191.குடிவாழ்க்கை

“

191 குடிவாழ்க்கை

தனதாத்த தய்ய தனதாத்த தய்ய

                      தனதாத்த தய்ய                       தனதான

வள்ளி நாயகனே மரணமடையுமுன்

உன் சரணமடைய அருள் புரிவாய்

        

குடிவாழ்க்கை யன்னை மனையாட்டி பிள்ளை

             குயில்போற்ப்ர சன்ன                   மொழியார்கள்

      குலம்வாய்த்த நல்ல தனம்வாய்த்த தென்ன

             குருவார்த்தை தன்னை                        யுணராதே

      இடநாட்கல் வெய்ய நமனீட்டி தொய்ய

             இடர்கூட்ட இன்னல்                      கொடுபோகி

      இடுகாட்டி லென்னை எரியூட்டு முன்னு

             னிருதாட்கள் தம்மை                     யுணர்வேனோ

      வடநாட்டில் வெள்ளி மலைகாத்து புள்ளி

             மயில்மேற்றி கழ்ந்த                            குமரேசா

      வடிவாட்டி வள்ளி அடிபோற்றி வள்ளி

             மலைகாத்த நல்ல                             மணவாளா

      அடிநாட்கள் செய்த பிழைநீக்கி யென்னை

            யருள்போற்றும் வண்மை               தரும்வாழ்வே

      அடிபோற்றி யல்லி முடிசூட்ட வல்ல

            அடியார்க்கு நல்ல                            பெருமாளே

-    191வள்ளி மலை

பதம் பிரித்தல்

குடி வாழ்க்கை அன்னை மனையாட்டி பிள்ளை

குயில் போல் ப்ரசன்ன மொழியார்கள்

குடி வாழ்க்கை = இல்லற வாழக்கையில் ஏற்பட்ட அன்னை = தாய் மனையாட்டி = மனைவி பிள்ளை = பிள்ளை குயில் போல் = குயிலைப் போல ப்ரசன்ன மொழியார்கள் = பேசி எதிர்ப்படும் பெண்கள்.

குலம் வாய்த்த நல்ல தனம் வாய்த்தது என்ன

குரு வார்த்தை தன்னை உணராதே

குலம் வாய்த்த = (மேன்மையான) குலம் கிடைத்துள்ள. நல்ல தனம் வாய்த்தது = நல்ல செல்வம் (இவை எல்லாம் நமக்குக் கிடைத்து உள்ளது) என்ன = என்று (ஆணவம் கொண்டு) குரு வார்த்தை தன்னை = குருவின் உபதேச மொழிகளை உணராதே = உணர்ந்து அறியாமல்.

இட நாட்கள் வெய்ய நமன் நீட்டி தொய்ய

இடர் கூட்ட இன்னல் கொடு போகி

இட நாட்கள் = நாட்களைக் கழிக்க வெய்ய = கொடு மையான நமன் நீட்டி = நமன் நெருங்கி தொய்ய = சோர்ந்து போகும்படி இடர் கூட்ட = துன்பத்தைத் தர இன்னல் கொடு போகி = துயரத்துடன் கொண்டு போய்

இடு காட்டில் என்னை எரி ஊட்டும் முன் உன்

இரு தாட்கள் தம்மை உணர்வேனோ

இடு காட்டில் என்னை = சுடு காட்டில் என் உடலை எரி ஊட்டு முன் = எரிப்பதற்கு முன்னர் உன் இரு தாட்கள் தம்மை = உன்னுடைய இரண்டு திருவடிகளை உணர்வேனோ = உணர்ந்து அறிய மாட்டேனோ?

வட நாட்டில் வெள்ளி மலை காத்து புள்ளி

மயில் மேல் திகழ்ந்த குமரேசா

வட நாட்டில் = வடக்கே உள்ள வெள்ளி மலை காத்து = வெள்ளி மலையாகிய கயிலாயத்தைக் காத்து புள்ளி மயில் மேல் = புள்ளி மயிலின் மீது

திகழ் குமரேசா = விளங்கும் குமரேசனே.

வடிவாட்டி வள்ளி அடி போற்றி வள்ளி

மலை காத்த நல்ல மணவாளா

வடிவாட்டி = அழகு நிறைந்த வள்ளி அடி போற்றி = வள்ளியின் திருவடியைத் துதித்து வள்ளி மலை காத்த = வள்ளி மலையில் வேளைக்காரனாகக் காத்து நின்ற நல்ல மணவாளா = நல்ல கணவனே.

அடி நாட்கள் செய்த பிழை நீக்கி என்னை

அருள் போற்றும் வண்மை தரும் வாழ்வே

அடி நாட்கள் = முன் நாட்களில் செய்த = (நான்) செய்த பிழை நீக்கி = பிழைகளைப் பொறுத்து என்னை அருள் போற்றும் = எனக்கு உனது திருவருளைப் போற்றும் வண்மை = வளப்பமான குணத்தை தரும் வாழ்வே =

தருகின்ற செல்வமே

அடி போற்றி அல்லி முடி சூட்ட வல்ல

அடியார்க்கு நல்ல பெருமாளே.

அடி போற்றி = உனது திருவடியைப் போற்றி அல்லி = தாமரை மலரை முடி சூட்டி = உனது தலையில் சூட்ட வல்ல அடியார்க்கு நல்ல பெருமாளே = அடியவர்களுக்கு நல்ல பெருமாளே.

சுருக்க உரை

இல்லற வாழ்க்கையில் ஏற்பட்ட தாய், மனைவி, பிள்ளை, பெண்கள் முதலியவைகளும் பெருஞ் செல்வமும் தமக்கு உள்ளன என்று ஆணவம் கொண்டு, குருவின் உபதேசங்களை உணராமல், காலத்தைக் கழித்து, கடைசியாக நமன் நெருங்கித் துன்பம் தர, சுடுகாட்டில உடலைக் கொண்டு போய் எரிக்கும் போது, உன் இரு திருவடிகளை உணர மாட்டேனோ?

கயிலாய மலையைக் காத்து மயில் மேல் திகழும் குமரேசா,

வள்ளி மலையில் வள்ளி நாயகியைப் போற்றித் துதித்த நல்ல

மணவாளனே, முன் நான் செய்த பிழைகளைப் பொறுத்து, உனது

திருவடியைப் போற்றும் வண்மையை எனக்கு அருள் செய்த செல்வமே, உன் அடிகளில் மலர்களைச் சூட்ட வல்ல அடியார்களுக்கு நல்ல பெருமாளே, உன் தாள்களை நான் உணர்வேனோ?

ஒப்புக:

 அடியார்க்கு நல்ல பெருமாளே

கண் உளார் கருவூருள் ஆன்நிலை 

அண்ணலார் அடியார்க்கு நல்லரே .                                           .   . சம்பந்தர் தேவாரம்

அடியாரக்கு நல்ல பெருமாள் அவுணர் குலமடங்க..                             .கந்தர் அலங்காரம்

விளக்கக் குறிப்புகள்

வடநாட்டில் வெள்ளி மலை காத்து:-

வடநாட்டில் உள்ள வெள்ளி மலையான திருக்கயிலாயத்தில், கோபுர வாசலில் முருகன் இருந்து காத்தல் செய்கின்றார்.

      

” tag:

191 குடிவாழ்க்கை

தனதாத்த தய்ய தனதாத்த தய்ய

                      தனதாத்த தய்ய                       தனதான

வள்ளி நாயகனே மரணமடையுமுன்

உன் சரணமடைய அருள் புரிவாய்

        

குடிவாழ்க்கை யன்னை மனையாட்டி பிள்ளை

             குயில்போற்ப்ர சன்ன                   மொழியார்கள்

      குலம்வாய்த்த நல்ல தனம்வாய்த்த தென்ன

             குருவார்த்தை தன்னை                        யுணராதே

      இடநாட்கல் வெய்ய நமனீட்டி தொய்ய

             இடர்கூட்ட இன்னல்                      கொடுபோகி

      இடுகாட்டி லென்னை எரியூட்டு முன்னு

             னிருதாட்கள் தம்மை                     யுணர்வேனோ

      வடநாட்டில் வெள்ளி மலைகாத்து புள்ளி

             மயில்மேற்றி கழ்ந்த                            குமரேசா

      வடிவாட்டி வள்ளி அடிபோற்றி வள்ளி

             மலைகாத்த நல்ல                             மணவாளா

      அடிநாட்கள் செய்த பிழைநீக்கி யென்னை

            யருள்போற்றும் வண்மை               தரும்வாழ்வே

      அடிபோற்றி யல்லி முடிசூட்ட வல்ல

            அடியார்க்கு நல்ல                            பெருமாளே

-    191வள்ளி மலை

பதம் பிரித்தல்

குடி வாழ்க்கை அன்னை மனையாட்டி பிள்ளை

குயில் போல் ப்ரசன்ன மொழியார்கள்

குடி வாழ்க்கை = இல்லற வாழக்கையில் ஏற்பட்ட அன்னை = தாய் மனையாட்டி = மனைவி பிள்ளை = பிள்ளை குயில் போல் = குயிலைப் போல ப்ரசன்ன மொழியார்கள் = பேசி எதிர்ப்படும் பெண்கள்.

குலம் வாய்த்த நல்ல தனம் வாய்த்தது என்ன

குரு வார்த்தை தன்னை உணராதே

குலம் வாய்த்த = (மேன்மையான) குலம் கிடைத்துள்ள. நல்ல தனம் வாய்த்தது = நல்ல செல்வம் (இவை எல்லாம் நமக்குக் கிடைத்து உள்ளது) என்ன = என்று (ஆணவம் கொண்டு) குரு வார்த்தை தன்னை = குருவின் உபதேச மொழிகளை உணராதே = உணர்ந்து அறியாமல்.

இட நாட்கள் வெய்ய நமன் நீட்டி தொய்ய

இடர் கூட்ட இன்னல் கொடு போகி

இட நாட்கள் = நாட்களைக் கழிக்க வெய்ய = கொடு மையான நமன் நீட்டி = நமன் நெருங்கி தொய்ய = சோர்ந்து போகும்படி இடர் கூட்ட = துன்பத்தைத் தர இன்னல் கொடு போகி = துயரத்துடன் கொண்டு போய்

இடு காட்டில் என்னை எரி ஊட்டும் முன் உன்

இரு தாட்கள் தம்மை உணர்வேனோ

இடு காட்டில் என்னை = சுடு காட்டில் என் உடலை எரி ஊட்டு முன் = எரிப்பதற்கு முன்னர் உன் இரு தாட்கள் தம்மை = உன்னுடைய இரண்டு திருவடிகளை உணர்வேனோ = உணர்ந்து அறிய மாட்டேனோ?

வட நாட்டில் வெள்ளி மலை காத்து புள்ளி

மயில் மேல் திகழ்ந்த குமரேசா

வட நாட்டில் = வடக்கே உள்ள வெள்ளி மலை காத்து = வெள்ளி மலையாகிய கயிலாயத்தைக் காத்து புள்ளி மயில் மேல் = புள்ளி மயிலின் மீது

திகழ் குமரேசா = விளங்கும் குமரேசனே.

வடிவாட்டி வள்ளி அடி போற்றி வள்ளி

மலை காத்த நல்ல மணவாளா

வடிவாட்டி = அழகு நிறைந்த வள்ளி அடி போற்றி = வள்ளியின் திருவடியைத் துதித்து வள்ளி மலை காத்த = வள்ளி மலையில் வேளைக்காரனாகக் காத்து நின்ற நல்ல மணவாளா = நல்ல கணவனே.

அடி நாட்கள் செய்த பிழை நீக்கி என்னை

அருள் போற்றும் வண்மை தரும் வாழ்வே

அடி நாட்கள் = முன் நாட்களில் செய்த = (நான்) செய்த பிழை நீக்கி = பிழைகளைப் பொறுத்து என்னை அருள் போற்றும் = எனக்கு உனது திருவருளைப் போற்றும் வண்மை = வளப்பமான குணத்தை தரும் வாழ்வே =

தருகின்ற செல்வமே

அடி போற்றி அல்லி முடி சூட்ட வல்ல

அடியார்க்கு நல்ல பெருமாளே.

அடி போற்றி = உனது திருவடியைப் போற்றி அல்லி = தாமரை மலரை முடி சூட்டி = உனது தலையில் சூட்ட வல்ல அடியார்க்கு நல்ல பெருமாளே = அடியவர்களுக்கு நல்ல பெருமாளே.

சுருக்க உரை

இல்லற வாழ்க்கையில் ஏற்பட்ட தாய், மனைவி, பிள்ளை, பெண்கள் முதலியவைகளும் பெருஞ் செல்வமும் தமக்கு உள்ளன என்று ஆணவம் கொண்டு, குருவின் உபதேசங்களை உணராமல், காலத்தைக் கழித்து, கடைசியாக நமன் நெருங்கித் துன்பம் தர, சுடுகாட்டில உடலைக் கொண்டு போய் எரிக்கும் போது, உன் இரு திருவடிகளை உணர மாட்டேனோ?

கயிலாய மலையைக் காத்து மயில் மேல் திகழும் குமரேசா,

வள்ளி மலையில் வள்ளி நாயகியைப் போற்றித் துதித்த நல்ல

மணவாளனே, முன் நான் செய்த பிழைகளைப் பொறுத்து, உனது

திருவடியைப் போற்றும் வண்மையை எனக்கு அருள் செய்த செல்வமே, உன் அடிகளில் மலர்களைச் சூட்ட வல்ல அடியார்களுக்கு நல்ல பெருமாளே, உன் தாள்களை நான் உணர்வேனோ?

ஒப்புக:

 அடியார்க்கு நல்ல பெருமாளே

கண் உளார் கருவூருள் ஆன்நிலை 

அண்ணலார் அடியார்க்கு நல்லரே .                                           .   . சம்பந்தர் தேவாரம்

அடியாரக்கு நல்ல பெருமாள் அவுணர் குலமடங்க..                             .கந்தர் அலங்காரம்

விளக்கக் குறிப்புகள்

வடநாட்டில் வெள்ளி மலை காத்து:-

வடநாட்டில் உள்ள வெள்ளி மலையான திருக்கயிலாயத்தில், கோபுர வாசலில் முருகன் இருந்து காத்தல் செய்கின்றார்.

      

188 அல்லிவிழியால்

“

188

188 அல்லிவிழியால்

திருவடியை அருளுக

                   

                   தய்யதன தான தய்யதன தான

                     தய்யதன தான                தனதான

      அல்லிவழி யாலு முல்லைநகை யாலு

         மல்லல்பட ஆசைக்                           கடலீயும்

      அள்ளவினி தாகி நள்ளிரவு போலு

         முள்ளவினை யாரத்                          தனமாரும்

      இல்லுமிளை யோரு மெல்ல அயலாக

         வல்லெருமை மாயச்                         சமனாரும்

      எள்ளியென தாவி கொள்ளைகொளு நாளில்

         உய்யவொரு நீபொற்                     கழல்தாராய்

      தொல்லைமறை தேடி யில்லையெனு நாதர்

         சொல்லுமுப தேசக்                            குருநாதா

      துள்ளிவிளை யாடு புள்ளியுழை நாண

         வெள்ளீவன மீதுற்                      றுறைவோனே

      வல்லசுரர் மாள நல்லசுரர் வாழ

         வல்லைவடி வேலைத்                  தொடுவோனே

      வள்ளிபடர் சாரல் வள்ளிமலை மேவு

         வள்ளிமண வாளப்                        பெருமாளே.

-188 வள்ளிமலை

பதம் பிரித்தல்

***********

இல்லும் இளையோரும் மெல்ல அயலாக

வல் எருமை மாய சமனாரும்

***********

இல்லும் = மனைவியும். இளையோரும் = (தனக்கு வயதில்) இளையவர்களும். மெல்ல அயலாக = மெதுவாக வேறாகும் படி. வல் எறுமை மாயச் சமனாரும் = வலிய எறுமை மீது வரும் மாயம் வல்ல நமனும்.

எள்ளி எனது ஆவி கொள்ளை கொளு நாளில்

உய்ய ஒரு நீ பொன் கழல் தாராய்

எள்ளி எனது ஆவி = இகழ்ந்து என் உயிரை. கொள்ளை கொளு நாளில் = கொள்ளை அடித்துக் கொண்டு போகும் அந்த நாளில் உய்ய (நான்) உய்யுமாறு  நீ ஒரு பொன் கழல் தாராய் = நீ  ஒப்பற்ற (உனது) திருவடியைத் தாராய்.

தொல்லை மறை தேடி இல்லை எனு நாதர்

சொல்லும் உபதேச குருநாதா

தொல்லை மறை தேடி = பழைய வேதங்கள் தேடி  இல்லை எனு நாதர் =  காணுதற்கில்லை என்ற சிவபெருமான் சொல்லும் = (உன்னிடம் கற்றுச்) சொல்லும் உபதேசக் குரு நாதா = உபதேசத்தைச் செய்த குரு நாதனே.

துள்ளி விளையாடும் புள்ளி உழை நாண

எள்ளி வனம் மீது உற்று உறைவோனே

துள்ளி விளையாடும் = துள்ளி விளையாடுகின்ற புள்ளி உழை நாண = புள்ளி மானும் வெட்கப்படும் படி எள்ளி = இகழ்ந்தவளாகிய வள்ளி (வாழ்ந்திருந்த)  வனம் மீது உற்று உறைவோனே = வள்ளி மலைக் காட்டில் நின்று தங்கியவனே.

வல் அசுரர் மாள நல்ல சுரர் வாழ

வல்லை வடிவேலை தொடுவோனே

வல் அசுரர் மாள = வலிமை வாய்ந்த அசுரர்கள் இறக்கவும் நல்ல சுரர் வாழ = நல்ல தேவர்கள் வாழவும் வல்லை = விரைவில் வடி வேலைத் தொடுவோனே = கூரிய வேலாயுதத்தைச் செலுத்தியவனே.

வள்ளி படர் சாரல் வள்ளி மலை மேவு

வள்ளி மணவாள பெருமாளே.

வள்ளி படர் சாரலில் = வள்ளிக் கொடி படர்ந்திருந்த மலைப் பக்கம் கொண்ட வள்ளி மலை மேவும் = வள்ளி மலையில் வீற்றிருக்கும் வள்ளி மணவாளப் பெருமாளே = வள்ளியின் மணாளனாகிய பெருமாளே.

சுருக்க உரை

****** மனைவியும், மக்களும், வேறாக நிற்க, நமன் எருமை மீது  என் உயிரைக் கொள்ளை கொண்டு  போக வந்த அந்நாளில் நான் உய்யுமாறு உனது திருவடியைத் தந்து அருளுக.

வேதங்களும் தேடிக் காண ஒண்ணாத சிவபெருமானுக்குப் பிரணவத்தின் பொருளை உபதேசித்தவனே. புள்ளி மானும் வெட்கப்டும்படி இகழ்ந்தவளாகிய வள்ளி வாழ்ந்த வள்ளி மலை காட்டில் நின்று தங்கியவனே. வலிய அசுரர் மாளவும், நல்ல அமரர் வாழவும் கூரிய வேலைச் செலுத்தியவரே. வள்ளி மலையில்

வீற்றிருக்கும் வள்ளி மணவாளப் பெருமாளே. நான் உய்ய உன் திருவடியைத் தந்து அருளுக.

  

விளக்கக் குறிப்புகள்

1. அல்லி விழியாலும்.....

நல்லை நெஞ்சே.....

அல்லி மாதர் புல்க நின்ற

ஆயிரத் தோளனிடம் ----                            பெரிய திருமொழி.

2. மாயச் சமனாரும்....

         அண்டிப் பயமுற வென்றிச் சமன்வரும்

அன்றைக் கடியிணை தரவேணும்     திருப்புகழ், வஞ்சித்துடனொரு

3. தொல்லை மறை தேடி இல்லை எனு நாதர்.....

   வேதங்கள் ஐயா என ஓங்கி ஆழ்ந்தகன்ற நுண்ணியனே

                                               ................. மாணிக்கவாசகர்,திருவாசகம்.    

4. எள்ளி வன மீதுற்று உறைவோனே...

    வெங்காடும் புனமும் கமழும் கழலே ---                                   கந்தர் அனுபூதி.

    தினையோ டிதணோடு திரிந்தவனே) ---                                     கந்தர் அனுபூதி

” tag:

188

188 அல்லிவிழியால்

திருவடியை அருளுக

                   

                   தய்யதன தான தய்யதன தான

                     தய்யதன தான                தனதான

      அல்லிவழி யாலு முல்லைநகை யாலு

         மல்லல்பட ஆசைக்                           கடலீயும்

      அள்ளவினி தாகி நள்ளிரவு போலு

         முள்ளவினை யாரத்                          தனமாரும்

      இல்லுமிளை யோரு மெல்ல அயலாக

         வல்லெருமை மாயச்                         சமனாரும்

      எள்ளியென தாவி கொள்ளைகொளு நாளில்

         உய்யவொரு நீபொற்                     கழல்தாராய்

      தொல்லைமறை தேடி யில்லையெனு நாதர்

         சொல்லுமுப தேசக்                            குருநாதா

      துள்ளிவிளை யாடு புள்ளியுழை நாண

         வெள்ளீவன மீதுற்                      றுறைவோனே

      வல்லசுரர் மாள நல்லசுரர் வாழ

         வல்லைவடி வேலைத்                  தொடுவோனே

      வள்ளிபடர் சாரல் வள்ளிமலை மேவு

         வள்ளிமண வாளப்                        பெருமாளே.

-188 வள்ளிமலை

பதம் பிரித்தல்

***********

இல்லும் இளையோரும் மெல்ல அயலாக

வல் எருமை மாய சமனாரும்

***********

இல்லும் = மனைவியும். இளையோரும் = (தனக்கு வயதில்) இளையவர்களும். மெல்ல அயலாக = மெதுவாக வேறாகும் படி. வல் எறுமை மாயச் சமனாரும் = வலிய எறுமை மீது வரும் மாயம் வல்ல நமனும்.

எள்ளி எனது ஆவி கொள்ளை கொளு நாளில்

உய்ய ஒரு நீ பொன் கழல் தாராய்

எள்ளி எனது ஆவி = இகழ்ந்து என் உயிரை. கொள்ளை கொளு நாளில் = கொள்ளை அடித்துக் கொண்டு போகும் அந்த நாளில் உய்ய (நான்) உய்யுமாறு  நீ ஒரு பொன் கழல் தாராய் = நீ  ஒப்பற்ற (உனது) திருவடியைத் தாராய்.

தொல்லை மறை தேடி இல்லை எனு நாதர்

சொல்லும் உபதேச குருநாதா

தொல்லை மறை தேடி = பழைய வேதங்கள் தேடி  இல்லை எனு நாதர் =  காணுதற்கில்லை என்ற சிவபெருமான் சொல்லும் = (உன்னிடம் கற்றுச்) சொல்லும் உபதேசக் குரு நாதா = உபதேசத்தைச் செய்த குரு நாதனே.

துள்ளி விளையாடும் புள்ளி உழை நாண

எள்ளி வனம் மீது உற்று உறைவோனே

துள்ளி விளையாடும் = துள்ளி விளையாடுகின்ற புள்ளி உழை நாண = புள்ளி மானும் வெட்கப்படும் படி எள்ளி = இகழ்ந்தவளாகிய வள்ளி (வாழ்ந்திருந்த)  வனம் மீது உற்று உறைவோனே = வள்ளி மலைக் காட்டில் நின்று தங்கியவனே.

வல் அசுரர் மாள நல்ல சுரர் வாழ

வல்லை வடிவேலை தொடுவோனே

வல் அசுரர் மாள = வலிமை வாய்ந்த அசுரர்கள் இறக்கவும் நல்ல சுரர் வாழ = நல்ல தேவர்கள் வாழவும் வல்லை = விரைவில் வடி வேலைத் தொடுவோனே = கூரிய வேலாயுதத்தைச் செலுத்தியவனே.

வள்ளி படர் சாரல் வள்ளி மலை மேவு

வள்ளி மணவாள பெருமாளே.

வள்ளி படர் சாரலில் = வள்ளிக் கொடி படர்ந்திருந்த மலைப் பக்கம் கொண்ட வள்ளி மலை மேவும் = வள்ளி மலையில் வீற்றிருக்கும் வள்ளி மணவாளப் பெருமாளே = வள்ளியின் மணாளனாகிய பெருமாளே.

சுருக்க உரை

****** மனைவியும், மக்களும், வேறாக நிற்க, நமன் எருமை மீது  என் உயிரைக் கொள்ளை கொண்டு  போக வந்த அந்நாளில் நான் உய்யுமாறு உனது திருவடியைத் தந்து அருளுக.

வேதங்களும் தேடிக் காண ஒண்ணாத சிவபெருமானுக்குப் பிரணவத்தின் பொருளை உபதேசித்தவனே. புள்ளி மானும் வெட்கப்டும்படி இகழ்ந்தவளாகிய வள்ளி வாழ்ந்த வள்ளி மலை காட்டில் நின்று தங்கியவனே. வலிய அசுரர் மாளவும், நல்ல அமரர் வாழவும் கூரிய வேலைச் செலுத்தியவரே. வள்ளி மலையில்

வீற்றிருக்கும் வள்ளி மணவாளப் பெருமாளே. நான் உய்ய உன் திருவடியைத் தந்து அருளுக.

  

விளக்கக் குறிப்புகள்

1. அல்லி விழியாலும்.....

நல்லை நெஞ்சே.....

அல்லி மாதர் புல்க நின்ற

ஆயிரத் தோளனிடம் ----                            பெரிய திருமொழி.

2. மாயச் சமனாரும்....

         அண்டிப் பயமுற வென்றிச் சமன்வரும்

அன்றைக் கடியிணை தரவேணும்     திருப்புகழ், வஞ்சித்துடனொரு

3. தொல்லை மறை தேடி இல்லை எனு நாதர்.....

   வேதங்கள் ஐயா என ஓங்கி ஆழ்ந்தகன்ற நுண்ணியனே

                                               ................. மாணிக்கவாசகர்,திருவாசகம்.    

4. எள்ளி வன மீதுற்று உறைவோனே...

    வெங்காடும் புனமும் கமழும் கழலே ---                                   கந்தர் அனுபூதி.

    தினையோ டிதணோடு திரிந்தவனே) ---                                     கந்தர் அனுபூதி