F

படிப்போர்

Showing posts with label சம்பந்தராய் முருகன் வந்தது. Show all posts
Showing posts with label சம்பந்தராய் முருகன் வந்தது. Show all posts

Tuesday, 18 September 2012

81.பகர்தற்கரிதான

“

பகர்தற்கரி தான செந்தமி ழிசையிற்சில பாட லன்பொடு   
        பயில்பல காவி யங்களை                                        யுணராதே   
பவளத்தினை வீழி யின்கனி யதனைப்பொரு வாய் மடந்தையர்   
        பசலைத்தன் மேபெ றும்படி                                     விரகாலே   
சகரக்கடல் சூழு மம்புவி மிசையிப்படி யேதி ரிந்துழல்   
        சருகொத்துள மேய யர்fந்துடல்                          மெலியாமுன்   
தகதித்திமி தாகி ணங்கிண எனவுற்றெழு தோகை யம்பரி   
        தனிலற்புத மாக வந்தருள்                                        புரிவாயே   
நுகர்வித்தக மாகு மென்றுமை மொழியிற்பொழி பாலை யுண்டிடு
        நுவல்மெய்ப்புள பால னென்றிடு                    மிளையோனே    
நுதிவைத்தக ராம லைந்திடு களிறுக்கரு ளேபு ரிந்திட  
        நொடியிற்பரி வாக வந்தவன்                               மருகோனே   
அகரப்பொரு ளாதி யொன்றிடு முதலக்கர மான தின்பொருள்   
        அரனுக்கினி தாமொ ழிந்திடு                                     குருநாதா   
அமரர்க்கிறை யேவ ணங்கிய பழநித்திரு வாவி னன்குடி   
        அதனிற்குடி யாயி ருந்தருள்                                 பெருமாளே.
-       81 பழநி

பதம் பிரித்து உரை

பகர்தற்கு அரிதான செம் தமிழ் இசையில் சில பாடல்
பயில பல காவியங்களை அன்பொடு உணராதே

பகர்தற்கு அரிதான = சொல்லுதற்கு அருமையான செம் தமிழ் இசையில் = செந்தமிழ் இசையில் சில பாடல் = சில பாடல்களை அன்பொடு = அன்போடு  பயில = பயிலுவதற்கு வேண்டிய பல காவியங்களை = பல நூல்களைப் படித்து உணராதே = உணராமல்.

************
சகர கடல் சூழும் அம் புவி மிசை இப்படியே திரிந்து உழல்  
சருகு ஒத்து உளமே அயர்ந்து உடல் மெலியா முன்

சகரக் கடல் சூழுழ் = சகர புத்திரர்களால் ஏற்பட்ட கடல் சூழ்ந்த அம் = அழகிய புவி மிசை = பூமியில் இப்படியே = இவ்வாறு திரிந்து உழல் = நான் திரிந்து, அலைந்து சருகு ஒத்து = சருகு போன்று உளமே அயர்ந்து = மனம் சோர்ந்து உடல் மெலியா முன் = உடலும்  மெலிந்து போவதற்கு முன்பாக.

தகதித் திமி தாகிணங்கிண என உற்று எழு தோகை அம் பரி 
தனில் அற்புதமாக வந்து அருள் புரிவாயே

தகதித்திமி....என உற்று = இவ்வாறான ஒலியுடன் எழு = வருகின்ற  தோகை அம் பரி தனில் = கலாபம் கொண்ட குதிரையாகிய மயில் மீது அற்புதமாக வந்து = அற்புதமாக எழுந்தருளி அருள் புரிவாயே = அருள் புரிவாயாக.

நுகர் வித்தகமாகும் என்று உமை மொழியில் பொழி பாலை உண்டிடு
நுவல் மெய்ப்பு உள பாலன் என்றிடும் இளையோனே

நுகர் = உண்ணுக வித்தகமாகும் என்று = இது ஞானத்தைத் தரும் என்று உமை = உமையம்மை மொழியில் = மொழிந்து பொழி = (பொன் கிண்ணத்தில்) பொழிந்து பாலை உண்டிடு = பாலை உண்டவனும் நுவல் = சொல்லப்படும் மெய்ப்புள = வாய்மை, புகழ்ச்சி நிறைந்த வனுமாகிய பாலன் என்றிடும் = குழந்தை என்று பாராட்டப் படுகின்ற இளையோனே = இளையவனே.

நுதி வைத்த கரா மலைந்திடு களிறுக்கு அருளே புரிந்திடு   
நொடியில் பரிவாக வந்தவன் மருகோனே

நுதி வைத்த = நுனிக் கூர்மை வாய் கொண்ட கரா = ஆண் முதலை மலைந்திடு = வலித்துப் போரிட்ட. களிறுக்கு = (கஜேந்திரனாகிய) யானைக்கு. அருள் புரிந்திட = அருள் புரிதற் பொருட்டு நொடியினில் = ஒரு நொடிப் பொழுதில் பரிவாக வந்தவன் = அன்புடன் வந்த திருமாலின் மருகோனே = மருகனே.

அகர பொருள் ஆதி ஒன்றிடு முதல் அக்கரமானது இன் பொருள்   
அரனுக்கு இனிதா மொழிந்திடு குருநாதா

அகரப் பொருள் ஆதி ஒன்றிடு = அகரம உகர, மகாராதிகள் அடங்கிய முதல் அக்கரமானதின் = முதல் எழுத்தாம் பிரணவத்தின் பொருள் = பொருளை அரனுக்கு இனிதா மொழிந்திடு = சிவ பெருமானுக்கு இனிமையாக உபதேசித்த குருநாதா = குரு நாதரே.

அமரர்க்கு இறையே வணங்கிய பழநி திருவாவினன்குடி   
அதனில் குடியாய் இருந்து அருள் பெருமாளே.

அமரர்க்கு இறையே = தேவர்களுக்குத் தலைவனான இந்திரன். வணங்கிய = வணங்கிப் பூசித்த. திருவாவினன்குடி அதனில் = பழனியில். குடியாய் இருந்து = குடியாக வீற்றிருந்து. அருள் பெருமாளே = அருளும் பெருமாளே.

சுருக்க உரை

அரிய செந்தமிழ்ப் பாடல்கள் சிலவற்றைக் கற்று உணராமல், விலை மாதர்களின் பவளத்தையும், வீழிப் பழத்தையும் ஒத்த வாயிதழும், பரந்த கொங்கையும்  பெற விரும்பி, இப்பூமியில் நான் திரிந்து அலைந்து, உடல் மெலிந்து,  உள்ளம் சோர்ந்து அழிவதற்கு முன்பே, தகதித்திமி என்று ஓலி செய்து வரும் மயிலின் மேல் ஏறி வந்து அருள் புரிவாயாக. 

இது ஞானம் தரும் என்று உமா தேவியார் மொழிந்து, பொற் கிண்ணத்தில்
தந்த பாலை உண்டு, வாய்மை நிறைந்த குழந்தை எனப் பலரும் போற்றும் இளையவனே. கூர்மையான வாயை உடைய முதலையுடன் போரிட்ட கஜேந்திரன் என்ற யானையைக் காக்க ஒரு நொடிப் பொழுதில் வந்த திருமாலின் மருகனே, அகர, உகர, மகாரங்களின் முதல் அக்கரமான பிரணவத்தை இனிமையாகச் சிவபெருமானுக்கு உபதேசித்த குரு நாதனே, தேவர்கள் தலைவன் ஆன இந்திரன் வணங்கிய பழனியில் வீற்றிருந்து அருள் புரியும் பெருமாளே, மயில் மீது வந்து அருள் புரிவாயாக.

ஒப்புக
அ. பகர்தற்கரிய செந்தமிழில்.....
செப்பரிய தண் தமிழால் தெரிந்த பாட இவை வல்லார்)...சம்பந்தர் தேவாம்.
  
செந்தமிழால் முருகனைப் பாட வேண்டும் என்பது அருணகிரி நாதர் பேராசை.
  
வேலுஞ்செஞ் சேவலும் செந்தமிழாற் பகரார்வம்..................... ................. ...கந்தர் அலங்காரம்

பின் வரும் திருப்புகழ்ப் பாக்களிலும் இக்கருத்தைக் காணலாம்.
·         செந்தமிழ் வழுத்தி உனை
அன்பொடு துதிக்க மனம் அருள்வாயே)......         ................ ............ஐங்கரனையொத்த
·         எனக் கென்றப் பொருட் டங்கத் தொடுக்குஞ் சொற்
றமிழ்த்தந்திப் படி ஆள்வாய்................              ................ .................................பருத்தந்த
·         செந்தமிழ் பாடும் புலப்பட்டங் கொடுத்தற்கும்...............................................பெருக்கச்சஞ்சலி
·         தமிழ்க் கொற்றப் புகழ்ச் செப்பித் திரிவேனோ.......            .................................. கடத்தைப்பற்
·         சுத்தத் சித்தித் தமிழைத் திட்டத் துக்குப் புகலப் பெறுவேனோ......... ..... ..  கொக்குக்கொக்க                                                                      
·         தமிழிசையதாகவே மொழி செய்தே நினைந்திடுமாறு ...அருள்வாயே..............விதியதாகவே
·         தமிழால்...பாடென்று ஆட்கொ டருள்வாயே.............................................................வடிவதுநீல
·         சரணாரவிந்தமது பாட வண்டமிழ் விநோதம் அருள்வாயே.....................................அஞ்சுவித
·         செஞ்சொல் சேர் சித்ரத் தமிழாலுன் செம்பொனார் வத்தைப் பெறுவேனோ..      பஞ்சுநேர்                                                         
·         தமிழ்ச் சுவையிட்டு ... எய்த்திட ...அருள்வாயே......     ......................................வினைத்திரளு
·         சித்ரத் நித்தத் தமிழாலுன் நாமத்தை கற்றுப் புகழ்க்கைக்குப் புரிவாயே      .......வானப்புக்கு                                                             ..

ஆ. சகரக் கடல்....    
    சகரர் அறுபதினாயிரவர். பூமியைத் தோண்டிக் கபிலரது கோபத் தீயால் இறந்து
    பகீரதனால் நற்கதி பெற்றவர்கள்.

இ. நுகர் வித்தகமாகும் என்று உறை...   
   (எண்ணரிய சிவஞானத் தின்னமுதங் குழைத்தருளி
   உண்ணடிசில் என ஊட்ட உமையம்மை)..................................   ............... .பெரிய புராணம்.
ஈ. நுவல் மெய்ப்புள பால னென்றிடு மிளையோனே....
    (நாடுபல நீடு புகழ் ஞானசம்பந்தன்  உரை நல்ல தமிழின்   
    பாடலொடு பாடும் இசை வல்லவர்கள் நல்லர்)..................    .............. ..சம்பந்தர் தேவாரம்
உ. வீழியின் கனி அதனைப் பொரு...   
   (வீழியின் கனிவாய் ஒரு மெல்லியல்   
  தோழி கண்ணில் கடைக்கணிற் சொல்லினாள்)......................   ..................கம்ப ராமாயணம்
ஊ நுதி வைத்த கரா மலைந்திடு  களிறுக்கு அருளே புரிந்திடு 
   
ஆனைமடு வாயிலன்று மூலமென வோல மென்ற.....................................திருப்புகழ், சாலநெடு
 
இந்திராஜும்னன் எனும் மன்னன் மிகச்சிறந்த விஷ்ணு பக்தனாக இருந்தான். சதா சர்வ காலமும் விஷ்ணு சிந்தனையிலேயே இருப்பான். விஷ்ணுவை கும்பிடாமல் எந்த ஒரு செயலையும் செய்யமாட்டான். ஒரு நாள் அவன் இவ்வுலகத்தையே மறந்த நிலையில் விஷ்ணு பூஜை செய்து கொண்டிருந்தான். இது போன்ற நேரங்களில் யாரும் அவனை காண வருவதுமில்லை. இவனும் யாரையும் காண்பதுமில்லை. இப்படி அவன் பூஜை செய்து கொண்டிருந்த வேளையில் கோபக்கார துர்வாச முனிவர் அவனைக்காண வந்தார். இவர் வந்து வெகு நேரம் ஆனது. ஆனாலும் மன்னன் தன் பக்திக்குடிலை விட்டு வெளியே வரவில்லை. பொறுத்து பொறுத்து பார்த்த துர்வாசர், மன்னன் இருந்த குடிலுக்குள் சென்று அவன் முன்னால் நின்றார். அப்போதும் கூட மன்னன் வந்திருப்பதை அறியாமல் ஆழ்ந்த பக்தியில்  மூழ்கியி ருந்தான். இதனால்  முனிவர் கடும் கோபத்துடன் உரத்த குரலில்,""மன்னா! நீ மிகவும் கர்வம்  உள்ளவனாகவும், பக்தியில் சிறந்தவன் என்ற மமதை கொண்டவனாகவும்
இருப்பதாலும், நீ விலங்குகளில் மதம் பிடித்த யானையாக போவாய்,''என சபித்தார். முனிவர் போட்ட கடும் சத்தத்தினால் கண்விழித்த மன்னன் அதிர்ந்து போனான். அவரிடம் மன்னிப்பும், பவிமோசனமும் கேட்டான். இவனது நிலையுணர்ந்த முனிவர் அவன் மீது இரக்கம் கொண்டு, ""நீ யானையாக இருந்தாலும், அப்போதும் திருமால் மீது பக்தி கொண்ட கஜேந்திரனாக திகழ்வாய்'' என்று கூறினார். அத்துடன்,""ஒரு குளத்தில்  உள்ள முதலை உனது காலை பிடிக்கும். அப்போது நீ "ஆதிமூலமே!' என மகாவிஷ்ணுவை அழைக்க, அவர் ஓடி வந்து உன்னை காப்பாற்றி, உனக்கு மோட்சமும், சாப விமோசனமும் கிடைக்கும், ''என்றார். ஒரு முறை கூஹு என்னும் அரக்கன் குளத்தில் வாழ்ந்து வந்தான். அவன் தண்ணீரில் இருந்து கொண்டு அங்கு வந்து குளிப்போரின் காலைப்பிடித்து இழுத்து துன்புறுத்துவதையே தொழிலாக கொண்டிருந்தான். ஒரு முறை அகத்திய மாமுனிவர் சிவனின் கட்டளைப்படி தென்திசை நோக்கி வந்து கொண்டிருந்தார். அப்போது சிவ பூஜை செய்யும் நேரம் வந்தது.
அருகிலிருந்த குளத்தில் நீராடினார். அங்கு இருந்த அரக்கன் அகத்தியரின்
காலைப்பிடித்தான். இதனால் அகத்தியர் கடும் கோபம் கொண்டார். அவர்,""நீ வருபவர்களையெல்லாம் காலைப்பிடித்து இழுப்பதால், முதலையாக மாறுவாய்,''என சபித்தார். அவன் அகத்தியரிடம் சாப விமோசனம் கேட்டான். அகத்தியர்," "கஜேந்திரன் என்ற யானை இந்த குளத்திற்கு வரும் போது நீ அதன் காலைப்பிடிப்பாய், அப்போது அதைக்காப்பாற்ற திருமால் வருவார். அவரது சக்ராயுதம் பட்டு உனக்கு சாப விமோசனம் கிடைக்கும்,''என்றார். இந்த கபிஸ்தத்தின் கோயில் முன்பு கிழக்கு  திசையில் உள்ள  கபில தீர்த்தத்தில் ஒரு நாள் கஜேந்திரன் நீர் அருந்த இறங்கியது.  இதைக்கண்ட முதலை யானையின் காலைக் கவ்வியது."ஆதிமூலமே! காப்பாற்று' என  யானை கத்தியவுடன் கருட வாகனத்தில் லட்சுமி சமேதராக விஷ்ணு வந்து,  சக்ராயுதத்தால் முதலையை அழித்து கஜேந்திரனுக்கு மோட்சமளித்ததாக வரலாறு.

        Meaning and explanations provided by
 Dr. C.R.  Krishnamurti,   Professor Emeritus, University of British Columbia,  Vancouver, B.C. Canada
                 Compilation and Editorial additions by  Shantha and Sundararajan



” tag:

பகர்தற்கரி தான செந்தமி ழிசையிற்சில பாட லன்பொடு   
        பயில்பல காவி யங்களை                                        யுணராதே   
பவளத்தினை வீழி யின்கனி யதனைப்பொரு வாய் மடந்தையர்   
        பசலைத்தன் மேபெ றும்படி                                     விரகாலே   
சகரக்கடல் சூழு மம்புவி மிசையிப்படி யேதி ரிந்துழல்   
        சருகொத்துள மேய யர்fந்துடல்                          மெலியாமுன்   
தகதித்திமி தாகி ணங்கிண எனவுற்றெழு தோகை யம்பரி   
        தனிலற்புத மாக வந்தருள்                                        புரிவாயே   
நுகர்வித்தக மாகு மென்றுமை மொழியிற்பொழி பாலை யுண்டிடு
        நுவல்மெய்ப்புள பால னென்றிடு                    மிளையோனே    
நுதிவைத்தக ராம லைந்திடு களிறுக்கரு ளேபு ரிந்திட  
        நொடியிற்பரி வாக வந்தவன்                               மருகோனே   
அகரப்பொரு ளாதி யொன்றிடு முதலக்கர மான தின்பொருள்   
        அரனுக்கினி தாமொ ழிந்திடு                                     குருநாதா   
அமரர்க்கிறை யேவ ணங்கிய பழநித்திரு வாவி னன்குடி   
        அதனிற்குடி யாயி ருந்தருள்                                 பெருமாளே.
-       81 பழநி

பதம் பிரித்து உரை

பகர்தற்கு அரிதான செம் தமிழ் இசையில் சில பாடல்
பயில பல காவியங்களை அன்பொடு உணராதே

பகர்தற்கு அரிதான = சொல்லுதற்கு அருமையான செம் தமிழ் இசையில் = செந்தமிழ் இசையில் சில பாடல் = சில பாடல்களை அன்பொடு = அன்போடு  பயில = பயிலுவதற்கு வேண்டிய பல காவியங்களை = பல நூல்களைப் படித்து உணராதே = உணராமல்.

************
சகர கடல் சூழும் அம் புவி மிசை இப்படியே திரிந்து உழல்  
சருகு ஒத்து உளமே அயர்ந்து உடல் மெலியா முன்

சகரக் கடல் சூழுழ் = சகர புத்திரர்களால் ஏற்பட்ட கடல் சூழ்ந்த அம் = அழகிய புவி மிசை = பூமியில் இப்படியே = இவ்வாறு திரிந்து உழல் = நான் திரிந்து, அலைந்து சருகு ஒத்து = சருகு போன்று உளமே அயர்ந்து = மனம் சோர்ந்து உடல் மெலியா முன் = உடலும்  மெலிந்து போவதற்கு முன்பாக.

தகதித் திமி தாகிணங்கிண என உற்று எழு தோகை அம் பரி 
தனில் அற்புதமாக வந்து அருள் புரிவாயே

தகதித்திமி....என உற்று = இவ்வாறான ஒலியுடன் எழு = வருகின்ற  தோகை அம் பரி தனில் = கலாபம் கொண்ட குதிரையாகிய மயில் மீது அற்புதமாக வந்து = அற்புதமாக எழுந்தருளி அருள் புரிவாயே = அருள் புரிவாயாக.

நுகர் வித்தகமாகும் என்று உமை மொழியில் பொழி பாலை உண்டிடு
நுவல் மெய்ப்பு உள பாலன் என்றிடும் இளையோனே

நுகர் = உண்ணுக வித்தகமாகும் என்று = இது ஞானத்தைத் தரும் என்று உமை = உமையம்மை மொழியில் = மொழிந்து பொழி = (பொன் கிண்ணத்தில்) பொழிந்து பாலை உண்டிடு = பாலை உண்டவனும் நுவல் = சொல்லப்படும் மெய்ப்புள = வாய்மை, புகழ்ச்சி நிறைந்த வனுமாகிய பாலன் என்றிடும் = குழந்தை என்று பாராட்டப் படுகின்ற இளையோனே = இளையவனே.

நுதி வைத்த கரா மலைந்திடு களிறுக்கு அருளே புரிந்திடு   
நொடியில் பரிவாக வந்தவன் மருகோனே

நுதி வைத்த = நுனிக் கூர்மை வாய் கொண்ட கரா = ஆண் முதலை மலைந்திடு = வலித்துப் போரிட்ட. களிறுக்கு = (கஜேந்திரனாகிய) யானைக்கு. அருள் புரிந்திட = அருள் புரிதற் பொருட்டு நொடியினில் = ஒரு நொடிப் பொழுதில் பரிவாக வந்தவன் = அன்புடன் வந்த திருமாலின் மருகோனே = மருகனே.

அகர பொருள் ஆதி ஒன்றிடு முதல் அக்கரமானது இன் பொருள்   
அரனுக்கு இனிதா மொழிந்திடு குருநாதா

அகரப் பொருள் ஆதி ஒன்றிடு = அகரம உகர, மகாராதிகள் அடங்கிய முதல் அக்கரமானதின் = முதல் எழுத்தாம் பிரணவத்தின் பொருள் = பொருளை அரனுக்கு இனிதா மொழிந்திடு = சிவ பெருமானுக்கு இனிமையாக உபதேசித்த குருநாதா = குரு நாதரே.

அமரர்க்கு இறையே வணங்கிய பழநி திருவாவினன்குடி   
அதனில் குடியாய் இருந்து அருள் பெருமாளே.

அமரர்க்கு இறையே = தேவர்களுக்குத் தலைவனான இந்திரன். வணங்கிய = வணங்கிப் பூசித்த. திருவாவினன்குடி அதனில் = பழனியில். குடியாய் இருந்து = குடியாக வீற்றிருந்து. அருள் பெருமாளே = அருளும் பெருமாளே.

சுருக்க உரை

அரிய செந்தமிழ்ப் பாடல்கள் சிலவற்றைக் கற்று உணராமல், விலை மாதர்களின் பவளத்தையும், வீழிப் பழத்தையும் ஒத்த வாயிதழும், பரந்த கொங்கையும்  பெற விரும்பி, இப்பூமியில் நான் திரிந்து அலைந்து, உடல் மெலிந்து,  உள்ளம் சோர்ந்து அழிவதற்கு முன்பே, தகதித்திமி என்று ஓலி செய்து வரும் மயிலின் மேல் ஏறி வந்து அருள் புரிவாயாக. 

இது ஞானம் தரும் என்று உமா தேவியார் மொழிந்து, பொற் கிண்ணத்தில்
தந்த பாலை உண்டு, வாய்மை நிறைந்த குழந்தை எனப் பலரும் போற்றும் இளையவனே. கூர்மையான வாயை உடைய முதலையுடன் போரிட்ட கஜேந்திரன் என்ற யானையைக் காக்க ஒரு நொடிப் பொழுதில் வந்த திருமாலின் மருகனே, அகர, உகர, மகாரங்களின் முதல் அக்கரமான பிரணவத்தை இனிமையாகச் சிவபெருமானுக்கு உபதேசித்த குரு நாதனே, தேவர்கள் தலைவன் ஆன இந்திரன் வணங்கிய பழனியில் வீற்றிருந்து அருள் புரியும் பெருமாளே, மயில் மீது வந்து அருள் புரிவாயாக.

ஒப்புக
அ. பகர்தற்கரிய செந்தமிழில்.....
செப்பரிய தண் தமிழால் தெரிந்த பாட இவை வல்லார்)...சம்பந்தர் தேவாம்.
  
செந்தமிழால் முருகனைப் பாட வேண்டும் என்பது அருணகிரி நாதர் பேராசை.
  
வேலுஞ்செஞ் சேவலும் செந்தமிழாற் பகரார்வம்..................... ................. ...கந்தர் அலங்காரம்

பின் வரும் திருப்புகழ்ப் பாக்களிலும் இக்கருத்தைக் காணலாம்.
·         செந்தமிழ் வழுத்தி உனை
அன்பொடு துதிக்க மனம் அருள்வாயே)......         ................ ............ஐங்கரனையொத்த
·         எனக் கென்றப் பொருட் டங்கத் தொடுக்குஞ் சொற்
றமிழ்த்தந்திப் படி ஆள்வாய்................              ................ .................................பருத்தந்த
·         செந்தமிழ் பாடும் புலப்பட்டங் கொடுத்தற்கும்...............................................பெருக்கச்சஞ்சலி
·         தமிழ்க் கொற்றப் புகழ்ச் செப்பித் திரிவேனோ.......            .................................. கடத்தைப்பற்
·         சுத்தத் சித்தித் தமிழைத் திட்டத் துக்குப் புகலப் பெறுவேனோ......... ..... ..  கொக்குக்கொக்க                                                                      
·         தமிழிசையதாகவே மொழி செய்தே நினைந்திடுமாறு ...அருள்வாயே..............விதியதாகவே
·         தமிழால்...பாடென்று ஆட்கொ டருள்வாயே.............................................................வடிவதுநீல
·         சரணாரவிந்தமது பாட வண்டமிழ் விநோதம் அருள்வாயே.....................................அஞ்சுவித
·         செஞ்சொல் சேர் சித்ரத் தமிழாலுன் செம்பொனார் வத்தைப் பெறுவேனோ..      பஞ்சுநேர்                                                         
·         தமிழ்ச் சுவையிட்டு ... எய்த்திட ...அருள்வாயே......     ......................................வினைத்திரளு
·         சித்ரத் நித்தத் தமிழாலுன் நாமத்தை கற்றுப் புகழ்க்கைக்குப் புரிவாயே      .......வானப்புக்கு                                                             ..

ஆ. சகரக் கடல்....    
    சகரர் அறுபதினாயிரவர். பூமியைத் தோண்டிக் கபிலரது கோபத் தீயால் இறந்து
    பகீரதனால் நற்கதி பெற்றவர்கள்.

இ. நுகர் வித்தகமாகும் என்று உறை...   
   (எண்ணரிய சிவஞானத் தின்னமுதங் குழைத்தருளி
   உண்ணடிசில் என ஊட்ட உமையம்மை)..................................   ............... .பெரிய புராணம்.
ஈ. நுவல் மெய்ப்புள பால னென்றிடு மிளையோனே....
    (நாடுபல நீடு புகழ் ஞானசம்பந்தன்  உரை நல்ல தமிழின்   
    பாடலொடு பாடும் இசை வல்லவர்கள் நல்லர்)..................    .............. ..சம்பந்தர் தேவாரம்
உ. வீழியின் கனி அதனைப் பொரு...   
   (வீழியின் கனிவாய் ஒரு மெல்லியல்   
  தோழி கண்ணில் கடைக்கணிற் சொல்லினாள்)......................   ..................கம்ப ராமாயணம்
ஊ நுதி வைத்த கரா மலைந்திடு  களிறுக்கு அருளே புரிந்திடு 
   
ஆனைமடு வாயிலன்று மூலமென வோல மென்ற.....................................திருப்புகழ், சாலநெடு
 
இந்திராஜும்னன் எனும் மன்னன் மிகச்சிறந்த விஷ்ணு பக்தனாக இருந்தான். சதா சர்வ காலமும் விஷ்ணு சிந்தனையிலேயே இருப்பான். விஷ்ணுவை கும்பிடாமல் எந்த ஒரு செயலையும் செய்யமாட்டான். ஒரு நாள் அவன் இவ்வுலகத்தையே மறந்த நிலையில் விஷ்ணு பூஜை செய்து கொண்டிருந்தான். இது போன்ற நேரங்களில் யாரும் அவனை காண வருவதுமில்லை. இவனும் யாரையும் காண்பதுமில்லை. இப்படி அவன் பூஜை செய்து கொண்டிருந்த வேளையில் கோபக்கார துர்வாச முனிவர் அவனைக்காண வந்தார். இவர் வந்து வெகு நேரம் ஆனது. ஆனாலும் மன்னன் தன் பக்திக்குடிலை விட்டு வெளியே வரவில்லை. பொறுத்து பொறுத்து பார்த்த துர்வாசர், மன்னன் இருந்த குடிலுக்குள் சென்று அவன் முன்னால் நின்றார். அப்போதும் கூட மன்னன் வந்திருப்பதை அறியாமல் ஆழ்ந்த பக்தியில்  மூழ்கியி ருந்தான். இதனால்  முனிவர் கடும் கோபத்துடன் உரத்த குரலில்,""மன்னா! நீ மிகவும் கர்வம்  உள்ளவனாகவும், பக்தியில் சிறந்தவன் என்ற மமதை கொண்டவனாகவும்
இருப்பதாலும், நீ விலங்குகளில் மதம் பிடித்த யானையாக போவாய்,''என சபித்தார். முனிவர் போட்ட கடும் சத்தத்தினால் கண்விழித்த மன்னன் அதிர்ந்து போனான். அவரிடம் மன்னிப்பும், பவிமோசனமும் கேட்டான். இவனது நிலையுணர்ந்த முனிவர் அவன் மீது இரக்கம் கொண்டு, ""நீ யானையாக இருந்தாலும், அப்போதும் திருமால் மீது பக்தி கொண்ட கஜேந்திரனாக திகழ்வாய்'' என்று கூறினார். அத்துடன்,""ஒரு குளத்தில்  உள்ள முதலை உனது காலை பிடிக்கும். அப்போது நீ "ஆதிமூலமே!' என மகாவிஷ்ணுவை அழைக்க, அவர் ஓடி வந்து உன்னை காப்பாற்றி, உனக்கு மோட்சமும், சாப விமோசனமும் கிடைக்கும், ''என்றார். ஒரு முறை கூஹு என்னும் அரக்கன் குளத்தில் வாழ்ந்து வந்தான். அவன் தண்ணீரில் இருந்து கொண்டு அங்கு வந்து குளிப்போரின் காலைப்பிடித்து இழுத்து துன்புறுத்துவதையே தொழிலாக கொண்டிருந்தான். ஒரு முறை அகத்திய மாமுனிவர் சிவனின் கட்டளைப்படி தென்திசை நோக்கி வந்து கொண்டிருந்தார். அப்போது சிவ பூஜை செய்யும் நேரம் வந்தது.
அருகிலிருந்த குளத்தில் நீராடினார். அங்கு இருந்த அரக்கன் அகத்தியரின்
காலைப்பிடித்தான். இதனால் அகத்தியர் கடும் கோபம் கொண்டார். அவர்,""நீ வருபவர்களையெல்லாம் காலைப்பிடித்து இழுப்பதால், முதலையாக மாறுவாய்,''என சபித்தார். அவன் அகத்தியரிடம் சாப விமோசனம் கேட்டான். அகத்தியர்," "கஜேந்திரன் என்ற யானை இந்த குளத்திற்கு வரும் போது நீ அதன் காலைப்பிடிப்பாய், அப்போது அதைக்காப்பாற்ற திருமால் வருவார். அவரது சக்ராயுதம் பட்டு உனக்கு சாப விமோசனம் கிடைக்கும்,''என்றார். இந்த கபிஸ்தத்தின் கோயில் முன்பு கிழக்கு  திசையில் உள்ள  கபில தீர்த்தத்தில் ஒரு நாள் கஜேந்திரன் நீர் அருந்த இறங்கியது.  இதைக்கண்ட முதலை யானையின் காலைக் கவ்வியது."ஆதிமூலமே! காப்பாற்று' என  யானை கத்தியவுடன் கருட வாகனத்தில் லட்சுமி சமேதராக விஷ்ணு வந்து,  சக்ராயுதத்தால் முதலையை அழித்து கஜேந்திரனுக்கு மோட்சமளித்ததாக வரலாறு.

        Meaning and explanations provided by
 Dr. C.R.  Krishnamurti,   Professor Emeritus, University of British Columbia,  Vancouver, B.C. Canada
                 Compilation and Editorial additions by  Shantha and Sundararajan



Wednesday, 5 September 2012

43. பூரண வார

“

பூரண வாரகும்ப சீதப டீரகொங்கை
     மாதர் விகாரவஞ்ச லீலையி லேயுழன்று
     போதவ மேயிழந்து போனது மானமென்ப           தறியாத
பூரிய னாகிநெஞ்சு காவல்ப டாதபஞ்சு
     பாதக னாயறஞ்செ யாதடி யோடிறந்து
     போனவர் வாழ்வுகண்டு மாசையி லேயழுந்து      மயல்தீரக்                          
காரண காரியங்க ளானதெ லாமொ ழிந்து
     யானெனு மேதைவிண்டு பாவக மாயிருந்து
     காலுட லூடியங்கி நாசியின் மீதிரண்டு             விழிபாயக்
காயமு நாவுநெஞ்சு மோர்வழி யாகஅன்பு
காயம் விடாம லுன்ற னீடிய தாள்நினைந்து
     காணுதல் கூர்த வஞ்செய் யோகிக ளாய்விளங்க       அருள்வாயே
ஆரண சாரமந்த்ர வேதமெ லாம்விளங்க
     ஆதிரை யானைநின்று தாழ்வனெ னாவணங்கு
     மாதர வால்விளங்கு பூரண ஞானமிஞ்சு             முரவோனே
ஆர்கலி யூடெழுந்து மாலடி வாகிநின்ற
     சூரனை மாளவென்று வானுல காளுமண்ட
     ரானவர் கூரரந்தை தீரமு னாள்மகிழ்ந்த             முருகேசா
வாரண மூலமென்ற போதினி லாழிகொண்டு
     வாவியின் மாடிடங்கர் பாழ்பட வேயெறிந்த
     மாமுகில் போலிருண்ட மேனிய னாமுகுந்தன்      மருகோனே
வாலுக மீதுவண்ட லோடிய காலில்வந்து
     சூல்நிறை வானசங்கு மாமணி யீனவுந்து
     வாரிதி நீர்பரந்த சீரலை வாயுகந்த                     பெருமாளே.

- திருசெந்தூர்

பதம் பிரித்து உரை

பூரண வார கும்ப சீத படீர கொங்கை
மாதர் விகார வஞ்ச லீலையிலே உழன்று
போது அவமே இழந்து போனது மானம் என்பது அறியாத

*********
போது = பொழுதை அவமே = வீணாக இழந்து = இழந்து  போனது  மானம் என்பது = மானம் போய் விட்டது என்பதை (கூட) அறியாத = அறியாத.

பூரியனாகி நெஞ்சு காவல் படாத பஞ்ச
பாதகனாய் அறம் செய்யாதபடி ஓடி இறந்து
போனவர் வாழ்வு கண்டும் ஆசையிலே அழுந்து மயல் தீர

பூரியன் ஆகி = கீழ் மகனாகி நெஞ்சு = மனம்  காவல் படாத = கட்டுக்கு அடங்காத  பஞ்ச பாதகனாய் = ஐம்பெரும் பாதகங்களைச் செய்தவனாக அறம் செய்யாது = தருமமே செய்யாமல் அடியோடு இறந்து போனவர் = அடியோடு இறந்து போனவர்களுடைய வாழ்வு கண்டு = வாழ்வைப் பார்த்தும் ஆசையிலே அழுந்து = ஆசையில் அழுந்தும் மயல் தீர = (எனது) மயக்கம் ஒழியும்படி

காரண காரியங்கள் ஆனது எல்லாம் ஒழிந்து
யான் எனும் மேதை விண்டு பாவகமாய் இருந்து
கால் உடல் ஆடி அங்கி நாசியின் மீது இரண்டு விழி பாய

காரண காரியங்கள் ஆனது = காரணம், காரியம் ஆகிய  நிகழ்ச்சிகளில்                                                                                   எல்லாம் ஒழிந்து = எல்லாம் ஒழிந்து  யான் என்னும் மேதை = நான் என வரும் ஆணவம் விண்டு = நீங்கி பாவகமாய் இருந்து = தூயவனாக இருந்து கால் உடலூடு இயங்கி = பிராண வாயு உடலின் பல பாகங்களுக்கு ஓடி நாசியின் மீது = மூக்கின்   மேல் இரண்டு விழி பாய   =                                                       
 இரண்டு முனைகளும் பாய.

காயமும் நாவும் நெஞ்சும் ஓர் வழியாக அன்பு
காயம் விடாமல் உன்றன் நீடிய தாள் நினைந்து
காணுதல் கூர் தவம் செய் யோகிகளாய் விளங்க அருள்வாயே

காயமும் நாவும் நெஞ்சும்=காயம், வாக்கு, மனம் என்னும் மூன்றும். ஓர் வழியாக= ஒரு வழிப்பட அன்பு = அன்பை காயம் விடாமல் = உடலுள்ள அளவும் விடாமல் உன்றன் நீடிய தாள் நினைந்து = உனது அழிவற்ற திருவடிகளை நினைந்து காணுதல் = காட்சியைப் பெறுவதற்கு கூர் = மிக்க தவம் செய் = தவத்தைச் செய்கின்ற யோகிகளாய் விளங்க = யோகிகளாய் நான் விளங்கும்படி. அருள்வாயே = அருள் புரிவாயாக.

ஆரணசார மந்திர வேதம் எல்லாம் விளங்க
ஆதிரையானை நின்று தாழ்வன் எனா வணங்கும்
ஆதரவால் விளங்கு பூரண ஞானம் மிஞ்சு முரவோனே

ஆரண சார மந்திர = வேதாசாரமான மந்திரங்களும் வேதம் எல்லாம் விளங்க = வேதங்களில் அடங்கியுள்ள இரகசியங்களையெல்லாம் விளங்கும் படியாக. (தேவாரப் பாக்களால்) ஆதிரையானை =  திருவாதிரை நாளுக்கு உகந்தவனான  சிவபெருமானை நின்று தாழ்வன் எனா = எதிர் நின்று வணங்குவேன் என்று வணங்கும் = (உலகுக்குக் காட்டி) வணங்கும் ஆதரவால் = அன்பினால் விளங்கு = மேம்பட்ட  பூரண ஞானம் மிஞ்சு முரவோனே = பூரணமான ஞானம் மிக்க சம்பந்தப் பெருமானே.                               

ஆர்கலி ஊடு எழுந்து மா வடிவாகி நின்ற
சூரனை மாள வென்று வான் உலகு  ஆளும் அண்டரானவர்
கூர் அரந்தை தீர மு(ன்)னாள் மகிழ்ந்த முருகேசா

ஆர்கலி ஊடே = கடலின் நடுவில் எழுந்து = எழுந்து மா வடிவாகி = மா மர வடிவுடன் நின்ற சூரனை = நின்ற சூரனை மாள வென்று = அவன் இறக்கும்படி வென்று வான் உலகு ஆளும் = வானுலகை ஆளுகின்ற அண்டர் ஆனவர் = தேவர்களுக்கு  உண்டான)  கூர் அரந்தை = பெரிய துன்பம்  தீர = ஒழிய  முன்னாள் = முன்பொரு நாள்  மகிழ்ந்த = (உதவி செய்து)  களிப்புற்ற முருகேசா = ( முருக ஈசா) முருகேசனே.


வாரணம் மூலம் என்ற போதினில் ஆழி கொண்டு
வாவியின் மாடு இடங்கர் பாழ் படவே எறிந்த
மா முகில் போல் இருண்ட மேனியனாம் முகுந்தன் மருகோனே

வாரணம் = யானை (கஜேந்திரன்) மூலம் என்ற போதினில் = ஆதி மூலமே என்று அழைத்த போது ஆழி கொண்டு = சக்கராயுதத்தை எடுத்துக் கொண்டு வந்து வாவியின் மாடு = மடுவில் இருந்த இடங்கர் = முதலை  பாழ் படவே எறிந்த = பாழ் படும்படி எறிந்த  மா முகில் போல் = கரிய மேகம் போல  இருண்ட = இருண்ட  மேனியனாம் முகுந்தன் = திரு மேனியை உடைய திருமாலின மருகோனே = மருகனே.

வாலுகம் மீது வண்டல் ஓடிய காலில் வந்து
சூல் நிறைவான சங்கு மா மணி ஈன உந்து
வாரிதி நீர் பரந்த சீரலைவாய் உகந்த பெருமாளே.

வாலுகம் மீது = வெண் மணலின் மீது வண்டல் ஓடிய = வண்டல் ஓடிய  காலில் வந்து = வாய்க்கால் வழியாக வந்து  சூல் நிறைவான = கருப்பம் நிறைந்த  சங்கு = சங்குகள்  மா = சிறந்த  மணி = முத்து மணிகளை  ஈன உந்து = பெறும்படியாக (அலை) வீசுகின்ற  வாரிதி நீர் = கடல் நீர் பரந்த = பரந்துள்ள  சீரலைவாய் = திருச்சீரலைவாயில் (திருச் செந்தூரில்) மகிழ்ந்து வீற்றிருக்கும் பெருமாளே = பெருமாளே.

சுருக்க உரை

கச்சு அணிந்த, கும்பம் போன்ற கொங்கைகளை உடைய விலை மாதார்களின் ஆடல், பாடல்களில் அலைப்புண்டு, மானம் இழந்து, கீழ் மகனாகி, பெரிய பாதகங்களைச் செய்தனவனாகி, தருமம் செய்யாமல், அடியோடு இறந்து போனவர்களுடைய வாழ்வைக் கண்டும், காம ஆசையால் மூழ்கியுள்ள என் மயக்கம் தீரும்படி, செயலற்று, நான் என்னும் ஆணவம் நீங்க, தியானத்தில் நிலைத்து நின்று, மனம், வாக்கு, காயம் இவை மூன்றும் ஒரு வழிப்பட, உனது இரு திருவடிகளை நினைந்து, அக் காட்சியைப் பெறுவதற்கு தவம் செய்யும் யோகிகளைப்  போல நானும் விளங்கும்படி அருள் புரிவாயாக.

வேதக் கருத்துக்கள் யாவும் விளங்கும்படியாக, தேவாரப் பாக்களால், திருவாதிரை நாளை உகந்துள்ள சிவபெருமானை நான் வணங்குவேன் என்று உலகுக்குக் காட்டிய ஞானம் மிக்க ஞானசம்பந்தராகிய பெருமானே, கடலில் இருந்த மாமரமாகிய சூரனை வென்று, வானுலகைத் தேவர்கள் ஆளும்படி முன்பு அவர்களுக்கு உதவு செய்தவனே, மடுவில் முதலையால் பீடிக்கப்பட்ட யானை ஆதி மூலமே எனவும் உடனே வந்து உதவிய திருமாலின் மருகனே, வெண் மணலின் மீது வண்டல் ஓடிய வாய்க்கால் வழியாக வந்து, சங்குகள் முத்து மணிகளைப் பெறும்படியாக கடல் நீர் பரந்துள்ள திருச்செந்தூரில் வீற்றிருக்கும் பெருமாளே, நான் தவ யோகியாய் விளங்க அருள் புரிவாய்.

விளக்கக் குறிப்புகள்

அ. ஆதிரையானை நின்று தாழ்வன்...
     (ஆடனல் ஆதிரையன் ஆரூர் அமர்ந்தானே)...சம்பந்தர் தேவாரத் திருமுறை 1.105.1.
     சிவனே முருகனாதலால், முருகவேள் சம்பந்தாராய்ப் பாடியது உலகுக்கு எடுத்துக்
     காட்டு.  (நிருமலன் எனது உரை தனது உரை ஆக)...சம்பந்தர் தேவாரத் திருமுறை
      1,76.2.

ஞான சம்பந்த பெருமானாய் வந்த ஞான தேசிகனே, சூரனைக் கொன்று வானவர் துன்பத்தைத் துடைத்த முருகப் பெருமானே, கஜேந்திரவரதாகிய கருமுகில் வண்ணரது மருகனே, செந்தில் ஆண்டவனே, நான் என்கின்ற தற்போதத்தை விட்டு விழிநாசி வைத்து ஒரு வழிப்பட்டு சிவயோகியாக அடியேன் விளங்க திருவருள் கேட்டு பாடிய துதி
” tag:

பூரண வாரகும்ப சீதப டீரகொங்கை
     மாதர் விகாரவஞ்ச லீலையி லேயுழன்று
     போதவ மேயிழந்து போனது மானமென்ப           தறியாத
பூரிய னாகிநெஞ்சு காவல்ப டாதபஞ்சு
     பாதக னாயறஞ்செ யாதடி யோடிறந்து
     போனவர் வாழ்வுகண்டு மாசையி லேயழுந்து      மயல்தீரக்                          
காரண காரியங்க ளானதெ லாமொ ழிந்து
     யானெனு மேதைவிண்டு பாவக மாயிருந்து
     காலுட லூடியங்கி நாசியின் மீதிரண்டு             விழிபாயக்
காயமு நாவுநெஞ்சு மோர்வழி யாகஅன்பு
காயம் விடாம லுன்ற னீடிய தாள்நினைந்து
     காணுதல் கூர்த வஞ்செய் யோகிக ளாய்விளங்க       அருள்வாயே
ஆரண சாரமந்த்ர வேதமெ லாம்விளங்க
     ஆதிரை யானைநின்று தாழ்வனெ னாவணங்கு
     மாதர வால்விளங்கு பூரண ஞானமிஞ்சு             முரவோனே
ஆர்கலி யூடெழுந்து மாலடி வாகிநின்ற
     சூரனை மாளவென்று வானுல காளுமண்ட
     ரானவர் கூரரந்தை தீரமு னாள்மகிழ்ந்த             முருகேசா
வாரண மூலமென்ற போதினி லாழிகொண்டு
     வாவியின் மாடிடங்கர் பாழ்பட வேயெறிந்த
     மாமுகில் போலிருண்ட மேனிய னாமுகுந்தன்      மருகோனே
வாலுக மீதுவண்ட லோடிய காலில்வந்து
     சூல்நிறை வானசங்கு மாமணி யீனவுந்து
     வாரிதி நீர்பரந்த சீரலை வாயுகந்த                     பெருமாளே.

- திருசெந்தூர்

பதம் பிரித்து உரை

பூரண வார கும்ப சீத படீர கொங்கை
மாதர் விகார வஞ்ச லீலையிலே உழன்று
போது அவமே இழந்து போனது மானம் என்பது அறியாத

*********
போது = பொழுதை அவமே = வீணாக இழந்து = இழந்து  போனது  மானம் என்பது = மானம் போய் விட்டது என்பதை (கூட) அறியாத = அறியாத.

பூரியனாகி நெஞ்சு காவல் படாத பஞ்ச
பாதகனாய் அறம் செய்யாதபடி ஓடி இறந்து
போனவர் வாழ்வு கண்டும் ஆசையிலே அழுந்து மயல் தீர

பூரியன் ஆகி = கீழ் மகனாகி நெஞ்சு = மனம்  காவல் படாத = கட்டுக்கு அடங்காத  பஞ்ச பாதகனாய் = ஐம்பெரும் பாதகங்களைச் செய்தவனாக அறம் செய்யாது = தருமமே செய்யாமல் அடியோடு இறந்து போனவர் = அடியோடு இறந்து போனவர்களுடைய வாழ்வு கண்டு = வாழ்வைப் பார்த்தும் ஆசையிலே அழுந்து = ஆசையில் அழுந்தும் மயல் தீர = (எனது) மயக்கம் ஒழியும்படி

காரண காரியங்கள் ஆனது எல்லாம் ஒழிந்து
யான் எனும் மேதை விண்டு பாவகமாய் இருந்து
கால் உடல் ஆடி அங்கி நாசியின் மீது இரண்டு விழி பாய

காரண காரியங்கள் ஆனது = காரணம், காரியம் ஆகிய  நிகழ்ச்சிகளில்                                                                                   எல்லாம் ஒழிந்து = எல்லாம் ஒழிந்து  யான் என்னும் மேதை = நான் என வரும் ஆணவம் விண்டு = நீங்கி பாவகமாய் இருந்து = தூயவனாக இருந்து கால் உடலூடு இயங்கி = பிராண வாயு உடலின் பல பாகங்களுக்கு ஓடி நாசியின் மீது = மூக்கின்   மேல் இரண்டு விழி பாய   =                                                       
 இரண்டு முனைகளும் பாய.

காயமும் நாவும் நெஞ்சும் ஓர் வழியாக அன்பு
காயம் விடாமல் உன்றன் நீடிய தாள் நினைந்து
காணுதல் கூர் தவம் செய் யோகிகளாய் விளங்க அருள்வாயே

காயமும் நாவும் நெஞ்சும்=காயம், வாக்கு, மனம் என்னும் மூன்றும். ஓர் வழியாக= ஒரு வழிப்பட அன்பு = அன்பை காயம் விடாமல் = உடலுள்ள அளவும் விடாமல் உன்றன் நீடிய தாள் நினைந்து = உனது அழிவற்ற திருவடிகளை நினைந்து காணுதல் = காட்சியைப் பெறுவதற்கு கூர் = மிக்க தவம் செய் = தவத்தைச் செய்கின்ற யோகிகளாய் விளங்க = யோகிகளாய் நான் விளங்கும்படி. அருள்வாயே = அருள் புரிவாயாக.

ஆரணசார மந்திர வேதம் எல்லாம் விளங்க
ஆதிரையானை நின்று தாழ்வன் எனா வணங்கும்
ஆதரவால் விளங்கு பூரண ஞானம் மிஞ்சு முரவோனே

ஆரண சார மந்திர = வேதாசாரமான மந்திரங்களும் வேதம் எல்லாம் விளங்க = வேதங்களில் அடங்கியுள்ள இரகசியங்களையெல்லாம் விளங்கும் படியாக. (தேவாரப் பாக்களால்) ஆதிரையானை =  திருவாதிரை நாளுக்கு உகந்தவனான  சிவபெருமானை நின்று தாழ்வன் எனா = எதிர் நின்று வணங்குவேன் என்று வணங்கும் = (உலகுக்குக் காட்டி) வணங்கும் ஆதரவால் = அன்பினால் விளங்கு = மேம்பட்ட  பூரண ஞானம் மிஞ்சு முரவோனே = பூரணமான ஞானம் மிக்க சம்பந்தப் பெருமானே.                               

ஆர்கலி ஊடு எழுந்து மா வடிவாகி நின்ற
சூரனை மாள வென்று வான் உலகு  ஆளும் அண்டரானவர்
கூர் அரந்தை தீர மு(ன்)னாள் மகிழ்ந்த முருகேசா

ஆர்கலி ஊடே = கடலின் நடுவில் எழுந்து = எழுந்து மா வடிவாகி = மா மர வடிவுடன் நின்ற சூரனை = நின்ற சூரனை மாள வென்று = அவன் இறக்கும்படி வென்று வான் உலகு ஆளும் = வானுலகை ஆளுகின்ற அண்டர் ஆனவர் = தேவர்களுக்கு  உண்டான)  கூர் அரந்தை = பெரிய துன்பம்  தீர = ஒழிய  முன்னாள் = முன்பொரு நாள்  மகிழ்ந்த = (உதவி செய்து)  களிப்புற்ற முருகேசா = ( முருக ஈசா) முருகேசனே.


வாரணம் மூலம் என்ற போதினில் ஆழி கொண்டு
வாவியின் மாடு இடங்கர் பாழ் படவே எறிந்த
மா முகில் போல் இருண்ட மேனியனாம் முகுந்தன் மருகோனே

வாரணம் = யானை (கஜேந்திரன்) மூலம் என்ற போதினில் = ஆதி மூலமே என்று அழைத்த போது ஆழி கொண்டு = சக்கராயுதத்தை எடுத்துக் கொண்டு வந்து வாவியின் மாடு = மடுவில் இருந்த இடங்கர் = முதலை  பாழ் படவே எறிந்த = பாழ் படும்படி எறிந்த  மா முகில் போல் = கரிய மேகம் போல  இருண்ட = இருண்ட  மேனியனாம் முகுந்தன் = திரு மேனியை உடைய திருமாலின மருகோனே = மருகனே.

வாலுகம் மீது வண்டல் ஓடிய காலில் வந்து
சூல் நிறைவான சங்கு மா மணி ஈன உந்து
வாரிதி நீர் பரந்த சீரலைவாய் உகந்த பெருமாளே.

வாலுகம் மீது = வெண் மணலின் மீது வண்டல் ஓடிய = வண்டல் ஓடிய  காலில் வந்து = வாய்க்கால் வழியாக வந்து  சூல் நிறைவான = கருப்பம் நிறைந்த  சங்கு = சங்குகள்  மா = சிறந்த  மணி = முத்து மணிகளை  ஈன உந்து = பெறும்படியாக (அலை) வீசுகின்ற  வாரிதி நீர் = கடல் நீர் பரந்த = பரந்துள்ள  சீரலைவாய் = திருச்சீரலைவாயில் (திருச் செந்தூரில்) மகிழ்ந்து வீற்றிருக்கும் பெருமாளே = பெருமாளே.

சுருக்க உரை

கச்சு அணிந்த, கும்பம் போன்ற கொங்கைகளை உடைய விலை மாதார்களின் ஆடல், பாடல்களில் அலைப்புண்டு, மானம் இழந்து, கீழ் மகனாகி, பெரிய பாதகங்களைச் செய்தனவனாகி, தருமம் செய்யாமல், அடியோடு இறந்து போனவர்களுடைய வாழ்வைக் கண்டும், காம ஆசையால் மூழ்கியுள்ள என் மயக்கம் தீரும்படி, செயலற்று, நான் என்னும் ஆணவம் நீங்க, தியானத்தில் நிலைத்து நின்று, மனம், வாக்கு, காயம் இவை மூன்றும் ஒரு வழிப்பட, உனது இரு திருவடிகளை நினைந்து, அக் காட்சியைப் பெறுவதற்கு தவம் செய்யும் யோகிகளைப்  போல நானும் விளங்கும்படி அருள் புரிவாயாக.

வேதக் கருத்துக்கள் யாவும் விளங்கும்படியாக, தேவாரப் பாக்களால், திருவாதிரை நாளை உகந்துள்ள சிவபெருமானை நான் வணங்குவேன் என்று உலகுக்குக் காட்டிய ஞானம் மிக்க ஞானசம்பந்தராகிய பெருமானே, கடலில் இருந்த மாமரமாகிய சூரனை வென்று, வானுலகைத் தேவர்கள் ஆளும்படி முன்பு அவர்களுக்கு உதவு செய்தவனே, மடுவில் முதலையால் பீடிக்கப்பட்ட யானை ஆதி மூலமே எனவும் உடனே வந்து உதவிய திருமாலின் மருகனே, வெண் மணலின் மீது வண்டல் ஓடிய வாய்க்கால் வழியாக வந்து, சங்குகள் முத்து மணிகளைப் பெறும்படியாக கடல் நீர் பரந்துள்ள திருச்செந்தூரில் வீற்றிருக்கும் பெருமாளே, நான் தவ யோகியாய் விளங்க அருள் புரிவாய்.

விளக்கக் குறிப்புகள்

அ. ஆதிரையானை நின்று தாழ்வன்...
     (ஆடனல் ஆதிரையன் ஆரூர் அமர்ந்தானே)...சம்பந்தர் தேவாரத் திருமுறை 1.105.1.
     சிவனே முருகனாதலால், முருகவேள் சம்பந்தாராய்ப் பாடியது உலகுக்கு எடுத்துக்
     காட்டு.  (நிருமலன் எனது உரை தனது உரை ஆக)...சம்பந்தர் தேவாரத் திருமுறை
      1,76.2.

ஞான சம்பந்த பெருமானாய் வந்த ஞான தேசிகனே, சூரனைக் கொன்று வானவர் துன்பத்தைத் துடைத்த முருகப் பெருமானே, கஜேந்திரவரதாகிய கருமுகில் வண்ணரது மருகனே, செந்தில் ஆண்டவனே, நான் என்கின்ற தற்போதத்தை விட்டு விழிநாசி வைத்து ஒரு வழிப்பட்டு சிவயோகியாக அடியேன் விளங்க திருவருள் கேட்டு பாடிய துதி