருக்கும்                               பெருமாளே.

-121 திருத்தணிகை

பதம் பிரித்து உரை

எத்தனை கலாதி சித்து அங்கு எத்தனை வியாதி பித்தம்
அங்கு எத்தனை சராசரத்தில் செடமான

எத்தனை கலாதி = எத்தனை கலகச் சண்டைகள் சித்து அங்கு = அங்கு (எத்தனை) மாய வித்தைகள் எத்தனை வியாதி பித்து அங்கு = அங்கு எத்தனை நோய், பைத்தியச் செயல்கள் எத்தனை சராசரத் தில் = இயங்கு திணை, நிலைத் திணைகளைக் கொண்ட இவ்வுலகில் செடமான= எடுத்த உடல்கள் எத்தனை.

எத்தனை விடா வெருட்டு அங்கு எத்தனை வல் ஆண்மை பற்று அங்கு எத்தனை கொல் ஊனை நித்தம் பசி ஆறல்

எத்தனை விடா = எத்தனை நீங்காத வெருட்டு அங்கு = அச்சம் உறுத்தும் செயல்கள் எத்தனை எத்தனை வல் ஆண்மை = எத்தனை பேராற்றலான செயல்கள் பற்று ஆங்கு எத்தனை= எத்தனை ஆசைகள் கொல் ஊனை = மாமிசத்தை உண்டு நித்தம் பசி ஆறல் = தினமும் பசியைப் போக்கும் செயல்கள் (எத்தனை) (இவைகளுக்கு எல்லாம் ஆளான நான்).

பித்து அனையன் நான் அகட்டு உண்டு இப்படி கெடாமல் முத்தம்
பெற்றிட நின(து) சனத்தின் செயலான

பித்து அனையன் நான் = பித்துப் பிடித்தவன் போன்ற நான் அகட்டு உண்டு = வயிற்றில் உண்டு இப்படிக் கெடாமல் = இங்ஙனம் கெட்டுப் போகாமல் முத்தம் பெற்றிட = முத்தி (பிறவியினின்று விடுதலை) பெற நின சனத்தின் செயலான = உனது பத்த அடியார் கூட்டத்தின் செயல்களான.

பெற்றியும் ஓராது நிற்கும் தத்த குரு தாரம் நிற்கும்
பெத்தமும் ஓராது நிற்கும் கழல் தாராய்

பெற்றியும் = தன்மையையும் ஓராது நிற்கும்= (யாரும்) உணர்தற்கரிதாக நிற்பதும் தத்த = பரவிப் பிரகாசிக்கின்ற குரு = ஒளிமயமாக தாரம் நிற்கும் = பிரணவப் பொருளாய் நிற்பதும் பெத்தமும் ஓராது = பாசபந்தத்தால் அறிதற்கரிதாய் நிற்பதுமான கழல் தாராய் = திருவடியைத் தந்து அருளுக.

தத்தனத ...........................................உர்த்தும் சத பேரி

தத்தன....சத பேரி = தத்தன தனா என்று ஒலிக்கும் நூற்றுக் கணக்கான முரசு வாத்தியங்கள் ஒலியுடன்.

சித்தர்கள் நிடாதர் வெற்பின் கொற்றவர் சுவாமி பத்தர்
திக்குகள் ஓர் நாலிரட்டில் கிரி சூழ

சித்தர்கள் = சித்தர்களும் வெற்பின் நிடாதர் = மலை வேடர்களும் கொற்றவர் = அரசர்களும் சுவாமி பத்தர் = உனது அடியார்களும் திக்குகள் ஓர் நாலிரட்டின் = எட்டுத் திசைகளிலும் கிரி சூழ = மலையை வலம் வர.

செக்கண் அரிமா கனைக்கும் சித் தணிகை வாழ் சிவப்பின்
செக்கர் நிறமாய் இருக்கும் பெருமாளே.

செக் கண் = சிவந்த கண்களையுடைய அரிமா = சிங்கம். கனைக்கும் = ஒலி செய்யும். சித் தணிகை = ஞானத் தணிகை மலையில் வாழ் = வாழ்கின்ற.  சிவப்பின் செக்கர் = மிகச் சிவந்த. நிறமாயிருக்கும் பெருமாளே = நிறத்துடன் சிறந்து விளங்கும் பெருமாளே.

சுருக்க உரை

எத்தனை சண்டைகள், மாய வித்தைகள், நோய்கள், பைத்தியச் செயல்கள், இந்த உலகில் எடுத்த உடல்கள், வீரச் செயல்கள், ஆசைகள், ஊனைத் தின்று பசியைப் போக்கும் செயல்கள், இவைகளுக்கு ஆளான நான் பிறவியிலிருந்து விடுபட, அடியார்களின் செயல்களான தன்மையையும், மக்கள் முயற்சியால் அறியப்படாமல் நிற்பதும், பிரணவப் பொருளாக நிற்பதும், பாச பந்தத்தால் அறிதற்கரிதாக நிற்பதுமான உன் திருவடிகளைத் தந்தருளுக.

பேரொலியுடன் முரசுகள் ஒலிக்க, சித்தர்களும், வேடர்களும், மன்னர்களும், அடியார்களும் வலம் வர, ஞானத் தணிகை மலையில் வீற்றிருக்கும் பெருமாளே, உன் கழல்களைத் தாராய்.

ஒப்புக:
1. தாரம்.....
பிரணவம்.
 தாரத்தி னுள்ளே தயங்கிய சோதியை
பாரத்தி னுள்ளே பரந்துள் எழுந்திட     ---                                                      திருமந்திரம்
2. சிவப்பின் செக்கர் நிறம்...
 செய்யன் சிவந்த ஆடையன்               ...                  திருமுருகாற்றுப்படை, திருவேரகம் 

பெத்தமும் ஓராது நிற்கும் கழல் தாராய்




118.உடலி னூடு

“

உடலி னூடு போய்மீளு முயிரி னூடு மாயாத
         உணர்வி னூடு வானூடு                    முதுதீயூ
டுலவை யூடு நீரூடு புவியி னூடு வாதாடு
        மொருவ ரோடு மேவாத                 தனிஞானச்
சுடரி னூடு நால்வேத முடியி னூடு மூடாடு
        துரிய வாகு லாதீத                            சிவரூபம்
தொலைவி லாத பேராசை துரிச றாத வோர்பேதை
        தொடுமு பாய மேதோசொ            லருள்வாயே
மடல றாத வாரீச அடவி சாடி மாறான
         வரிவ ரால்கு வால்சாய                     அமராடி
மதகு தாவி மீதோடி யுழல ரால டாதோடி
         மடையை மோதி யாறூடு                தடமாகக்
கடல்பு காம காமீனை முடுகி வாளை தான்மேவு
        கமல வாவி மேல்வீழு                  மலர்வாவிக்
கடவுள் நீல மாறாத தணிகை காவ லாவீர
        கருணை மேரு வேதேவர்            பெருமாளே
-118 திருத்தணிகை

பதம் பிரித்து உரை

உடலின் ஊடு போய் மீளும் உயிரின் ஊடு மாயாத
உணர்வின் ஊடு வான் ஊடு முது தீ ஊடு

உடலின் ஊடு = உடலின் உள்ளும். போய் மீளும் உயிரின் ஊடு = அந்த உடலில் போய்த் திரும்பும் உயிரின் உள்ளும் மாயாத = அழிவில்லாத. உணர்வினூடு = உணர்ச்சி உள்ளும் வான் ஊடு = ஆகாயத்துள்ளும் முது = முற்றிய
தீ ஊடு = தீயினுள்ளும்.

உலவை ஊடு நீர் ஊடு புவியின் ஊடு வாதாடும்
ஒருவரோடு மேவாத தனி ஞான

உலவை ஊடு = காற்றினுள்ளும். நீர் ஊடு = நீரினுள்ளும். புவியினூடு = மண்ணுள்ளும். வாதாடும் = சமய வாதம் செய்கின்ற. ஒருவரோடும் மேவாத = எவரிடத்தும் காணக் கிடையாத. தனி ஞான = ஒப்பற்ற ஞான.

சுடரின் ஊடு நால் வேத முடியின் ஊடும் ஊடாடு(ம்)
துரிய ஆகுல அதீத சிவ ரூபம்

சுடரினுடு = ஒளியினுள்ளும் நால் வேத முடியினூடும் = நான்கு வேதங்களின் உச்சியினுள்ளும் ஊடாடு = ஊடாடு கின்றதும் துரிய = யோகியர் தன்மயமாய் நிற்கும் ஆகுல அதீத = துன்பங்கள் கடந்த நிலையில் உள்ளதுமான சிவரூபம் = சிவ ரூபத்தை.

தொலைவு இலாத பேராசை துரிசு அறாத ஓர் பேதை
தொட உபாயம் ஏதோ சொல் அருள்வாயே

தொலைவு இலாத = முடிவு இல்லாத பேராசை = பேராசையும் துரிசு அறாத = குற்றமும் நீங்காத ஓர் பேதை = ஒரு முட்டாளாகிய நான் தொட = அடைதற்குரிய உபாயம் = உபாய வழி ஏதோ சொல் = எதுவோ அந்தச்  சொல்லை அருள்வாயே = சொல்லி அருள்வாயாக.

மடல் அறாத வாரீச அடவி சாடி மாறான
வரி வரால் குவால் சாய அமராடி


மடல் அறாத = இதழ்கள் நீங்காத வாரீசம் = தாமரை. அடவி = காட்டை சாடி = துகைத்துத் தாவிக் குதித்து. மாறான = (அங்கு) தனக்குப் பகையாயிருந்த வரி வரால் = இரேகைகள் கொண்ட வரால் மீன்களின் குவால் = கூட்டம். சாய = தோல்வியுற்றுப் பின் வாங்க ஓடும்படி. அமராடி = போர் புரிந்து (பிறகு).

தகு தாவி மீதோடி உழவர் ஆல அடாது ஓடி
மடையை மோதி ஆறு ஊடு தடமாக

மதகு தாவி மீதோடி = (தான் போகும் வழியிலிருந்த) நீர் மடையைத் தாண்டி மேலே ஓடி உழவர் = (அங்குள்ள) உழவர்கள் ஆல அடாது ஓடி = தம்மை வருத்தாதபடி விலகி ஓடி. மடையை மோதி = (வழியிலுள்ள) நீர் மடைகளைத் தாவிச் சென்று ஆறு ஊடு தடமாக = (அந்த ஓடைகள்) சேரும்) ஆற்றின் வழியே சென்று.

கடல் புகா மகா மீனை முடுகி வாளை தான் மேவு
கமல வாவி மேல் வீழு மலர் வாவி

கடல் புகா = கடலில் புகுந்து. மகா மீனை = (அங்கே உள்ள) பெரிய மீனை முடுகி = விரைந்து ஓடும்படி செய்து. வாளை தான் மேவு = வாளை மீன் தான் முதலில் இருந்த. கமல வாவி = தாமரைக் குளத்தில் மேல் வீழும் = வந்து விழும் மலர் வாவி =மலர் பூக்கும் சுனையில்.

கடவுள் நீல(ம்) மாறாத தணிகை காவலா வீர
கருணை மேருவே தேவர் பெருமாளே.

கடவுள் = தெய்வ மணமுள்ள நீலம் மாறாத தணிகை = இந்திர நீல சுனை உள்ள தணிகை மலையின் காவலா = அரசனே வீர = வீரனே கருணை மேருவே = கருணை மேருவே தேவர் பெருமாளே = தேவர்கள் பெருமாளே.

சுருக்க உரை

உடல், உயிர், உணர்வு, விண், தீ, காற்று, நீர், மண் முதலிய எல்லா இடங்களிலும், சமயச் சண்டை செய்பவர்கள் எவரிடத்தும், காணக் கிடையாத ஒப்பற்ற ஞான ஒளியினுள்ளும், வேதங்களின் முடிவிலும்,  யோகியர் தன் வசமாக நிற்கும் உயர் நிலையிலும், துன்பங்கள் கடந்த நிலையில் உள்ளதுமான சிவ ரூபத்தை, பேதையாகிய நான் அடைய ஏதேனும் ஒரு உபதேசம் சொல்லி அருளுக.

தாமரைத் தடாகங்களில் வாழும் வாளை மீன்கள் தாவிக் கடலுக்குச் சென்று, அங்குள்ள பெரிய மீன்களை விரட்டி மீண்டும் அதே தடாகத்தில் வந்து சேரும் செழுமையான திருத்தணிகையின் காவலரே. கருணை மேருவே. தேவர் பெருமாளே. எனக்குச் சிவ ரூபம் அடைய உபதேசம் அருள்வாயே.

விளக்கக் குறிப்புகள்

மடல் அறாத வாரீசம்... 
 இப்பாடல் திருத்தணிகையின் செழிப்பையும், அப்பகுதியில் இருந்த தாமரைத் தடாகத்து வாளை மீன்களின்  செழுமையையும் விளக்குகின்றது.

 ஒப்புக
கடவுள் நீல மாறாத தணிகை....
காலைப் போதினில் ஒருமலர், கதிர் முதிர் உச்சி
வேலைப் போதினில் ஒருமலர், விண்ணெலாம் இருள் சூழ்
மாலைப் பேதினில் ஒருமலர், ஆகஇவ் வரைமேல்
நீலப் போது மூன்று ஒழிவின்றி நிற்றலு மலரும்  --                                    கந்த புராணம்



” tag:

உடலி னூடு போய்மீளு முயிரி னூடு மாயாத
         உணர்வி னூடு வானூடு                    முதுதீயூ
டுலவை யூடு நீரூடு புவியி னூடு வாதாடு
        மொருவ ரோடு மேவாத                 தனிஞானச்
சுடரி னூடு நால்வேத முடியி னூடு மூடாடு
        துரிய வாகு லாதீத                            சிவரூபம்
தொலைவி லாத பேராசை துரிச றாத வோர்பேதை
        தொடுமு பாய மேதோசொ            லருள்வாயே
மடல றாத வாரீச அடவி சாடி மாறான
         வரிவ ரால்கு வால்சாய                     அமராடி
மதகு தாவி மீதோடி யுழல ரால டாதோடி
         மடையை மோதி யாறூடு                தடமாகக்
கடல்பு காம காமீனை முடுகி வாளை தான்மேவு
        கமல வாவி மேல்வீழு                  மலர்வாவிக்
கடவுள் நீல மாறாத தணிகை காவ லாவீர
        கருணை மேரு வேதேவர்            பெருமாளே
-118 திருத்தணிகை

பதம் பிரித்து உரை

உடலின் ஊடு போய் மீளும் உயிரின் ஊடு மாயாத
உணர்வின் ஊடு வான் ஊடு முது தீ ஊடு

உடலின் ஊடு = உடலின் உள்ளும். போய் மீளும் உயிரின் ஊடு = அந்த உடலில் போய்த் திரும்பும் உயிரின் உள்ளும் மாயாத = அழிவில்லாத. உணர்வினூடு = உணர்ச்சி உள்ளும் வான் ஊடு = ஆகாயத்துள்ளும் முது = முற்றிய
தீ ஊடு = தீயினுள்ளும்.

உலவை ஊடு நீர் ஊடு புவியின் ஊடு வாதாடும்
ஒருவரோடு மேவாத தனி ஞான

உலவை ஊடு = காற்றினுள்ளும். நீர் ஊடு = நீரினுள்ளும். புவியினூடு = மண்ணுள்ளும். வாதாடும் = சமய வாதம் செய்கின்ற. ஒருவரோடும் மேவாத = எவரிடத்தும் காணக் கிடையாத. தனி ஞான = ஒப்பற்ற ஞான.

சுடரின் ஊடு நால் வேத முடியின் ஊடும் ஊடாடு(ம்)
துரிய ஆகுல அதீத சிவ ரூபம்

சுடரினுடு = ஒளியினுள்ளும் நால் வேத முடியினூடும் = நான்கு வேதங்களின் உச்சியினுள்ளும் ஊடாடு = ஊடாடு கின்றதும் துரிய = யோகியர் தன்மயமாய் நிற்கும் ஆகுல அதீத = துன்பங்கள் கடந்த நிலையில் உள்ளதுமான சிவரூபம் = சிவ ரூபத்தை.

தொலைவு இலாத பேராசை துரிசு அறாத ஓர் பேதை
தொட உபாயம் ஏதோ சொல் அருள்வாயே

தொலைவு இலாத = முடிவு இல்லாத பேராசை = பேராசையும் துரிசு அறாத = குற்றமும் நீங்காத ஓர் பேதை = ஒரு முட்டாளாகிய நான் தொட = அடைதற்குரிய உபாயம் = உபாய வழி ஏதோ சொல் = எதுவோ அந்தச்  சொல்லை அருள்வாயே = சொல்லி அருள்வாயாக.

மடல் அறாத வாரீச அடவி சாடி மாறான
வரி வரால் குவால் சாய அமராடி


மடல் அறாத = இதழ்கள் நீங்காத வாரீசம் = தாமரை. அடவி = காட்டை சாடி = துகைத்துத் தாவிக் குதித்து. மாறான = (அங்கு) தனக்குப் பகையாயிருந்த வரி வரால் = இரேகைகள் கொண்ட வரால் மீன்களின் குவால் = கூட்டம். சாய = தோல்வியுற்றுப் பின் வாங்க ஓடும்படி. அமராடி = போர் புரிந்து (பிறகு).

தகு தாவி மீதோடி உழவர் ஆல அடாது ஓடி
மடையை மோதி ஆறு ஊடு தடமாக

மதகு தாவி மீதோடி = (தான் போகும் வழியிலிருந்த) நீர் மடையைத் தாண்டி மேலே ஓடி உழவர் = (அங்குள்ள) உழவர்கள் ஆல அடாது ஓடி = தம்மை வருத்தாதபடி விலகி ஓடி. மடையை மோதி = (வழியிலுள்ள) நீர் மடைகளைத் தாவிச் சென்று ஆறு ஊடு தடமாக = (அந்த ஓடைகள்) சேரும்) ஆற்றின் வழியே சென்று.

கடல் புகா மகா மீனை முடுகி வாளை தான் மேவு
கமல வாவி மேல் வீழு மலர் வாவி

கடல் புகா = கடலில் புகுந்து. மகா மீனை = (அங்கே உள்ள) பெரிய மீனை முடுகி = விரைந்து ஓடும்படி செய்து. வாளை தான் மேவு = வாளை மீன் தான் முதலில் இருந்த. கமல வாவி = தாமரைக் குளத்தில் மேல் வீழும் = வந்து விழும் மலர் வாவி =மலர் பூக்கும் சுனையில்.

கடவுள் நீல(ம்) மாறாத தணிகை காவலா வீர
கருணை மேருவே தேவர் பெருமாளே.

கடவுள் = தெய்வ மணமுள்ள நீலம் மாறாத தணிகை = இந்திர நீல சுனை உள்ள தணிகை மலையின் காவலா = அரசனே வீர = வீரனே கருணை மேருவே = கருணை மேருவே தேவர் பெருமாளே = தேவர்கள் பெருமாளே.

சுருக்க உரை

உடல், உயிர், உணர்வு, விண், தீ, காற்று, நீர், மண் முதலிய எல்லா இடங்களிலும், சமயச் சண்டை செய்பவர்கள் எவரிடத்தும், காணக் கிடையாத ஒப்பற்ற ஞான ஒளியினுள்ளும், வேதங்களின் முடிவிலும்,  யோகியர் தன் வசமாக நிற்கும் உயர் நிலையிலும், துன்பங்கள் கடந்த நிலையில் உள்ளதுமான சிவ ரூபத்தை, பேதையாகிய நான் அடைய ஏதேனும் ஒரு உபதேசம் சொல்லி அருளுக.

தாமரைத் தடாகங்களில் வாழும் வாளை மீன்கள் தாவிக் கடலுக்குச் சென்று, அங்குள்ள பெரிய மீன்களை விரட்டி மீண்டும் அதே தடாகத்தில் வந்து சேரும் செழுமையான திருத்தணிகையின் காவலரே. கருணை மேருவே. தேவர் பெருமாளே. எனக்குச் சிவ ரூபம் அடைய உபதேசம் அருள்வாயே.

விளக்கக் குறிப்புகள்

மடல் அறாத வாரீசம்... 
 இப்பாடல் திருத்தணிகையின் செழிப்பையும், அப்பகுதியில் இருந்த தாமரைத் தடாகத்து வாளை மீன்களின்  செழுமையையும் விளக்குகின்றது.

 ஒப்புக
கடவுள் நீல மாறாத தணிகை....
காலைப் போதினில் ஒருமலர், கதிர் முதிர் உச்சி
வேலைப் போதினில் ஒருமலர், விண்ணெலாம் இருள் சூழ்
மாலைப் பேதினில் ஒருமலர், ஆகஇவ் வரைமேல்
நீலப் போது மூன்று ஒழிவின்றி நிற்றலு மலரும்  --                                    கந்த புராணம்