F

படிப்போர்

Showing posts with label தற்பரம். Show all posts
Showing posts with label தற்பரம். Show all posts

Tuesday, 11 December 2012

180.பத்தர்கணப்ரிய

“

          தத்தன தத்தன தத்தன தத்தன
           தத்தன தத்தன                 தனதான

பத்தர்க ணப்ரிய நிர்த்தந டித்திடு
   பட்சிந டத்திய                           குகபூர்வ    
பச்சிம தட்சிண வுத்தர திக்குள    
   பத்தர்க ளற்புத                 மெனவோதுஞ்    
சித்ரக வித்துவ சத்தமி குத்ததி    
   ருப்புக ழைச்சிறி                    தடியேனுஞ்    
செப்பென வைத்துல கிற்பர வத்தெரி    
   சித்தவ நுக்ரக                         மறவேனே    
கத்திய தத்தைக ளைத்துவி ழத்திரி    
   கற்கவ ணிட்டெறி                 தினைகாவல்    
கற்றகு றத்திநி றத்தக ழுத்தடி    
   கட்டிய ணைத்தப                  னிருதோளா     
சத்தியை யொக்கஇ டத்தினில் வைத்தத    
   கப்பனு மெச்சிட                   மறைநூலின்    
தத்துவ தற்பர முற்றுமு ணர்த்திய    
   சர்ப்ப கிரிச்சுரர்                    பெருமாளே.
-180 திருச்செங்கோடு

பதம் பிரித்து உரை


பத்தர் கண ப்ரிய நிர்த்த(ம்) நடித்திடு
பட்சி நடத்திய குக பூர்வ

பத்தர் கண ப்ரிய = பத்தர் கூட்டங்களின் மீது அன்பு உடையவனே நிர்த்தம் நடத்திடு = நடனம் செய்ய வல்ல பட்சி நடத்திய குக = பட்சியாகிய மயிலை வாகனமாகக் கொண்ட                                                               குகனே பூர்வ = கிழக்கு.                                    

பச்சிம தட்சிண உத்தர திக்கு உ(ள்)ள    
பத்தர்கள் அற்புதம் என ஓதும்

பச்சிம = மேற்கு தட்சிண = தெற்கு உத்தர = வடக்கு (ஆகிய) திக்கு உள்ள பத்தர்கள் = திசைகளில் வாழும் பத்தர்கள் அற்புதம் என ஓதும் = இது அற்புதமானது என்று கொண்டாடும்
  
சித்ர கவித்துவ சத்தம் மிகுத்த     
திருப்புகழை சிறிது அடியேனும்

சித்ர கவித்துவ = அழகிய கவி பாடும் திறனும் சத்தம் மிகுத்த = சந்தங்களின் மேன்மையும் மிகுந்துள்ள திருப்புகழை = திருப்புகழ் என்னும் நூலின் பாக்களை
சிறிது அடியேனும் = சிறிதளவு அடியேனும். 

செப்பு என வைத்து உலகில் பரவ      
தெரிசித்த அநுக்ரகம் மறவேனே

செப்பு என = சொல்லும்படியாக வைத்து = திருவருள் செய்தும் உலகில்  = இந்தப் பூமியில் பரவ = (அந்தப் பாக்களைப்) பரவும் படியாக தெரிசித்த = வெளிப் படுத்தியும் அநுக்கிரகம் = நீ அருள் செய்ததை மறவேனே = நான் மறக்க மாட்டேன்.

கத்திய தத்தை களைத்து விழ திரி    
கல் கவண் இட்டு எறி தினை காவல்

கத்திய தத்தைகளை = கத்துகின்ற கிளிகளை.
களைத்து விழ = களைத்து விழும்படியாக.
திரி = சுழற்றும் கல் கவண் இட்டு எறி = கவணில் கல்லை வைத்து எறிந்து தினை காவல் கற்ற = தினைப் புனத்தைக் காவல் செய்யக் கற்றுக் கொண்ட

கற்ற குறத்தி நிறத்த கழுத்து அடி
கட்டி அணைத்த பன்னிரு  தோளா

குறத்தி = குறத்தியாகிய வள்ளியின் நிறத்த கழுத்து = ஒளி பொருந்திய கழுத்தின். அடி கட்டி = அடியில் கட்டி அணைத்த பன்னிரு தோளா =அணைத்த பன்னிரண்டு புயங்களை உடையவனே

சத்தியை ஒக்க இடத்தினில் வைத்த
தகப்பன் மெச்சிட மறை நூலின்

சத்தியை ஒக்க= பராசக்தியாகிய பார்வதியை இடத்தினில் வைத்த = இடப் பாகத்தில் பொருந்தும்படி வைத்த தகப்பனும் மெச்சிட = தந்தையாகிய சிவபெருமானும் மெச்சும்படி. மறை நூலின் = வேத நூலின்.

தத்துவ(ம்) தற்பரம் முற்றும் உணர்த்திய    
சர்ப்ப கிரி சுரர் பெருமாளே.

தத்துவம் = உண்மைப் பொருள் தற்பரம் = பரம் பொருள் (ஆகிய) முற்றும் உணர்த்திய = எல்லாவற்றையும் போதித்து விளக்கிய. சர்ப்ப கிரி பெருமாளே = பாம்பு மலையாகி திருச் செங்கோட்டில் உறையும் பெருமாளேசுரர் பெருமாளே = தேவர்கள் பெருமாளே.

சுருக்க உரை

அடியார்கள் கூட்டங்களில் அன்பு வைப்பவனே. நடனம் செய்ய வல்ல மயிலை வாகனமாக உடையவனே. எல்லா திசைகளிலும் உள்ள பத்தர்களும் அற்புதம் என்று புகழும்படி, சந்தங்கள் நிறைந்த அழகிய திருப்புகழ் என்னும் நூலை சிறிதளவு அடியேனும் பாட நீ அருள் புரிந்ததை என்னால் மறக்க முடியாது.

கிளிகள் விழும்படி கவணில் கல்லைக் கட்டி சுழற்றித் தினைப் புனத்தைக் காவல் புரிந்த வள்ளியை அணைந்த பன்னிரு தோளனே. பார்வதியை இடப்பாகத்தில் கொண்ட தந்தையாகிய சிவபெருமானக்கு வேதப் பொருளை முற்றும் போதித்தவனே. பாம்பு மலையாகிய திருச்செங்கோட்டில் வீற்றிருக்கும் தேவர்கள் பெருமாளே. உன் திருவருளை எப்போதும் மறவேன்.

விளக்கக் குறிப்புகள்

1. செப்பென வைத்து உலகில் பரவ.....
   செய்ப்பதி வைத்து என்றும் பாடம்.     
  
செய்ப்பதியும் வைத்து உயர் திருப்புகழ் விருப்பமொடு   
   செப்பென எனக்கருள்கை மறவேனே...............   .....திருப்புகழ், பக்கரைவிசித்ர.    
 
 திருப்புகழ் நித்தம்    
   பாடும் அன்பு அது செய்ப்பதியில் தந்தவன் நீயே...        .திருப்புகழ், கோலகுங்கு.    

திகழ்ப்படு செய்ப்பதிக்கு எனைத்    
   தடுத்து அடிமைப் படுத்த அருள்    
   திரு பழநிக்கிரிக் குமரப் பெருமாளே..................  ......திருப்புகழ், குறித்தமணி.    
 
அருணை நகர் மிசை கருணையொடு அருளிய    
   மவுன வசனமும் இரு பெரு சரணமும் மறவேனே..           .திருப்புகழ், முருகுசெறி.


” tag:

          தத்தன தத்தன தத்தன தத்தன
           தத்தன தத்தன                 தனதான

பத்தர்க ணப்ரிய நிர்த்தந டித்திடு
   பட்சிந டத்திய                           குகபூர்வ    
பச்சிம தட்சிண வுத்தர திக்குள    
   பத்தர்க ளற்புத                 மெனவோதுஞ்    
சித்ரக வித்துவ சத்தமி குத்ததி    
   ருப்புக ழைச்சிறி                    தடியேனுஞ்    
செப்பென வைத்துல கிற்பர வத்தெரி    
   சித்தவ நுக்ரக                         மறவேனே    
கத்திய தத்தைக ளைத்துவி ழத்திரி    
   கற்கவ ணிட்டெறி                 தினைகாவல்    
கற்றகு றத்திநி றத்தக ழுத்தடி    
   கட்டிய ணைத்தப                  னிருதோளா     
சத்தியை யொக்கஇ டத்தினில் வைத்தத    
   கப்பனு மெச்சிட                   மறைநூலின்    
தத்துவ தற்பர முற்றுமு ணர்த்திய    
   சர்ப்ப கிரிச்சுரர்                    பெருமாளே.
-180 திருச்செங்கோடு

பதம் பிரித்து உரை


பத்தர் கண ப்ரிய நிர்த்த(ம்) நடித்திடு
பட்சி நடத்திய குக பூர்வ

பத்தர் கண ப்ரிய = பத்தர் கூட்டங்களின் மீது அன்பு உடையவனே நிர்த்தம் நடத்திடு = நடனம் செய்ய வல்ல பட்சி நடத்திய குக = பட்சியாகிய மயிலை வாகனமாகக் கொண்ட                                                               குகனே பூர்வ = கிழக்கு.                                    

பச்சிம தட்சிண உத்தர திக்கு உ(ள்)ள    
பத்தர்கள் அற்புதம் என ஓதும்

பச்சிம = மேற்கு தட்சிண = தெற்கு உத்தர = வடக்கு (ஆகிய) திக்கு உள்ள பத்தர்கள் = திசைகளில் வாழும் பத்தர்கள் அற்புதம் என ஓதும் = இது அற்புதமானது என்று கொண்டாடும்
  
சித்ர கவித்துவ சத்தம் மிகுத்த     
திருப்புகழை சிறிது அடியேனும்

சித்ர கவித்துவ = அழகிய கவி பாடும் திறனும் சத்தம் மிகுத்த = சந்தங்களின் மேன்மையும் மிகுந்துள்ள திருப்புகழை = திருப்புகழ் என்னும் நூலின் பாக்களை
சிறிது அடியேனும் = சிறிதளவு அடியேனும். 

செப்பு என வைத்து உலகில் பரவ      
தெரிசித்த அநுக்ரகம் மறவேனே

செப்பு என = சொல்லும்படியாக வைத்து = திருவருள் செய்தும் உலகில்  = இந்தப் பூமியில் பரவ = (அந்தப் பாக்களைப்) பரவும் படியாக தெரிசித்த = வெளிப் படுத்தியும் அநுக்கிரகம் = நீ அருள் செய்ததை மறவேனே = நான் மறக்க மாட்டேன்.

கத்திய தத்தை களைத்து விழ திரி    
கல் கவண் இட்டு எறி தினை காவல்

கத்திய தத்தைகளை = கத்துகின்ற கிளிகளை.
களைத்து விழ = களைத்து விழும்படியாக.
திரி = சுழற்றும் கல் கவண் இட்டு எறி = கவணில் கல்லை வைத்து எறிந்து தினை காவல் கற்ற = தினைப் புனத்தைக் காவல் செய்யக் கற்றுக் கொண்ட

கற்ற குறத்தி நிறத்த கழுத்து அடி
கட்டி அணைத்த பன்னிரு  தோளா

குறத்தி = குறத்தியாகிய வள்ளியின் நிறத்த கழுத்து = ஒளி பொருந்திய கழுத்தின். அடி கட்டி = அடியில் கட்டி அணைத்த பன்னிரு தோளா =அணைத்த பன்னிரண்டு புயங்களை உடையவனே

சத்தியை ஒக்க இடத்தினில் வைத்த
தகப்பன் மெச்சிட மறை நூலின்

சத்தியை ஒக்க= பராசக்தியாகிய பார்வதியை இடத்தினில் வைத்த = இடப் பாகத்தில் பொருந்தும்படி வைத்த தகப்பனும் மெச்சிட = தந்தையாகிய சிவபெருமானும் மெச்சும்படி. மறை நூலின் = வேத நூலின்.

தத்துவ(ம்) தற்பரம் முற்றும் உணர்த்திய    
சர்ப்ப கிரி சுரர் பெருமாளே.

தத்துவம் = உண்மைப் பொருள் தற்பரம் = பரம் பொருள் (ஆகிய) முற்றும் உணர்த்திய = எல்லாவற்றையும் போதித்து விளக்கிய. சர்ப்ப கிரி பெருமாளே = பாம்பு மலையாகி திருச் செங்கோட்டில் உறையும் பெருமாளேசுரர் பெருமாளே = தேவர்கள் பெருமாளே.

சுருக்க உரை

அடியார்கள் கூட்டங்களில் அன்பு வைப்பவனே. நடனம் செய்ய வல்ல மயிலை வாகனமாக உடையவனே. எல்லா திசைகளிலும் உள்ள பத்தர்களும் அற்புதம் என்று புகழும்படி, சந்தங்கள் நிறைந்த அழகிய திருப்புகழ் என்னும் நூலை சிறிதளவு அடியேனும் பாட நீ அருள் புரிந்ததை என்னால் மறக்க முடியாது.

கிளிகள் விழும்படி கவணில் கல்லைக் கட்டி சுழற்றித் தினைப் புனத்தைக் காவல் புரிந்த வள்ளியை அணைந்த பன்னிரு தோளனே. பார்வதியை இடப்பாகத்தில் கொண்ட தந்தையாகிய சிவபெருமானக்கு வேதப் பொருளை முற்றும் போதித்தவனே. பாம்பு மலையாகிய திருச்செங்கோட்டில் வீற்றிருக்கும் தேவர்கள் பெருமாளே. உன் திருவருளை எப்போதும் மறவேன்.

விளக்கக் குறிப்புகள்

1. செப்பென வைத்து உலகில் பரவ.....
   செய்ப்பதி வைத்து என்றும் பாடம்.     
  
செய்ப்பதியும் வைத்து உயர் திருப்புகழ் விருப்பமொடு   
   செப்பென எனக்கருள்கை மறவேனே...............   .....திருப்புகழ், பக்கரைவிசித்ர.    
 
 திருப்புகழ் நித்தம்    
   பாடும் அன்பு அது செய்ப்பதியில் தந்தவன் நீயே...        .திருப்புகழ், கோலகுங்கு.    

திகழ்ப்படு செய்ப்பதிக்கு எனைத்    
   தடுத்து அடிமைப் படுத்த அருள்    
   திரு பழநிக்கிரிக் குமரப் பெருமாளே..................  ......திருப்புகழ், குறித்தமணி.    
 
அருணை நகர் மிசை கருணையொடு அருளிய    
   மவுன வசனமும் இரு பெரு சரணமும் மறவேனே..           .திருப்புகழ், முருகுசெறி.


Friday, 5 October 2012

121.எத்தனைகலாதி

“

எத்தனைக லாதி சித்தங் கெத்தனைவி யாதி பித்தங்
   கெத்தனைச ராச ரத்தின்                                    செடமான
எத்தனைவி டாவெ ருட்டங் கெத்தனைவ லாண்மை பற்றங்
   கெத்தனைகொ லுனை நிமித்தம்                       பசியாறல்
பித்தனைய னான கட்டுண் டிப்படிகெ டாமல் முத்தம்
   பெற்றிடநி னாச னத்தின்                                  செயலான
பெற்றியுமொ ராது நிற்குந் தத்தகுரு தார நிற்கும்
   பெத்தமுமொ ராது நிற்குங்                            கழல்தாராய்
தத்தனத னாத னத்தந் தத்தனத னாத னத்தந்
   தத்தனத னாத னத்தந்                                         தகுதீதோ
தக்குகுகு டுடு டுட்டுண் டிக்குகுகு டீகு தத்தந்
   தத்தனத னாத னுர்த்துமஞ்                                     சதபேரி
சித்தர்கள்நி டாதர் வெற்பின் கொற்றவர்சு வாமி பத்தர்
   திக்குகளொர் நாலி ரட்டின்                                 கிரிசூழச்
செக்கணரி மாக னைக்குஞ் சித்தணிகை வாழ்சி வப்பின்
   செக்கர்நிற மாயி ருக்கும்                               பெருமாளே.

-121 திருத்தணிகை

பதம் பிரித்து உரை

எத்தனை கலாதி சித்து அங்கு எத்தனை வியாதி பித்தம்
அங்கு எத்தனை சராசரத்தில் செடமான

எத்தனை கலாதி = எத்தனை கலகச் சண்டைகள் சித்து அங்கு = அங்கு (எத்தனை) மாய வித்தைகள் எத்தனை வியாதி பித்து அங்கு = அங்கு எத்தனை நோய், பைத்தியச் செயல்கள் எத்தனை சராசரத் தில் = இயங்கு திணை, நிலைத் திணைகளைக் கொண்ட இவ்வுலகில் செடமான= எடுத்த உடல்கள் எத்தனை.

எத்தனை விடா வெருட்டு அங்கு எத்தனை வல் ஆண்மை பற்று அங்கு எத்தனை கொல் ஊனை நித்தம் பசி ஆறல்

எத்தனை விடா = எத்தனை நீங்காத வெருட்டு அங்கு = அச்சம் உறுத்தும் செயல்கள் எத்தனை எத்தனை வல் ஆண்மை = எத்தனை பேராற்றலான செயல்கள் பற்று ஆங்கு எத்தனை= எத்தனை ஆசைகள் கொல் ஊனை = மாமிசத்தை உண்டு நித்தம் பசி ஆறல் = தினமும் பசியைப் போக்கும் செயல்கள் (எத்தனை) (இவைகளுக்கு எல்லாம் ஆளான நான்).

பித்து அனையன் நான் அகட்டு உண்டு இப்படி கெடாமல் முத்தம்
பெற்றிட நின(து) சனத்தின் செயலான

பித்து அனையன் நான் = பித்துப் பிடித்தவன் போன்ற நான் அகட்டு உண்டு = வயிற்றில் உண்டு இப்படிக் கெடாமல் = இங்ஙனம் கெட்டுப் போகாமல் முத்தம் பெற்றிட = முத்தி (பிறவியினின்று விடுதலை) பெற நின சனத்தின் செயலான = உனது பத்த அடியார் கூட்டத்தின் செயல்களான.

பெற்றியும் ஓராது நிற்கும் தத்த குரு தாரம் நிற்கும்
பெத்தமும் ஓராது நிற்கும் கழல் தாராய்

பெற்றியும் = தன்மையையும் ஓராது நிற்கும்= (யாரும்) உணர்தற்கரிதாக நிற்பதும் தத்த = பரவிப் பிரகாசிக்கின்ற குரு = ஒளிமயமாக தாரம் நிற்கும் = பிரணவப் பொருளாய் நிற்பதும் பெத்தமும் ஓராது = பாசபந்தத்தால் அறிதற்கரிதாய் நிற்பதுமான கழல் தாராய் = திருவடியைத் தந்து அருளுக.

தத்தனத ...........................................உர்த்தும் சத பேரி

தத்தன....சத பேரி = தத்தன தனா என்று ஒலிக்கும் நூற்றுக் கணக்கான முரசு வாத்தியங்கள் ஒலியுடன்.

சித்தர்கள் நிடாதர் வெற்பின் கொற்றவர் சுவாமி பத்தர்
திக்குகள் ஓர் நாலிரட்டில் கிரி சூழ

சித்தர்கள் = சித்தர்களும் வெற்பின் நிடாதர் = மலை வேடர்களும் கொற்றவர் = அரசர்களும் சுவாமி பத்தர் = உனது அடியார்களும் திக்குகள் ஓர் நாலிரட்டின் = எட்டுத் திசைகளிலும் கிரி சூழ = மலையை வலம் வர.

செக்கண் அரிமா கனைக்கும் சித் தணிகை வாழ் சிவப்பின்
செக்கர் நிறமாய் இருக்கும் பெருமாளே.

செக் கண் = சிவந்த கண்களையுடைய அரிமா = சிங்கம். கனைக்கும் = ஒலி செய்யும். சித் தணிகை = ஞானத் தணிகை மலையில் வாழ் = வாழ்கின்ற.  சிவப்பின் செக்கர் = மிகச் சிவந்த. நிறமாயிருக்கும் பெருமாளே = நிறத்துடன் சிறந்து விளங்கும் பெருமாளே.

சுருக்க உரை

எத்தனை சண்டைகள், மாய வித்தைகள், நோய்கள், பைத்தியச் செயல்கள், இந்த உலகில் எடுத்த உடல்கள், வீரச் செயல்கள், ஆசைகள், ஊனைத் தின்று பசியைப் போக்கும் செயல்கள், இவைகளுக்கு ஆளான நான் பிறவியிலிருந்து விடுபட, அடியார்களின் செயல்களான தன்மையையும், மக்கள் முயற்சியால் அறியப்படாமல் நிற்பதும், பிரணவப் பொருளாக நிற்பதும், பாச பந்தத்தால் அறிதற்கரிதாக நிற்பதுமான உன் திருவடிகளைத் தந்தருளுக.

பேரொலியுடன் முரசுகள் ஒலிக்க, சித்தர்களும், வேடர்களும், மன்னர்களும், அடியார்களும் வலம் வர, ஞானத் தணிகை மலையில் வீற்றிருக்கும் பெருமாளே, உன் கழல்களைத் தாராய்.

ஒப்புக:
1. தாரம்.....
பிரணவம்.
 தாரத்தி னுள்ளே தயங்கிய சோதியை
பாரத்தி னுள்ளே பரந்துள் எழுந்திட     ---                                                      திருமந்திரம்
2. சிவப்பின் செக்கர் நிறம்...
 செய்யன் சிவந்த ஆடையன்               ...                  திருமுருகாற்றுப்படை, திருவேரகம் 

பெத்தமும் ஓராது நிற்கும் கழல் தாராய்




” tag:

எத்தனைக லாதி சித்தங் கெத்தனைவி யாதி பித்தங்
   கெத்தனைச ராச ரத்தின்                                    செடமான
எத்தனைவி டாவெ ருட்டங் கெத்தனைவ லாண்மை பற்றங்
   கெத்தனைகொ லுனை நிமித்தம்                       பசியாறல்
பித்தனைய னான கட்டுண் டிப்படிகெ டாமல் முத்தம்
   பெற்றிடநி னாச னத்தின்                                  செயலான
பெற்றியுமொ ராது நிற்குந் தத்தகுரு தார நிற்கும்
   பெத்தமுமொ ராது நிற்குங்                            கழல்தாராய்
தத்தனத னாத னத்தந் தத்தனத னாத னத்தந்
   தத்தனத னாத னத்தந்                                         தகுதீதோ
தக்குகுகு டுடு டுட்டுண் டிக்குகுகு டீகு தத்தந்
   தத்தனத னாத னுர்த்துமஞ்                                     சதபேரி
சித்தர்கள்நி டாதர் வெற்பின் கொற்றவர்சு வாமி பத்தர்
   திக்குகளொர் நாலி ரட்டின்                                 கிரிசூழச்
செக்கணரி மாக னைக்குஞ் சித்தணிகை வாழ்சி வப்பின்
   செக்கர்நிற மாயி ருக்கும்                               பெருமாளே.

-121 திருத்தணிகை

பதம் பிரித்து உரை

எத்தனை கலாதி சித்து அங்கு எத்தனை வியாதி பித்தம்
அங்கு எத்தனை சராசரத்தில் செடமான

எத்தனை கலாதி = எத்தனை கலகச் சண்டைகள் சித்து அங்கு = அங்கு (எத்தனை) மாய வித்தைகள் எத்தனை வியாதி பித்து அங்கு = அங்கு எத்தனை நோய், பைத்தியச் செயல்கள் எத்தனை சராசரத் தில் = இயங்கு திணை, நிலைத் திணைகளைக் கொண்ட இவ்வுலகில் செடமான= எடுத்த உடல்கள் எத்தனை.

எத்தனை விடா வெருட்டு அங்கு எத்தனை வல் ஆண்மை பற்று அங்கு எத்தனை கொல் ஊனை நித்தம் பசி ஆறல்

எத்தனை விடா = எத்தனை நீங்காத வெருட்டு அங்கு = அச்சம் உறுத்தும் செயல்கள் எத்தனை எத்தனை வல் ஆண்மை = எத்தனை பேராற்றலான செயல்கள் பற்று ஆங்கு எத்தனை= எத்தனை ஆசைகள் கொல் ஊனை = மாமிசத்தை உண்டு நித்தம் பசி ஆறல் = தினமும் பசியைப் போக்கும் செயல்கள் (எத்தனை) (இவைகளுக்கு எல்லாம் ஆளான நான்).

பித்து அனையன் நான் அகட்டு உண்டு இப்படி கெடாமல் முத்தம்
பெற்றிட நின(து) சனத்தின் செயலான

பித்து அனையன் நான் = பித்துப் பிடித்தவன் போன்ற நான் அகட்டு உண்டு = வயிற்றில் உண்டு இப்படிக் கெடாமல் = இங்ஙனம் கெட்டுப் போகாமல் முத்தம் பெற்றிட = முத்தி (பிறவியினின்று விடுதலை) பெற நின சனத்தின் செயலான = உனது பத்த அடியார் கூட்டத்தின் செயல்களான.

பெற்றியும் ஓராது நிற்கும் தத்த குரு தாரம் நிற்கும்
பெத்தமும் ஓராது நிற்கும் கழல் தாராய்

பெற்றியும் = தன்மையையும் ஓராது நிற்கும்= (யாரும்) உணர்தற்கரிதாக நிற்பதும் தத்த = பரவிப் பிரகாசிக்கின்ற குரு = ஒளிமயமாக தாரம் நிற்கும் = பிரணவப் பொருளாய் நிற்பதும் பெத்தமும் ஓராது = பாசபந்தத்தால் அறிதற்கரிதாய் நிற்பதுமான கழல் தாராய் = திருவடியைத் தந்து அருளுக.

தத்தனத ...........................................உர்த்தும் சத பேரி

தத்தன....சத பேரி = தத்தன தனா என்று ஒலிக்கும் நூற்றுக் கணக்கான முரசு வாத்தியங்கள் ஒலியுடன்.

சித்தர்கள் நிடாதர் வெற்பின் கொற்றவர் சுவாமி பத்தர்
திக்குகள் ஓர் நாலிரட்டில் கிரி சூழ

சித்தர்கள் = சித்தர்களும் வெற்பின் நிடாதர் = மலை வேடர்களும் கொற்றவர் = அரசர்களும் சுவாமி பத்தர் = உனது அடியார்களும் திக்குகள் ஓர் நாலிரட்டின் = எட்டுத் திசைகளிலும் கிரி சூழ = மலையை வலம் வர.

செக்கண் அரிமா கனைக்கும் சித் தணிகை வாழ் சிவப்பின்
செக்கர் நிறமாய் இருக்கும் பெருமாளே.

செக் கண் = சிவந்த கண்களையுடைய அரிமா = சிங்கம். கனைக்கும் = ஒலி செய்யும். சித் தணிகை = ஞானத் தணிகை மலையில் வாழ் = வாழ்கின்ற.  சிவப்பின் செக்கர் = மிகச் சிவந்த. நிறமாயிருக்கும் பெருமாளே = நிறத்துடன் சிறந்து விளங்கும் பெருமாளே.

சுருக்க உரை

எத்தனை சண்டைகள், மாய வித்தைகள், நோய்கள், பைத்தியச் செயல்கள், இந்த உலகில் எடுத்த உடல்கள், வீரச் செயல்கள், ஆசைகள், ஊனைத் தின்று பசியைப் போக்கும் செயல்கள், இவைகளுக்கு ஆளான நான் பிறவியிலிருந்து விடுபட, அடியார்களின் செயல்களான தன்மையையும், மக்கள் முயற்சியால் அறியப்படாமல் நிற்பதும், பிரணவப் பொருளாக நிற்பதும், பாச பந்தத்தால் அறிதற்கரிதாக நிற்பதுமான உன் திருவடிகளைத் தந்தருளுக.

பேரொலியுடன் முரசுகள் ஒலிக்க, சித்தர்களும், வேடர்களும், மன்னர்களும், அடியார்களும் வலம் வர, ஞானத் தணிகை மலையில் வீற்றிருக்கும் பெருமாளே, உன் கழல்களைத் தாராய்.

ஒப்புக:
1. தாரம்.....
பிரணவம்.
 தாரத்தி னுள்ளே தயங்கிய சோதியை
பாரத்தி னுள்ளே பரந்துள் எழுந்திட     ---                                                      திருமந்திரம்
2. சிவப்பின் செக்கர் நிறம்...
 செய்யன் சிவந்த ஆடையன்               ...                  திருமுருகாற்றுப்படை, திருவேரகம் 

பெத்தமும் ஓராது நிற்கும் கழல் தாராய்